ល្បីថាមានការកៀបយកលុយពលករឆ្លងដែន នៅច្រកអន្តរជាតិគីឡូ១៣(ភ្នំដី)
បាត់ដំបង ៖ ថ្មីៗនេះ បន្ទាប់ពីច្រកតំបន់គីឡូ១៣ ដែលស្ថិតក្នុងស្រុកសំពៅលូនខេត្តបាត់ដំបងបានប្រកាសជាផ្លូវការទៅជាច្រកអន្តរជាតិរួចមកក្រុមការងាររបស់ប៉ុស្តិ៍អន្តោប្រវេសន៍ ក៏ត្រូវបានបង្កើតឡើងដែរ ដើម្បីងាយស្រួលក្នុងការត្រួតពិនិត្យលើភ្ញៀវទេសចរណ៍ពិសេសគឺការបំពេញបែបបទទៅលើច្បាប់ដើម្បីចេញ ចូល ទៅក្នុងប្រទេសថៃ ដោយសារតែច្រកនេះ នៅជាប់នឹងខេត្តស្រះកែវ ប្រទេសថៃ ។
គួរបញ្ជាក់ដែរថារយៈពេលប៉ុន្មានថ្ងៃនេះមានប្រភពជាច្រើនបានធ្វើការរិះគន់ទៅលើកំលាំងប៉ុស្តិ៍អន្តោប្រវេសន៍ ប្រចាំច្រកអន្តរជាតិគីឡូ១៣ ក្នុងស្រុកសំពៅលូន ខេត្តបាត់ដំបងដែលបាននិងកំពុងកៀបទៅលើពលករឆ្លងដែនដែលបានមកវ៉ៃប៉ាស្ព័រដើម្បីបំពេញឯកសារនៅច្រកនេះ ក្នុងការធ្វើដំណើរទៅធ្វើការនៅឯប្រទេសថៃ ។
តាមការអះអាងពីប្រភពខាងលើ ពិសេសគឺពីមន្ត្រី នគរបាល ក្នុងអង្គភាព វរការពារព្រំដែនគោកលេខ ៨១៧ បានបង្ហើបថា មួយរយៈពេលដ៏ខ្លីនេះ គេសង្គេតឃើញថាមានភ្ញៀវទេសចរណ៍ដែលជាប្រជាពលរដ្ឋកម្ពុជាបានធ្វើដំណើរឆ្លងកាត់តាមច្រកនេះដើម្បីចូលទៅលេងនៅក្នុងប្រទេសថៃព្រមទាំងបានវ៉ៃប៉ាស្ព័រតាមបែបVIPគឺត្រូវបានគេតម្រូវអោយបង់ប្រាក់ចំនួន ៤៥០ បាត ។
ជុំវិញបញ្ហានេះក៏មានការរិះគន់យ៉ាងខ្លាំងពីសំណាក់មហាជនផងដែរពាក់ព័ន្ធនឹងកំលាំងប៉ុស្តិ៍អន្តោប្រវេសន៍នេះដែលទើបនឹងមកឈរជើងសោះបានចាប់ផ្តើមរឹតបន្តឹងបែបនេះព្រោះបើយោងតាមផ្លូវច្បាប់ប៉ាស្ព័រមិនមានធម្មតាឬVIPនោះទេហើយមួយរយៈនេះដែរក៏ជាឱកាសដែលមានការអនុញ្ញាតអោយចេញចូលដោយមិនមានការបង់ប្រាក់នោះដែរផ្ទុយទៅវិញបែរជាមានបាតុភាពកើតឡើងបែបនេះ ។
ជុំវិញបញ្ហានេះយើងមិនអាចទំនាក់ទំនងទៅលោកវរសេនីយ៍ឯកព្រីសាណូប្រធានប៉ុស្តិ៍នគរបាលអន្តោប្រវេសន៍ ច្រកអន្តរជាតិ គីឡូ១៣(គ្នំដី) បានទេ ប៉ុន្តែ លោកអនុប្រធានប៉ុស្តិ៍ណម ចាន់ បានលើកឡើងថា កន្លងមកតាមបទបញ្ជាគឺមិនបានអនុញ្ញាតអោយយកលុយលើការធ្វើប៉ាស្ព័រនោះទេ បើគេអោយ៤ពាន់ ឬ៥ពាន់រៀលក៏យកទៅហើយចំណែកការលក់សំបុត្រឆ្លងដែននៅតែតម្លៃ៥០០រៀលដដែលដូច្នេះការដែលមានប្រភពបានចោទប្រកាន់មកបែបនេះលោកក៏មិនដឹងដែរព្រោះលោកក៏ជាមន្ត្រីថ្នាក់ក្រោមដែរ ៕
![]()
![]()
![]()