លោកឧកញ៉ាតាំងអៀងនៅតែបន្តធ្វើសកម្មភាពកាប់បំផ្លាញព្រៃឈើទ្រង់ទ្រាយធំសមត្ថកិច្ចពាក់ព័ន្ធនៅខេត្តពោធិ៍សាត់មិនបង្ក្រាបប្រជាពលរដ្ឋសំណូមពរអោយអង្គភាពប្រឆាំងអំពើរពុករលួយស៉ើបអង្កេត!
ខេត្តពោធិ៍សាត់៖ បែកធ្លាយលោកឧកញ៉ា តាំង អៀង នៅតែបន្តធ្វើសកម្មភាពរាល់ថ្ងៃកាប់បំផ្លាញព្រៃឈើទ្រង់ទ្រាយធំស្ទើរផ្តាច់មុខនៅខេត្តពោធិ៍សាត់ជ្រកក្រោមស្លាកក្រុមហ៊ុនMDSរបស់លោកឧញ្ញ៉ាទ្រីភាពបន្ទាប់ពីក្រុមហ៊ុនទ្រីភាពបានបញ្ចប់អាជ្ញាប័ណ្ណជិត១០ឆ្នាំមកហើយនោះចំណែកសមត្ថកិច្ចពាក់ព័ន្ធសម្ងំឈឹងហាក់ដូចត្រូវថ្នាំសណ្តំប្រជាពលរដ្ឋសំណូមពរអោយអង្គភាពប្រឆាំងអំពើរពុករលួយបើកការស៉ើបអង្កេត។
យោងតាមសេចក្ដីរាយការណ៍ពីខេត្តក្នុពោធិ៍សាត់បានអោយដឹងថាក្នុងរយៈពេលត្រឹមតែជាង៣ទៅ៤ខែនេះ សកម្មភាពកាប់បំផ្លាញព្រៃឈើកំពុងតែកើតមានជាលក្ខណៈទ្រង់ទ្រាយធំ នៅស្រុកវាលវែង ខេត្តពោធិ៍សាត់ សុទ្ធតែប្រភេទឈើធ្នង់និងដឹកឈើរាជ្យកុលចេញពីចំណុចក្រុមហ៊ុនMDSស្ថិតក្នុងឃុំអន្លង់រាបស្រុកវាលវែងខេត្តពោធិ៍សាត់ឆ្លងកាត់ខេត្តកំពង់ឆ្នាំងឆ្ពោះមកកាន់រាជធានីភ្នំពេញសេចក្ដីរាយកាបានឲ្យដឹងថាចំពោះសកម្មភាពកាប់បំផ្លាញឈើនៅស្រុកវាលវែងក៏ដូចជាប្រមូលយកមកដាក់ក្នុងក្រុមហ៊ុនMDSហើយលួចបន្លំកាត់បេសេ ដើម្បីដឹកចេញ សុទ្ធតែប្រភេទឈើរាជ្យកុល និងឈើធ្នង់ សុទ្ធតែជាប៉េសេខុសថាប្រភេទឈើ ក៏ដូចជាច្បាប់និងផ្ទុកលើសទម្ងន់ក្នុងនោះបែរជាមានសមត្ថកិច្ចផ្ទាល់ដែលមានតួនាទីនិងភារកិច្ចជាអ្នកបង្ក្រាបបទល្មើសព្រៃឈើនេះតែម្តងជាអ្នករត់ការផ្លូវតាំងពីស្រុកវាលវែងខេត្តពោធិ៍សាត់ឆ្លងកាត់ខេត្តកំពង់ឆ្នាំងឆ្ពោះមករាជធានីភ្នំពេញក្នុងនោះគោលដៅរបស់ពួកគេភាគច្រើនយកទៅស្តុកទុកនៅឃ្លាំងចំណុចផែស្ងួតនៅត្មាតពងខេត្តកំពង់ស្ពឺខ្លះទៀតត្រូវបញ្ជូនទៅកាន់ខេត្តតាកែវខេត្តកំពតដើម្បីឆ្លងទៅប្រទេសវៀតណាមបានយ៉ាងរលូន។
ប្រជាពលរដ្ឋសូមសុំណូមដល់ឯកឧត្ដមវេងសាខុនរដ្ឌមន្ត្រីក្រសួងកសិកម្មរុក្ខាប្រមាញនិងនេសាទនិងលោកសាយសំអាលរដ្ឋមន្ត្រីក្រសួងបរិស្ថានគួរតែចុះត្រួតពិនិត្យមើលបទល្មើសកាប់បំផ្លាញព្រៃឈើខាងលើនេះផងទាន!ព្រោះតែមន្ត្រីថ្នាក់ក្រោមកំពុងតែសម្ងំឈឹងដូចត្រូវសណ្តំបណ្តោយអោយ លោកឧកញ៉ា តាំង អៀង នៅតែបន្តធ្វើសកម្មភាពរាល់ថ្ងៃកាប់បំផ្លាញព្រៃឈើទ្រង់ទ្រាយធំស្ទើរផ្តាច់មុខនៅខេត្តពោធិ៍សាត់ជ្រកក្រោមស្លាកក្រុមហ៊ុនMDSរបស់លោកឧញ្ញ៉ាទ្រីភាពបន្ទាប់ពីក្រុមហ៊ុនទ្រីភាពបានបញ្ចប់អាជ្ញាប័ណ្ណជិត១០ឆ្នាំមកហើយនោះ ។
ទោះជាយ៉ាងណាពាក់ព័ន្ធនិងព័ត៌មានខាងលើនេះសារព័ត៌មានយើងមិនអាចសនិដ្ឋានថាយ៉ាងណាទេសង្ឃឹមថា អង្គភាពប្រឆាំងអំពើពុករលួយបើការស៉ើបអង្កេត៕
![]()
![]()
![]()