មន្ត្រីយោធាព្រំដែនកងល្បាត២ផ្គើនបទបញ្ជារសម្តេច ក្រឡាហោម លោកសួនបវរនិងលោកអាត់ខែមសម្ងំ ឈឹងសង្ស័យពាក់ព័ន្ធនិងផលប្រយោជន៍!
បន្ទាយមានជ័យ៖បទល្មើសឆ្លងដែននៅតែបន្តកើតមានយ៉ាងគគ្រឹកគគ្រេងនៅតាមខ្សែរបន្ទាត់
ព្រំដែន កម្ពុជា-ថៃ ជាពិសេសច្រក របៀងចំការគ ក្នុងភូមិសាស្ត្រស្រុកស្វាយចេកនៃខេត្តបន្ទាយមាន
ជ័យ កំពុងតែល្បីល្បាញខ្លាំង ថាបានបើកដៃអោយមេខ្យល់នាំពលករឆ្លងដែនចូលទឹកដីថៃទាំងប្រថុយ
ប្រថានទៅកាប់ឈើរគ្រញូងនៅក្នុងទឹកដីថៃ និងបាននាំចូលនូវម៉ូតូក្តៅ រួមទាំងរថយន្តចង្កូតស្តាំ ពីប្រទេស
ថៃផងដែរ។
ប្រភព ព័ត៌មានពីប្រជាពលរដ្ឋរស់នៅជាយដែនថៃបានលួចខ្សឹបប្រាប់ថា៖ដោយមានការឃុបឃិតជាមួយយោធាថៃទល់មុខគ្នាប៉ុស្តិ៍ថាប់យ៉ាមដែលគ្រប់គ្រងដោយមេបញ្ជាការឈ្មោះ«ហួណាមូ»ទើបច្រករបៀង ចំការគ ដែលស្ថិតនៅក្នុងភូមិចំការឃុំស្វាយចេកស្រុកស្វាយចេក ខេត្តបន្ទាយមានជ័យ។
ដែលគ្របគ្រងដោយលោក«ហានយ៉ុង»មេបញ្ជារកងល្បាត២ នៅតែដំណើរការយ៉ាងរលូនដដែលបើទោះបី
ជាសម្តេចក្រឡាហោម«សខេង»ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃដាក់បទ បញ្ជារអោយ
បិទច្រករបៀងនៅតាមខ្សែរបន្ទាត់ព្រំដែនដើម្បីសំដៅទប់ស្កាត់រាល់បទល្មើសឆ្លងដែនដែលធ្វើអោយបាត់
បង់ពន្ធចូលរដ្ឋយ៉ាងច្រើនសន្ធឹកសន្ធាប់ និងបង្ករគ្រោះថ្នាក់ដល់អាយុជីវិតប្រជាពលរដ្ឋដោយសារតែជនខិលខូច ជួញដូរមនុស្សឆ្លងដែន និងបោកបញ្ឆោតពលរដ្ឋខ្មែរចូលទៅកាប់ឈើរគ្រញូងខុសច្បាប់នៅក្នុងទឹកដីថៃ
រងនូវការបាញ់សម្លាប់និងចាប់ដាក់គុកពីសំណាក់សមត្ថកិច្ចថៃនោះ។ត្រូវបានគេមើលឃើញថា បទបញ្ជារ របស់ សម្តេចក្រឡាហោម«ស.ខេង»ហាក់ដូចជាគ្មានប្រសិទ្ធភាពឡើយ។ដូចចាក់ទឹកលើក្បាលទា អញ្ចឹង
ដោយសារតែមន្ត្រីក្រោមឱវាទចាត់ទុកបទបញ្ជារគ្រាន់តែជាការ កូតទ្រ អោយសត្វគោស្តាប់ប៉ុណ្ណោះ។
ជាងនេះទៅទៀតឧត្តមសេនីយ៍ត្រី ឃួន ជឿន មេបញ្ជាការយោធាវរការពារព្រំ ដែនលេខ៥០៣ គឺជាអ្នកឃុបឃិត បើកដៃឲ្យមនុស្សជំនិតរបស់ ខ្លួនប្រព្រឹត្តបទ ល្មើស ឆ្លងដែននាំចូលម៉ូតូគេចពន្ធ រថយន្តចង្កូតស្ដាំ និងឈើគ្រញូង ពីទឹកដីសៀមដោយគ្មាន ខ្លាចក្រែងអ្វីឡើយ។ អ្វីដែលគួរឲ្យកត់ សម្គាល់នោះគឺលោក សួន បវរ អភិបាល ខេត្តបន្ទាយមានជ័យ និងលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ កំពុងរក្សាភាពស្ងៀមស្ងាត់ក្នុងខណៈដែលបទល្មើសឆ្លងដែនតាមច្រករបៀងជាច្រើនកន្លែងនៅក្រុងប៉ោយប៉ែត ស្រុកស្វាយចេក ស្រុកថ្មពួក ស្រុកអូរជ្រៅ និងស្រុកម៉ាឡៃ នៅតែកើតឡើងយ៉ាងអនាធិបតេយ្យដដែល។
ប្រភពខ្លះបានឲ្យដឹងថា ការដែលឧត្តមសេនីយ៍ត្រី ឃួន ជឿន ហ៊ានធ្វើអ្វីៗស្រេចតែអំពើចិត្តគឺមានការឃុបឃិតបើកដៃពីសំណាក់លោក ប៊ុន សេង មេបញ្ជាការយោធាយោធភូមិភាគ៥ផងដែរ។
ហើយមនុស្សជំនិតរបស់ឧត្តមសេនីយ៍ត្រី ឃួន ជឿន ២នាក់ដែលកំពុងល្បីល្បាញខាងនាំចូល
ទំនិញគេចពន្ធ ទំនិញខុសច្បាប់និងឈើគ្រញូងនោះម្នាក់ឈ្មោះ ឆៃ និងម្នាក់ទៀតឈ្មោះ រ៉េត បុគ្គលទាំង២នាក់នេះកំពុងធ្វើអ្វីៗស្រេចតែអំពើចិត្ត។ ប្រភពបានឲ្យដឹងទៀតថា ឈ្មោះ ឆៃ គឺជាអ្នករកស៊ីនាំចូលម៉ូតូគេចពន្ធពីប្រទេសសៀមតាមច្រករបៀងចំការគ ហើយឈ្មោះ រ៉េត គឺជាអ្នកនាំចូលឈើគ្រញូងខុសច្បាប់ពីទឹកដីសៀមតាមច្រករបៀងចំការគដូចគ្នា។ តែអ្វីដែលគួរអោយកត់សំគាល់នោះគឺឈ្មោះឆៃនេះគ្រាន់តែជាឈ្មួញកំប៉ិកកំប៉ុកប៉ុណ្ណោះគឺនៅមានឈ្មួញធំៗដែលមានអ្នកមានឥទ្ធិពលខ្លាំងទើបអាចរកស៉ីបានព្រោះនៅមាត់ច្រកទាំងអស់សុទ្ធសឹងតែមានសមត្ថកិច្ច
បង្ក្រាបបទល្មើសសេដ្ឋកិច្ចទាំងអស់។
ប្រភពបន្តអោយដឹងទៀតថាពេលនេះមានឈ្មួញធំម្នាក់ទៀតឈ្មោះខែមសោភ័ណជាមេការិយាល័យនគរបាលព្រហ្មទណ្ឌ កំរិតស្រាលនៃស្នងការដ្ឋានខេត្ត បន្ទាយមានជ័យដែលត្រូវជាកូនបង្កើតរបស់លោកឧត្តមសេនិយ៍ទោ«អាត់ខែម»ស្នងការខេត្តបន្ទាយមានជ័យនេះផងដែរព្រោះតែបែបនេះទើបម៉ូតូក្តៅនិងរយន្តចង្កូតស្តាំបានដោយរលូន។
ជុំវិញនៃការចោទប្រកាន់របស់ប្រជាពលរដ្ឋថាកូនប្រុសលោកស្នងការខេត្តបន្ទាយមានជ័យជាមេឈ្មួញធំក្នុងការនាំចូលម៉ូតូក្តៅនិងរថយន្តចង្កូដស្តាំនេះអ្នកសារព័ត៌មានយើងមិនអាចសន្និដ្ឋានថាយ៉ាងណានោះទេ។
តែមជ្ឈដ្ឋាននានាបានលើកឡើងថាអធិការកិច្ចរបស់ក្រសួងមហាផ្ទៃគួរតែបើកការស៊ើបអង្កេតតាមខ្សែរ
បន្ទាត់ព្រំដែនទៅដឹងហើយថាតើមន្ត្រីក្រោមឱវាទជាពិសេសលោកសួនបវរអភិបាលខេត្តបន្ទាយមានជ័យយកចិត្តទុកដាក់បិទច្រករបៀងជិតទេ? ហើយការលួចបើកច្រករបៀងផ្គើនបទបញ្ជារសម្តេចក្រឡាហោម«ស ខេង»មានការឃុបឃិតពីសមត្ថកិច្ច
ណាខ្លះ?
តើចំពោះការចោទប្រកាន់របស់ប្រជាពលរដ្ឋថា លោកខែមសោភ័ណប៉ូលិសមេការិយាល័យកំរិតស្រាលកូនប្រុសលោកស្នងការខេត្តជាមេឈ្មួញធំក្នុងការរកស៊ីនាំចូលម៉ូតូក្តៅរថយន្តចង្កូតស្តាំតាមច្រករបៀងពិតឬយ៉ាងណា?
ដើម្បីកិត្តិយសនិងភាពស្អាតស្អំរបស់កងកម្លាំងនគរបាលជាតិផងនិងដើម្បីអោយបទបញ្ជារដ៏ខ្ពងខ្ពស់របស់សម្តេចក្រឡាហោម«សខេង»មានតម្លៃមិនក្លាយជាការកូតទ្រអោយសត្វគោស្តាប់សម្រាប់មន្ត្រីនៅតាមព្រំ
ដែននេះ៕
