បុរសម្នាក់ ងងុយដេកពេកដេកកើយដែករ៉ៃផ្លូវរថភ្លើង ត្រូវរថភ្លើងកិនដាច់ក្បាលស្លាប់ !
ខេត្តតាកែវ:បុរសវ័យចំណាស់ម្នាក់ត្រូវរថភ្លើងកិនដាច់ក្បាលស្លាប់យ៉ាងអាណោចអាធម្មខណៈរូបគាត់ទៅមើលគេបូមប៊ៀចាប់ត្រីងងុយដេកពេកដេកកើយដែករ៉ៃ
ផ្លូវរថភ្លើង។
ហេតុការណ៍នេះកើតឡើងកាលពីវេលាម៉ោង១២និង២០នាទីរំលងអធ្រាត្រឈានចូលថ្ងៃទី៣ ខែមីនា ឆ្នាំ២០១៨ នៅចំណុចគីឡូម៉ែត្រលេខ ៣៧-៣៨ ក្នុងភូមិបាក់រនាស់ ឃុំសំរោង ស្រុកបាទី ខេត្តតាកែវ ពេលរថភ្លើងមកពីក្រុងព្រះសីហនុឆ្ពោះទៅរាជធានីភ្នំពេញ ។
សមត្ថកិច្ចនគរបាលស្រុកបាទីបានឲ្យដឹងថា ៖ជនរងគ្រោះមានឈ្មោះ មាស ជា ភេទប្រុស អាយុ៦៦ឆ្នាំ ស្នាក់នៅភូមិអូរគគីរ ឃុំអូរដា ស្រុកកំរៀង ខេត្តបាត់ដំបង។ បុរសនេះទើបតែតែមកលេងផ្ទះបងប្អូននៅភូមិកើតហេតុខាងលើរួចមិត្តភក្តិបានបបួលគាត់ទៅមើលគេបូមស្រះយកត្រី តែបូមមិនទាន់រីងនៅឡើយទេ។ នៅពេលនោះជនរងគ្រោះងងុយដេកពេកក៏ដើរទៅដេកកើយផ្លូវរថភ្លើងលក់មួយភាំងស្រាប់តែរថភ្លើងមកដល់កិនបែកក្បាលស្លាប់យ៉ាងអាណោចអាធ័ម។
ក្រោយកើតហេតុសមត្ថកិច្ចជំនាញទៅដល់ធ្វើកោសល្យវិច័យហើយបានសន្និដ្ឋានថាជនរងគ្រោះពិតជាត្រូវរថភ្លើងកិក្បាលស្លាប់ប្រាកដមែនទើបប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី ៕
![]()
![]()
![]()