ស្ត្រីជើងខ្លាំងចាក់សាំងដុតរោងចក្រផ្អើលប្រជាពលរដ្ឋ ក្នុងថ្ងៃចូលឆ្នាំ!
ភ្នំពេញ៖ឆ្កែកន្ទុយខ្វៀននៅតែខ្វៀន យ៉ាងណាមិញស្ត្រីម្នាក់ដែលមានចិត្តកាចសាហាវធ្លាប់ជាប់គុកព្រោះតែរឿង កាប់ចាក់បាញ់បោះបើកឡានបុករាស្ត្រស្លូតត្រង់ក្រោយចេញពីគុកវិញមិនព្រមកែខ្លួនបែជាកាន់តែសាហាវហ៊ានចាក់សាំងដុតរោងចក្រទៀត ។
ប្រភពព័ត៌មានបានរាយការណថា៖អាវុធហត្ថឃាត់ខ្លួនកំពូលស្រីជើងខ្លាំងអុកឡុកសង្គមដែលគុកដាក់មិនដែលជាប់យូរស្ត្រីអ្នកលេងអាងកាប់ចាក់បាញ់បោះបើកឡានបុករាស្ត្រស្លូតត្រង់ធ្លាប់ត្រូវបានសមត្ថកិច្ចចាប់បញ្ជូនទៅតុលាការជាបន្តបន្ទាប់តែគុកដាក់នាងមិនសូវជាប់ទេ គឺរបូតចេញក្រៅគុករហូត ។
ស្ត្រីរូបនេះមានឈ្មោះកែវរតនៈហៅហ្គេចធ្លាប់ដកកាំភ្លើងបាញ់គំរាមពលរដ្ឋនៅជិតវត្តសន្សំកុសលម្ដនិងបើកឡានបុកពលរដ្ឋម្ដងនិងមានរឿងជាច្រើនទៀតស្ទើររាប់មិនអស់ ។
មានពេលខ្លះសម្ដេចតេជោហ៊ុនសែនធ្លាប់ប្រកាសបញ្ជាអោសមត្ថកិច្ចចាប់នាងហ្គេចដាក់គុកទៀតផង ។ប៉ុន្តែជាប់គុកមិនបានប៉ុន្មានផងក៏របូតចេញមកវិញ ប្រព្រឹត្តអំពើអាក្រក់ដដែល ។
ជាក់ស្ដែងនៅព្រឹកថ្ងៃទី ១៦ មេសា ឆ្នាំ ២០១៨ នាង កែវ រតនៈ ហៅ ហ្គេច បានយកសាំងពីរកានចាក់ដុតរោងចក្រកែឆ្នែគ្រឿងសង្ហារឹមមួយកន្លែងស្ថិតនៅស្រុកអង្គស្នួលខេត្តកណ្ដាលហើយបើកឡានគេចខ្លួន ។ ប៉ុន្តែសមត្ថកិច្ចបានតាមចាប់ខ្លួនបាននៅក្នុងភូមិសាស្ត្រខណ្ឌទួលគោកមុននេះហើយបាននាំទៅសួរចម្លើយនៅបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីចាត់ការតាមច្បាប់ ។
យ៉ាងណាក៏ដោយមជ្ឈដ្ឋាននានាលើកឡើងថា៖ភ្នំអាចសឹកចរិកមនុស្សមិនងាយកែ ស្ត្រីទំនើងជើងខ្លាំង ដែលមានចិត្តកាចសាហាវធ្លាប់ជាប់គុកព្រោះតែរឿង កាប់ចាក់បាញ់បោះបើកឡានបុករាស្ត្រស្លូតត្រង់តែជាប់គុកមិនបានយូរច្បាស់ជាមិនរាងចាសឡើយហើយក្រោយចេញពីគុកវិញច្បាស់ជាឆ្កែកន្ទុយខ្វៀននៅតែខ្វៀន ៕
![]()
![]()
![]()