ប្រជាពលរដ្ឋរងគ្រោះរាប់រយគ្រួសារ ដោយសារ លោក ភ្លន់ តារា ជាមេបញ្ជាការចុះរុះរើលំនៅដ្ឋាន និង ឈូសឆាយដំណាំគ្មានសល់
បន្ទាយមានជ័យៈ កាលពីថ្ងៃទី ២៣ ខែ មីនា ឆ្នាំ២០១៨ លោកឧត្តមសេនីយ៍ត្រី ភ្លន់ តារា មេបញ្ជាការរងយោធភូមិភាគទី៥ និងជាមេបញ្ជាការតំបន់ប្រតិបត្តិការសឹករងខេត្តបន្ទាយមានជ័យ បានចុះរុះរើ ផ្ទះ របស់ប្រជាពលរដ្ឋ ចំនួន៨៣ខ្នង នៅចំណុចដីក្នុងភូមិ៣ស្រុកមានថ្មពួក ស្វាយចេក ភ្នំស្រុក ដែលមានផ្ទៃដីទំហំ២២២២ហិតា។
ប្រជាពលរដ្ឋបានអះអាងថា ដីរបស់ប្រជាពលរដ្ឋបានចូលកាន់កាប់ឆ្ការព្រៃ ដើម្បីយកដីដាំចំការ ដាំដំ ឡូង ចិញ្ចឹមជីវិត តាមរយៈការចូលទៅកាន់កាប់តាមទម្លាប់ ហើយនៅអ្នកភូមិខ្លះ បានទិញពីយោធា ហើយខ្លះបានចូលកាន់កាប់អាស្រ័យផល តៗគ្នា តាំងពីឆ្នាំ២០០១ មក ។ ក្នុងពេលចូលកាន់កាប់ឆ្ការ ព្រៃ យកដីដាំចំការ ។ ប្រជាពលរដ្ឋខ្លះបានសង់លំនៅដ្ឋាន នៅលើដីចំការ ហើយរស់នៅតាមទម្លាប់ លើដីនោះ មិនមានអ្នកណា ចូលមកហាមឃាត់ឡើយ ។ ប្រភពពីប្រជាពលរដ្ឋ បានបញ្ចាក់ថាដី ចំនុច ការ៉េ២ (២២២២ ហិកតា)នេះ នៅពេលពួកគាត់ចូលកាន់កាប់ដីចំការ អាស្រ័យផលរាល់ឆ្នាំ ស្រាប់ឮ ខាងអាជ្ញាធរនិយាយថាៈ ដីដែលប្រជាពលរដ្ឋកំពុងកាន់កាប់អាស្រ័យផល ជាដី របស់យោធា ។ តែក៏ មិនឃើញមានយោធាណាមួយ ចូលមកហាមឃាត់ទេ ។ ទើបតែនៅដើមខែ មីនា ឆ្នាំ ២០១៨ លោក ភ្លន់ តារាមេបញ្ជាការតំបន់ប្រតិបត្តិការសឹកងរង ខេត្តបន្ទាយមានជ័យ បានបញ្ជាឲ្យទាហ៊ានយក គ្រឿង ចក្រចូលទៅឈូសឆាយលើផលដំណាំប្រជាពលរដ្ឋ មានដំឡូងមី ត្រូវខូចខាតរាប់ហិកតា មើម បាន មកនៅលើគោកទាំងអស់ ។
ក្នុងគោលនយោបាយរបស់រាជរដ្ឋាភិបាល បទបញ្ជាលេខ០០១បបនោះ ដីនៅចំណុចការ៉េ២ នេះ មិនទាន់បានវាស់វែងជ្វៀលចេញជូន ប្រជាពលរដ្ឋនៅឡើយទេ ។ តែចំពោះខាងយោធា ត្រូវជ្វៀលដី ប្រជា ពលរដ្ឋ ជាលក្ខណៈគោលនយោបាយស្បែកខ្លា ជូនប្រជាពលរដ្ឋ ។ យោធាមិនអាចបំពានលើប្រជា ពលរដ្ឋ ព្រោះប្រជាពលរដ្ឋជាម្ចាស់វាសនា នៃប្រទេសជាតិ ហើយជាត្រូវការដីធ្លីចិញ្ចឹម ជីវិត ។ ចំណែក ខាងយោធា ជាអ្នកការពារប្រជាពលរដ្ឋ ហើយទទួលបានប្រាក់ខែពីរាស្ត្រ មិនមែនយកដីចំការ ដីលំនៅដ្ឋានរាស្ត្រ ។ ប្រជាពលរដ្ឋជិត១០០០គ្រួសារ បានសំណូមពរ សូមឲ្យសម្តេច អគ្គមហាសេនាបតី តេជោ ហ៊ុន សែន នាយករដ្ឋមន្ត្រី ជួយដល់ពួកគាត់ផង ពួកគាត់កំពុងរងគ្រោះយ៉ាងខ្លាំង ដោយទង្វើ របស់លោកឧត្តម សេនីយ៍មួយនេះ ៕
