ហាយឡិនឌ័រនិងកាមរីសាកកំលាំងគ្នាស្លាប់៣និងរបួស៤នាក់!
បន្ទាយមានជ័យ៖យ៉ាងហោចណាស់មនុស្ស៣នាក់ស្លាប់និង៤នាក់រងរបួសធ្ងន់និងស្រាលក្នុងឧប្បត្តិហេតុ
រថយន្តហាយឡែនឌ័របុកជាមួយរថយន្តកាមរី បើកបញ្ច្រាស់គ្នាហេតុការណ៍នេះបានកើតឡើងកាលពីវេលាម៉ោង 10 និង 15នាទីព្រឹកថ្ងៃទី 26 ខែមីនាឆ្នាំ 2018។
ប្រភពព័ត៌មានបានពីកន្លែងកើតហេតុអោយដឹងថា៖ ករណីគ្រោះថ្នាក់ចរាចរណ៏នេះកើតឡើងរវាងរថយន្តហាយឡែនឌ័រពណ៌ទឹកប្រាក់គ្មានស្លាកលេខ បើកបញ្ច្រាសគ្នាបុកជាមួយរថយន្តកាមរីពណ៌សំបកឪឡឹកពាក់ស្លាកលេខកំពត2A0286នៅចំណុចលើផ្លូវជាតិលេខ58នៅភូមិក្ដិបថ្មឃុំគោករមៀតស្រុកថ្មពួកខេត្ត
បន្ទាយមានជ័យ។
បណ្ដាលឲ្យមនុស្សស្លាប់ចំនួន3នាក់ក្នុងនោះស្រីពីរនាក់ និងក្មេងប្រុសម្នាក់ និងរបួសធ្ងន់ ស្រាល4 នាក់ ប្រុស 3 នាក់ក្មេងប្រុសម្នាក់។
ក្រោយពេលកើតហេតុភ្លាមៗ សមត្ថកិច្ចបានហៅរថយន្តសង្គ្រោះដឹកអ្នករងគ្រោះទៅកាន់មន្ទីរពេទ្យ ដោយគេនៅមិនទាន់ស្គាល់អត្តសញ្ញាជនរងគ្រោះទាំងនោះនៅឡើយទេ ប៉ុន្តែអ្នកស្លាប់មានក្មេងប្រុសម្នាក់ និងមនុស្សចាស់ស្រី២នាក់ ។
ប្រភពន្តទៀតថា ភាគីហាយឡែនឌ័រគ្មានស្លាកលេខ ពណ៌ទឹកប្រាក់ជាអ្នកខេត្តកោះកុង បានជិះមកពីចូលរួមពិធីមង្គលការសាច់ញាតិ នៅក្រុងប៉ោយប៉ែត ដោយមានគ្នា៦នាក់ រួមទាំងអ្នកបើកបរ ។ រីឯខាងរថយន្តកាមរីពណ៌សំបកឪឡឹកបើកបរតែម្នាក់ឯង ។
ទោះជាយ៉ាងណាសមត្ថកិច្ចបានធ្វើការវាស់និងយករថយន្តទៅរក្សាទុកនិងរងចាំធ្វើកាថដោះស្រាយទៅតាមផ្លូវច្បាប់៕
![]()
![]()
![]()