សានវិជ្ជាសារាវុធ ទុកលោកហុងលៀងដើម្បីប្រមូលផលប្រយោជន៍ពីការបង្ហូរចូលទៅទំនិញខូចគុណភាព!
បន្ទាយមានជ័យ: ក្រោយទទួលតំណែងជា ប្រធានសាខាកាំកុងត្រូល ខេត្ត បន្ទាយមានជ័យ មក លោក សានវិជ្ជាសារាវុធ ត្រូវបាន ទូរទស្សន៍ និងកាសែតក្នុងស្រុកមួយចំនួន បានធ្វើការផ្សព្វផ្សាយព្រោងព្រាតដោយ លើកសសើរអំពីស្នាដៃ ក្នុងការ ចុះត្រួតពិនិត្យ ទំនិញនៅតាមទីផ្សារនានា ដើម្បីកាពារសុខភាពប្រជាពលរដ្ឋ ដោយទប់ស្កាត់ ការប្រើប្រាស់ សារធាតុ គីមី និងចំណីអាហារខូចគុណភាពជាដើម។
តែចំពោះប្រជាពលរដ្ឋវិញបែរជាមើលឃើញថានេះជាការសម្តែងល្ខោនតែប៉ុណ្ណោះ ធាតុពិតគឺមន្ត្រីជំនាញជាអ្នកបើកដៃអោយឈ្មួញខិលខូចលួចនាំចូលប្រហិត គ្រប់ប្រភេទ សាច់មាន់ឆ្អឹងមាន់និងអាហារខូចគុណភាពតាមច្រកទ្វារអន្តរជាតិប៉ោយប៉ែតយក្នុង១ថ្ងៃៗរាប់តោនមកបំផ្លាញសុខភាព ប្រជាពលរដ្ឋខ្មែជាថ្នូរនិងលុយក្រោមតុ។
ប្រភព ព័ត៌មានពីប្រជាពលរដ្ឋខ្មែរដែលរស់នៅ ជាយដែនថៃ បានរាយការណ៍ ឲ្យដឹងថា ជារៀងរាល់ថ្ងៃ សាច់មាន់ ឆ្អឹងមាន់និងប្រហិតខូចគុណភាពដែលជនជាតិថៃគេបោះចោលត្រូវបានឈ្មួញខិលខូចលួចដឹកបង្កប់តាមរទេះ ជនពិការដឹកចូលមកប្រទេសកម្ពុជា តាមច្រកទ្វារអន្តរជាតិ ប៉ោយប៉ែតរាប់តោន ក្នុង១ថ្ងៃៗដោយមានការបើកដៃពីមន្ត្រីកាំកុងត្រូលតែម្តង។
ប្រភព ព័ត៌មានបន្តឲ្យដឹងទៀតថា: បន្ទាប់ពីដឹកជញ្ជូនចេញពីផ្សាររោងគ្លឿ ចេញមកដល់ទឹកដីខ្មែរ ក្រុមកម្មករអូស រទេះពិការដែលមានបង្កប់សាច់មាន់ឆ្អឹងមាន់និង ប្រហិតដែលជាអាហារខូចគុណភាពទាំងនោះមានមកផ្ទេរដាក់រថយន្ត នៅចំណុច ក្រោយផ្សារមង្គលប៉ៅយប៉ែតក្បែរទីលានត្រួតពិនិត្យរបស់គយនិងរដ្ឋាករក្រុងប៉ោយប៉ែត។
ដោយមានទាំងរថយន្ត កាមរី ផងរថយន្តកូរ៉េផងចាំដឹកជញ្ជូនទៅលក់បន្តនៅតាមបណ្តាខេត្តផ្សេងទៀត។
ប្រភព បន្តអោយដឹងទៀតថា ពេលខ្លះគេឃើញ មន្ត្រីកាំកុងត្រូលចុះមកយកលុយផ្ទាល់ ពេលខ្លះគេឲ្យឈ្មោះឡុង ជាមនុស្សជំនិតរបស់លោកហុងលៀងអនុប្រធានសាខាកាំកុងត្រូលទទួលបន្ទុកទីផ្សារដើរប្រមូលលុយពីរទេះផងនិងពីម្ចាស់រថយន្តដឹកទំនិញទាំងនោះផង។ ពេលខ្លះ គេឃើញលោក ឆាំងកា ដែលជា មេកម្មកររទេះជនពិការដើរប្រមូលលុយពីក្រុមកម្មករ រទេះពិការ និងរថយន្តដឹកទំនិញទាំងនោះដើម្បីយកឲ្យលោកហុងលៀងទៀតផង។
ក្រៅតែពីការប្រព្រឹត្តអំពើរពុក រលួយនៅតាមច្រកទ្វារអន្តរជាតិប៉ោយប៉ែតហើយនោះ លោកហុងលៀង នៅមានចំណូលពីការបង្កើតកុងត្រូលជជុះនៅលើផ្លូវ ព្រំដែនអូរបីជាន់ ដោយអោយឈ្មោះរេន ដែលមិនមែនជាមន្ត្រីកាំកុងត្រូលជាអ្នកប្រមូល លុយកាក់ ពីឈ្មួញដឹកជ្រូក ក្នុងមួយខែ១០០០០០០(មួយលានរៀល)
ចំណែក រថយន្តដឹកមាន់ ក្នុង១ខែ ៥០០០០០(ប្រាំសែនរៀល) ហើយនៅ ប្រមូលពី រយថន្ត ដឹកទំនិញផ្សេងៗដែលចេញតាមច្រករបៀងដែលផ្លងកាត់ផ្លូវនេះទៀតផងដោយលោកហុងលៀង ទារមិនអោយចាញ់មន្ត្រីជំនាញ គយនិង មន្ត្រី បសុពេទ្យ ឡើយ។
គិតទៅ លោក សានវិជ្ជាសារាវុធ ពិតជាមានសំណាងល្អ មែនទែនដែល លោកស៊ានស៊ីណាត បន្សល់ទុក កូនចៅ ដែល ប៉ិនប្រសប់ រកប្រាក់ចិញ្ចឹមមេដូចជា លោក ហុងលៀង នេះអញ្ចឹងបានជាលោក សាន វិជ្ជាសារាវុធ សម្បាយរាប់លុយរហូតភ្លេចគិតពីសុខភាពប្រជាពលរដ្ឋបែបនេះ។
ទោះជាយ៉ាងណា មជ្ឈដ្ឋាននានា លើកឡើងថា លោក ម៉កពេជរិទ្ធ ប្រធាន នាយកដ្ឋាន កាំកុងត្រូលគួរតែ ពិនិត្យមើលទង្វើ របស់កូនចៅនៅខេត្ត បន្ទាយមានជ័យផងទាន ! ប្រជាពលរដ្ឋរិះគន់ថាក្រោយទទួលតំណែងជា ប្រធានសាខាកាំកុងត្រូល ខេត្ត បន្ទាយមានជ័យ មក លោក សានវិជ្ជាសារាវុធ ត្រូវបាន ទូរទស្សន៍ និងកាសែតក្នុងស្រុកមួយចំនួន បានធ្វើការផ្សព្វផ្សាយព្រោងព្រាតដោយ លើកសសើរអំពីស្នាដៃ ក្នុងការ ចុះត្រួតពិនិត្យ ទំនិញនៅតាមទីផ្សារនានា ដើម្បីកាពារសុខភាពប្រជាពលរដ្ឋ ដោយទប់ស្កាត់ ការប្រើប្រាស់ សារធាតុ គីមី និងចំណីអាហារខូចគុណភាពជាដើម។
តែចំពោះប្រជាពលរដ្ឋវិញបែជាមើលឃើញថានេះជាការសម្តែងល្ខោនតែប៉ុណ្ណោះ ធាតុពិតគឺមន្ត្រីជំនាញជាអ្នកបើកដៃអោយឈ្មួញខិលខូចលួចនាំចូលប្រហិត គ្រប់ប្រភេទ សាច់មាន់ឆ្អឹងមាន់និងអាហារខូចគុណភាពតាមច្រកទ្វារអន្តរជាតិប៉ោយប៉ែតយក្នុង១ថ្ងៃៗរាប់តោនមកបំផ្លាញសុខភាព ប្រជាពលរដ្ឋខ្មែជាថ្នូរនិងលុយក្រោមតុ។
![]()
![]()
![]()