សមត្ថកិច្ចនគរបាលខេត្តបាត់ដំបងឃាត់ខ្លួនជនសង្ស័យមុខសញ្ញាកាច់កម៉ូតូចំនួន៣នាក់!
បាត់ដំបង៖ជនសង្ស័យចំនួន៣នាក់ជាមុខសញ្ញាចោរកម្មជំនាញខាងលួចកាច់កម៉ូតូត្រូវអស់ល័ក្ខជាប់អន្ទាក់សមត្ថកិច្ចខេត្តបាត់ដំបង។
សមត្ថកិច្ចបានអោយដឹងថាដោយយោងតាមបទបញ្ជាយ៉ាងមុឺងម៉ាត់របស់លោកឧត្តមសេនីយ៍ទោអ៊ុចសុខុនស្នងការដ្ឋាននគរបាលខេត្តបាត់ដំបងលោកឈឿងគឹមសុងបានដឹកនាំកម្លាំងចុះស្រាវជ្រាវរហូតឈានដល់ការឃាត់ខ្លួនក្រុមចោរទាំងនោះបានជោគជ័យ។
ជនសង្ស័យទាំង៣ត្រូវកម្លាំងអន្តរាគម៍ឃាត់ខ្លួនបាននៅចំនុចឃុំកំពង់ព្រះ ស្រុកសង្កែ ខេត្តបាត់ដំបងកាលពីល្ងាចថ្ងៃទី២២ ខែមិនា ឆ្នាំ២០១៨។
ជនសង្ស័យទាំង៣ឈ្មោះ៖ទី១-ឡាំ បូរី ភេទប្រុស អាយ២៥ឆ្នាំ រស់នៅភូមិក្រាំងដូង ឃុំសំរោង ស្រុកបន្ទាយមាស ខេត្តកំពត។
ទី២-ឡាំ សុភ័ក្រ ភេទប្រុស អាយុ៣៥ឆ្នាំ រស់នៅភូមិក្រាំងដូង ឃុំសំរោង ស្រុកបន្ទាយមាស ខេត្តកំពត។
ទី៣-ឈ្មោះ ភឹម ពៅ ភេទប្រុស អាយុ៣៥ឆ្នាំ មានទីលំនៅក្នុងភូមិព្រៃពោន ឃុំព្រៃពោន ស្រុកកំពង់ត្របែក ខេត្តព្រៃវែង។
ក្នុងចំណោមជនសង្ស័យទាំង៣នាក់មានកាន់កាតកាសែតជាហេតុធ្វេីអោយក្រុមការងារយេីងសោកស្តាយបំផុតចំពោះទង្វេីរដែលពួកគេបានប្រពឹត្ត ។
នៅរសៀលថ្ងៃទី២៥ខែមិនាឆ្នាំ២០១៨នេះក្រុមចោរ
ទាំង៣នាក់ត្រូវបានបង្ហាញខ្លួនជាសាធារណ:នៅស្នងការដ្ឋាននគរបាលខេត្តបាត់ដំបងរួមទាំងភស្តុងតាងតាមភាពជាក់ស្តែង។
បច្ចប្បន្នជនសង្ស័យទាំង៣នាក់ត្រូវបានកម្លាំងជំនាញនៃការិយាល័យព្រហ្មទណ្ឌកសាងសំណុំរឿងរួចហេីយបញ្ជូនទៅសាលាដំបូងខេត្តបាត់ដំបងដេីម្បីផ្តន្ទាទោសទៅតាមនិតិវិធី៕
