ហាយឡិនឌ័របុកម៉ូតូបត់ឆ្លងផ្លូវរបួសធ្ងន់១ស្រាល១!
បន្ទាយមានជ័យ៖ ម៉ូតូស្ទាវបើកឆ្លងផ្លូវត្រូវរថយន្ត HiLanderព្រលះបណ្តាលអោយរងរបួសធ្ងន់ម្នាក់និងស្រាលម្នាក់ ត្រូវបានគេបញ្ជូនទៅកាន់មន្ទីពេទ្យ។
ថ្ងៃទី១៥ខែមេសាឆ្នាំ២០១៨មានករណីគ្រោះថ្នាក់ចរាចរមួយកើតឡើងត្រង់ចំណុចលើផ្លូវជាតិលេខ៥៦ ស្ថិតក្នុងភូមិ ទ្រាស ឃុំទ្រាស ស្រុក ស្វាយចេក រវាងរថយន្តនិងម៉ូតូបើកចេញពីភូមិទ្រាសឆ្លងផ្លូវទៅកើតចំណែករថយន្តបើកពីីជើងទៅត្បូង ។ ដល់ចំណុចកើតហេតុខាងលើត្រូវរថយន្តបុកពេញទំហឹង
-រថយន្តម៉ាកHiLander ពណ៌ស្កសេរី២០០២ ពាក់ស្លាកលេខ ភ.ព២AK-៥៨៨៥ បើកបរពីជើងទៅត្បូងអ្នកបើកបរឈ្មោះ ស៊ុយ យ៉េត ភេទ ប្រុសអាយុ ៣៣ឆ្នាំ មុខរបរ អង្គការវើលវីសិន រស់នៅភូមិបឹងសាឡាង សង្កាត់ឬស្សីកែវ ខ័ណ្ឌឬស្សីកែវ រាជធានីភ្នំពេញ បើកដល់ចំណុចកើតហេតុខាងលើ បានបុកជាមួយម៉ូតូមួយគ្រឿងកំពុងឆ្លងផ្លូវ ពីលិចទៅកើត ម៉ាកMSX ពណ៌ក្រហម សេរី២០១៧ ពាក់ស្លាកលេខ ប.ជ1O-0661 បើកបរដោយឈ្មោះ ធួន ចេក ភេទប្រុស អាយុ១៩ឆ្នាំមុខរបរ ស្រែ រស់នៅភូមិឃុំកើតហេតុខាងលើ របួស បែកក្បាលផ្នែកខាងស្តាំ. (ធ្ងន់) ។ រួមដំណើម្នាក់ទៀត ឈ្មោះ សាគួន តុលា ភេទប្រុសអាយុ ១៨ឆ្នាំ មុខរបរ ធ្វើស្រែ. រស់នៅភូមិតាវឹកឃុំទ្រាស ស្រុកស្វាយចេក របួស លើផ្ទៃមុខនិងស្មងជើងស្តាំ (ស្រាល) អ្នករបួសធ្ងន់បញ្ជូនទៅព្យាបាលនៅមន្ទីរពេទ្យខេត្ត ម៉ូតូ និង រថយន្តត្រូវបានយកទៅរក្សាទុកនៅអធិការដ្ឋាននគរបាលស្រុកស្វាយចេក ។
![]()
![]()
![]()