ទាស់សម្តីវ៉ៃពួកម៉ាកបែកក្បាលក្រោយផឹកABCទទួល ទេវតាឆ្នាំថ្មី!
ខេត្តប៉ៃលិន៖ ស្វាគមន៍ឆ្នាំថ្មី ផឹកស៊ីទាស់សម្តី វ៉ៃគ្នាបែកក្បាល ម្នាក់ទៅពេទ្យ្នាក់ដេកគុក។ សមត្ថកិច្ចនគរបាលក្រុងប៉ៃលិនបានអោយដឹងថា៖កាលពីវេលាម៉ោង ១៧:២០នាទី ថ្ងៃទី១៤ ខែមេសា ឆ្នាំ២០១៨មានករណីហឹង្សាកើតឡើងមួយនៅចំណុចផ្ទះរបស់ឈ្មោះ អ៊ូក ភេទប្រុស នៅទល់មុខសណ្ធាគារ សួនរីករាយស្ថិតក្នុងកូនខ្លុងសង្កាត់អូរតាវ៉ៅក្រុងប៉ៃលិន ខេត្តប៉ៃលិនដែលបង្កឡើងដោយជនឈ្មោះ ឈីង ចំរ៉ុង ( ហៅ ប្រុស ) ភេទប្រុស អាយុ ២៥ឆ្នាំ មុខរបរ ជាងឈើ រស់នៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិនខេត្តប៉ៃលិនបានវ៉ៃទៅលើជនរងគ្រោះឈ្មោះ ទេស ចន្នី (ត្រូវជាមិត្តភ័ក្តជាមួយជន បង្ក ) ភេទប្រុស អាយុ ២៥ឆ្នាំ មុខរបរជាងកញ្ចក់ រស់នៅភូមិទួលស្រឡៅសង្កាត់ទួលល្វាក្រុងប៉ៃលិនខេត្តប៉ៃលិនបណ្តាលឲ្យរបួសស្រាល(បែកក្បាលលើចញ្ចើមខាងឆ្វេង) បន្ទាប់មកសមត្ថកិច្ចជំនាញបានហៅឈ្មោះ ឈីង ចំរ៉ុង ដើម្បីសាកសួរ លើករណីខាងលើ ហើយឈ្មោះ ឈីងចំរ៉ុងបានទទួលស្គាល់និងសារភាពនូវកំហុសរបស់ខ្លួនដែលបានប្រពឹត្តិ។ បច្ចុប្បន្នសមត្ថកិច្ចជំនាញកំពុងចាត់ការតាមនីតិវិធី។
ទោះជាយ៉ាងណាមជ្ឈដ្ឋាននានាលើកឡើងថា៖ចូលឆ្នាំថ្មីយុវវ័យគួរតែនាំគ្នាលេងល្បែងប្រជាប្រិយដែលជាប្រពៃណីយខ្មែរចៀសវាងនាំគ្នាពិសារស្រាច្រើនពេកទេដែលធ្វើអោយមិត្តភាពក្លាយជាសត្រូវព្រោះទឹកប្តូរនិស្ស័យកាប់ចាក់គ្នាបែកបាក់សាមគ្គីដូចករណីខាងលើនេះ។
![]()
![]()
![]()