ប្រជាពលរដ្ឋជាង២០០នាក់ប្រដាប់ដោយកាំបិត ពូថៅ ផ្ទុះការតវ៉ាបិទផ្លូវជាតិ76Aត្រូវបានទាហានបាញ់ស្លាប់ ៦នាក់និងរបួស៤០នាក់!
ក្រចេះ៖ អត់ធ្មត់មានដែនកំណត់ ទីបំផុតផ្ទុះដូចភ្នំភ្លើងដោយខឹងនឹងកំលាំងចំរុះចុះរុះរើផ្ទះរបស់ពួកគាត់នៅតាមក្រវាត់ព្រំដីក្រុមហ៊ុនមេមត់ដែលមានទំនាស់មិនទាន់បានដោះស្រាយរួចរាល់ប្រជាពលរដ្ឋជាង២០០នាក់ប្រដាប់ដោយកាំបិតពូថៅផ្ទុះការតវ៉ាបិទផ្លូវជាតិ76A បង្កការភ្ញាក់ផ្អើលកាល វេលាម៉ោង១១និង០០នាទីថ្ងៃព្រហស្បត៏ ៧រោជខែផល្គុនឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី៨ខែមិនាឆ្នាំ២០១៨ នៅចំណុចច្រកចូលរបស់ក្រុមហ៊ុនមេមត់ ភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ ។
ប្រភពពត៌មានរាយការណ៍អោយដឹងថា៖ប្រជាពលរដ្ឋដែលមានទំនាស់ដីធ្លី ជាមួយ ក្រុមហ៊ុនមេមត់ ប្រជាពលរដ្ឋជាង២០០នាក់ ប្រដាប់ដោយ ដំបង កាំបិត ពូថៅ នៅក្នុងដៃ បានចុះមកបិទផ្លូវជាតិ លេខ៧៦Aដោយសារខឹងនឹងកំលាំងចំរុះចុះរុះរើផ្ទះរបស់ពួកគាត់នៅតាមក្រវាត់ព្រំដីក្រុមហ៊ុនមេមត់ ដែលមានទំនាស់មិនទាន់បានដោះស្រាយរួចរាល់ ហេតុការណ៏នេះនៅកំពុងដោះ ស្រាយគ្នានៅទ្បើយ។
លោក វណ្ណី បានឲ្យដឹងថា ក្រុមអាជ្ញាធរ បានចុះរុះរើខ្ទម ដែលពលរដ្ឋសង់លើដីជម្លោះ ហើយពលរដ្ឋបានធ្វើការតវ៉ា ដែលបណ្តាលឲ្យមានការប៉ះទង្គិចគ្នា និងការបាញ់កាំភ្លើងកើតឡើង។ ភ្លាមៗនោះ ប្រជាពលរដ្ឋចំនួន ២ នាក់បានស្លាប់ នៅនឹងកន្លែង និង ៤ នាក់ទៀត បានស្លាប់តាមផ្លូវពេលបញ្ជូនទៅមន្ទីរពេទ្យ។ ក្នុងហេតុការណ៍នេះ ទូរស័ព្ទរបស់ប្រជាពលរដ្ឋប្រមាណជា ២០០ គ្រឿង ត្រូវបានអាជ្ញាធរដកហូត។
លោក ប៉ុង វិន មេឃុំ ២ ធ្នូ បានឲ្យដឹងថា លោកបានឃើញគេដុតផ្ទះពលរដ្ឋ ប្រមាណជា ៧ គ្រួសារ និងបានដុតជាបន្តបន្ទាប់ ព្រមទាំងមានកាប់បំផ្លាញដើមចេក ដែលបណ្តាលឲ្យពលរដ្ឋខឹង និងប្រមូលផ្តុំគ្នាបិទផ្លូវ។ ពេលនោះ ក្រុមអាជ្ញាធរបានប្រាប់ពលរដ្ឋឲ្យបើកផ្លូវវិញ តែពលរដ្ឋមិនព្រមបើក។ លោកអះអាងផងដែរថា មានពលរដ្ឋ ២ នាក់ស្លាប់ នៅនឹងកន្លែងកើតហេតុ។
ពលរដ្ឋនៅក្នុងហេតុការណ៍នោះ បានឲ្យដឹងថា ប្រជាពលរដ្ឋបាននាំគ្នាតវ៉ា រយៈពេល ៣ ថ្ងៃមកហើយ ប៉ុន្ដែនៅថ្ងៃចុងក្រោយនេះ ពលរដ្ឋ បាននាំគ្នាទៅតវ៉ា ដោយបិទផ្លូវ ទើបបានជាក្រុមទាហ៊ាន បានបាញ់រះមកលើក្រុមប្រជាពលរដ្ឋយ៉ាងសាហាវបែបនេះ។ ក្រុមទាហ៊ានមានកាំភ្លើងគ្រប់ដៃ ប៉ុន្ដែមន្រ្តីនគរបាល និងកងរាជអាវុធហត្ថ មិនមានកាំភ្លើងទេ។
លោកអះអាងថា៖«ការបាញ់ប្រហារនេះ ត្រូវបានបញ្ជាផ្ទាល់ដោយលោកអភិបាលខេត្ត សរ ចំរុង ព្រោះដីនេះ ជាដីរបស់លោកស្រី ហ៊ុន ម៉ាណា កូនស្រីសម្ដេច ហ៊ុន សែន។ ពេលបាញ់នោះពីរនាក់បានស្លាប់ភ្លាមៗ ៣ នាក់ រត់ចេញពីកន្លែងកើតហេតុប្រហែល៥០ ម៉ែត្រ ទើបស្លាប់ និងម្នាក់ទៀត ស្លាប់តាមផ្លូវ ខណៈដែលឡានពេទ្យដឹកទៅសង្រ្គោះបន្ទាន់»។អភិបាលខេត្តក្រចេះ លោក សរ ចំរ៉ុង មិនទាន់អាចទាក់ទងសុំអធិប្បាយបានទេ។
ទោះជាយ៉ាងមហាជនលើកឡើងថាអាជ្ញាធរនិងសមត្ថកិច្ចពាក់ពន្ធ័ទាំងអស់មេត្តាជួយដោះស្រាយបញ្ហារបស់ប្រជាពលរដ្ឋអោយមានយុត្តិធម៌ទើបប្រសើរមិនមែនកាន់ជើងតែខាងក្រុមហ៊ុនដែលមានលុយមានអំណាច
ទៅបំពានអ្នកក្រតូចតាចតាមតែទំនើងចិត្តនោះដែរហើយការ អត់ធ្មត់មានដែនកំណត់ បើធ្វើអោយដល់ក
ច្បាស់ជាកំហឹងរបស់ពលរដ្ឋផ្ទុះដូចភ្នំភ្លើងអញ្ចឹង!៕
