សហគមន៍អឺរ៉ុប សន្យាថា មិនបានផ្តាច់ជំនួយដល់អង្គការមិនមែនរដ្ឋាភិបាលទេ មានតែជំនួយថែម !

បន្ទាយមានជ័យៈ កាលពីថ្ងៃទី ២៧ ខែ មីនា ឆ្នាំ ២០១៨ ឯកអគ្គរដ្ឋទូត ប្រតិភូនៃសហភាពអឺរ៉ុបប្រចាំ នៅកម្ពុជា បានជួបជាមួយអង្គការ Comfrel និង សមាគមអាដហុក ព្រមទាំងអង្គការ PDP ប្រចាំនៅ ខេត្ត បន្ទាយមានជ័យ ដើម្បីពិភាក្សាលើស្ថានភាព ទួទៅនៅក្នុង ខេត្តបន្ទាយមានជ័យ ។  ចំណុចដែលផ្តោត លើការបោះឆ្នោតនៅកម្ពុជានៅពេលខាងមុខ ដើម្បីឲ្យសេរី យុត្តិធម៌  ។ ក្នុងជំនួបនេះ សារព័ត៌មាន បានចូលស្តាប់ និងបានថតនូវសកម្មភាព ដែលបានលើកឡើង នូវស្ថានភាពទូទៅរបស់អង្គការ Comfrel  និង អាដហុក នៅក្នុងខេត្តបន្ទាយមានជ័យ ព្រមចំហរនៃលទ្ធិប្រជាធិបតេយ្យ ។ នៅក្នុងជំនួប ពិភាក្សានោះ លោក George EDGAR ឯកអគ្គរដ្ឋទូត ប្រតិភូនៃសហភាពអឺរ៉ុប ប្រចាំព្រះរាជាណាចក្រ កម្ពុជា បានមានប្រសាសន៍ថាៈ សហគមន៍អឺរ៉ុប បានផ្តាច់ជំនួយពីគណៈកម្មការជាតិរៀបចំការបោះឆ្នោត តែសហគមន៍អឺរ៉ុប មិនផ្តាច់ជំនួយ ឬ ដកជំនួយខ្លះៗពី អង្គការមិនមែនរដ្ឋាភិបាលឡើយ ការផ្តាច់ជំនួយ គ្មានទេ មានតែបន្ថែមជំនួយ ដល់អង្គការធ្វើការលើការឃ្លាំមើលការបោះឆ្នោត និង អង្គការធ្វើការលើ វិស័យឃ្លាំមើលសិទ្ធិមនុស្ស ៕