រដូវចោរចេញលួចឡាន អស់ល័ក្ខជិៈជួបម្ចាស់ ត្រូវបាននគរបាលស្នងការ ខេត្តក្របួច បានពីរនាក់

បន្ទាយមានជ័យៈ កាលពីថ្ងៃទី ០៤ ខែ មីនា ឆ្នាំ២០១៨ វេលា ម៉ោង ១ រំលងអាធ្រាត្រ មានក្រុមចោរមួយក្រុម មានគ្នា ៣ នាក់ បានចូលលួចរយន្តម៉ាក កាមារីកាលីហ្វ័រញ៉ា មានស្លាកលេខ ឆ ២៧៦៧ ពភ ២ នៅចំណុចការ៉ាស ឡាន នៅភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ជាកម្មសិទ្ធិរបស់ ឈ្មោះ ជាង ចិន ។ ក្នុងការធ្វើសកម្មភាពនៅក្នុង Camera សុវត្ថិភាព ចោរទាំងបីនាក់នោះ បានប្រើប្រាស់ពេលវេលាលឿន បំផុត ហើយបាននាំយករថយន្តចេញ ដោយសុវត្ថិភាព ។ ក្រោយពី​បានដឹងថា បាត់រថយន្ត ម្ចាស់រថយន្ត បានរាយ ការណ៍ទាំងយប់ទៅសមត្ថកិច្ច ដើម្បីជួយពួនស្ទាក់ចាប់ជនប្រព្រឹត្តនោះ ។

នៅពេលរសៀល ម្ចាស់រថយន្ត និងមិត្តភក្តិ បានធ្វើដំណើរតាមផ្លូវជាតិ លេខ ៥ មកពីប៉ោយប៉ែតវិញ ស្រាប់តែបាន ជួបរថយន្ត ដែលចោរលួចនោះ កំពុងតែបើកបញ្ច្រាសទិសគ្នា  ។ ម្ចាស់រថយន្តបានឃើញហើយ ក៏បានបត់រថយន្ត ដេញតាម ព្រមទាំងរបាយការណ៍ទៅកងកំលាំងមន្ត្រីនគរបាល យុត្តិធម៌ បានចុះទៅដល់កន្លែងនោះភ្លាម  ចំណែក ជនសង្ស័យបានទុកឡានចោលចុះរត់គេខ្លួ​ន តែមិនរួចពីភ្នែកសមត្ថកិច្ចប៉ូលិស ដ៏មានជំនាញ បានចាប់បាន២ នាក់ ចំណែក ១ នាក់ទៀត បានរត់គេចខ្លួន ។ សារព័ត៌មានខ្មែរជាយដែន មិនទាន់បានដឹងសាវតាជាតិ ជនជាប់សង្ស័យ ទាំងពីរនាក់នោះនៅឡើយ ដោយសារមន្ត្រីនគរបាលយុត្តិធម៌កំពុងតែសាកសួរ យកចំលើយបន្ត ៕