បទបញ្ជាសម្តេចក្រឡាហោម«ស ខេង»ត្រូវបាន យោធាព្រំដែនជាន់ឈ្លី លោកសួនបវរធ្មេចភ្នែក ខណៈមន្ត្រីជំនាញស្ទើរគ្រប់ស្ថាប័នដាក់កុងត្រូលជជុះប្រមូលផលប្រយោជន៍!
បន្ទាយមានជ័យ៖លោកសួនបវរសុខចិត្តធ្មេចភ្នែកធ្វើមើលមិនឃើញបណ្តោយអោយយោធាតាមខ្សែរបន្ទាត់ព្រំដែនជាន់ឈ្លីបទបញ្ជារសម្តេចក្រឡាហោម«សខេង»ដោយបើកច្រករបៀងនិងបង្ហូរចូលទំនិញ
គ្រប់ប្រភេទដែលធ្វើឲ្យខាតបង់ពន្ធចូលរដ្ឋនិងធ្វើអោយប៉ះពាល់ដល់សុខភាពប្រជាពលរដ្ឋយ៉ាងធ្ងន់ធ្ងរ
ចំណែកមន្ត្រីជំនាញជាច្រើនស្ថាប័នឆ្លៀតឱកាសដាក់កុងត្រូលជជុះប្រព្រឹត្តអំពើរពុករលួយយកប្រាក់ដាក់ហោប៉ៅរៀងៗខ្លួនយ៉ាងត្រជាត់ចិត្ត។
ទោះបីជាសម្តេចក្រឡាហោម«សខេង»ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃដាក់បទ បញ្ជារអោយបិទច្រករបៀងនៅតាមខ្សែរបន្ទាត់ព្រំដែនដើម្បីសំដៅទប់ស្កាត់រាល់បទល្មើសឆ្លងដែនដែលធ្វើអោយបាត់បង់ពន្ធចូលរដ្ឋយ៉ាងច្រើនសន្ធឹកសន្ធាប់ និងបង្ករគ្រោះថ្នាក់ដល់អាយុជីវិតប្រជាពលរដ្ឋដោយសារតែជនខិលខូច ជួញដូរមនុស្សឆ្លងដែន និងបោកបញ្ឆោតពលរដ្ឋខ្មែរចូលទៅកាប់ឈើរគ្រញូងខុសច្បាប់នៅក្នុងទឹកដីថៃរងនូវការបាញ់សម្លាប់និងចាប់ដាក់គុកពីសំណាក់សមត្ថកិច្ចថៃនោះ។ត្រូវបានគេមើលឃើញថាបទបញ្ជាររបស់សម្តេចក្រឡាហោម«ស.ខេង»ហាក់ដូចជាគ្មានប្រសិទ្ធភាពឡើយ។ដូចចាក់ទឹកលើក្បាលទាអញ្ចឹងដោយសារតែមន្ត្រីក្រោមឱវាទចាត់ទុកបទបញ្ជារគ្រាន់តែជាការកូតទ្រអោយសត្វគោស្តាប់ប៉ុណ្ណោះ។
ដោយសារតែមន្ត្រីយោធាដែលឈរជើងនៅតាមខ្សែរបន្ទាត់ព្រំដែន នៅតែបន្តលួចបើកច្រករបៀងនិងបង្ហូរ
ចូលនៅទំនិញគេចពន្ធ រាប់ទាំងរថយន្តចង្កូតស្តាំ ម៉ូតូក្តៅ ឈើរគ្រញូង គ្រឿងបរិក្ខារ សង្ហារិម ជ្រូក មាន់ទា គោ ក្របីនិងអាហារខូចគុណភាពប្រទេសថៃ ដដែល ។
ប្រជាពលរដ្ឋរស់នៅតាមខ្សែរបន្ទាត់ព្រំដែន កម្ពុជា-ថៃនៅភូមិថ្នល់បត់ឃុំអូរបីជាន់ ស្រុកអូរជ្រៅ ខេត្ត បន្ទាយមានជ័យបានរាយការណ៍អោយដឹងថា៖ដោយសារតែ តាមបណ្តោយខ្សែរ បន្ទាត់ព្រំដែនកម្ពុជា-ថៃ
ក្នុងភូមិសាស្ត្រស្រុកអូរជ្រៅ ស្រុកស្វាយចេក ស្រុកថ្មពួកដែលគ្រប់គ្រងដោយយោធាខ្លះនិងនគរបាលកាពារព្រំដែនខ្លះផងបានបន្តលួចបើកច្រករបៀងចេញនូវបទល្មើសគេចពន្ធគ្រប់ប្រភេទជាយូរមកហើយ ទោះបីជាសម្តេចក្រឡាហោម «ស ខេង» ដាក់បទបញ្ជារអោយបិទច្រករបៀតាមបណ្តាព្រំដែនទាំងអស់តែលោក អភិបាលខេត្តបន្ទាយមានជ័យ គឺលោកសួនបវរ ហាក់ដូចជាមិនខ្វាយខ្វល់ អនុវត្តន៍តាមឡើយហើយធ្មេចភ្នែកធ្វើមើល មិនឃើញ បណ្តោយអោយយោធាតាមខ្សែរបន្ទាត់ព្រំដែនជាន់ឈ្លីបទបញ្ជារសម្តេចក្រឡាហោម«សខេង»ដោយបើកច្រករបៀងនិងបង្ហូរចូលទំនិញគ្រប់ប្រភេទដែលធ្វើឲ្យខាតបង់ពន្ធចូលរដ្ឋនិងធ្វើអោយប៉ះពាល់ដល់សុខភាពប្រជាពលរដ្ឋយ៉ាងធ្ងន់ធ្ងរចំណែកមន្ត្រីជំនាញជាច្រើនស្ថាប័ន ដូចជា គយខេត្ត មន្ត្រីជំនាញបសុពេទ្យ មន្ត្រីជំនាញកាំកុងត្រូល ប៉ូលិសសេដ្ឋកិច្ច ទាហាននិងប៉ូលិសប៉ុស្តិ៍ផងដែរឆ្លៀតឱកាសដាក់កុងត្រូលជជុះប្រព្រឹត្តអំពើរពុករលួយយកប្រាក់ដាក់ហោប៉ៅរៀង.ៗខ្លួនយ៉ាងត្រជាត់ចិត្ត។
ជាចុងក្រោយប្រជាពលរដ្ឋសំណូមពរឲ្យអង្គភាពប្រឆាំងអំពើពុករលួយមេត្តាចុះ ស្រាវជ្រាវជាប្រញាប់
ព្រោះតែ មានការឃុបឃិតគ្នាបើកច្រករបៀងតាមខ្សែរបន្ទាត់ព្រំដែន ចេញនូវ រថយន្តចង្កូតស្តាំ ម៉ូតូក្តៅ ឈើរគ្រញូងនិងអាហារខូចគុណភាពដែលធ្វេើបាត់បង់ថវិការពន្ធចូលរដ្ឋនិងធ្វើអោយប៉ះពាលដល់សុខភាពប្រជាពលរដ្ឋយ៉ាងធ្ងន់ធ្ងរតែផលប្រយោជនបានទៅមន្ត្រីជំនាញមួយក្តាប់តូចដែលលួចដាក់កុងត្រូលជជុះទៅវិញ៕
