សម្តេចអគ្គមហាសេនាបតីតេ ជោហ៊ុនសែនអ ញ្ជេីញជាគណអធិបតីដ៏ខ្ពង់ខ្ពស់ក្នុងពិធីបេីកសម្ភោធសកលវិទ្យាល័យថ្មីដំបូងបង្អស់នៅភូមិភាគឦសាន!
ក្រចេះ៖នៅព្រឹកថ្ងៃទី25មេសា2018នេះសម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ចើញជាគណៈអធិបតីភាពដ៏ខ្ពង់ខ្ពស់ក្នុងពិធីសម្ភោធដាក់អោយប្រេីប្រាស់សកលវិទ្យាល័យ ក្រចេះជាផ្លូវការ នៅក្រុងក្រចេះ ខេត្តក្រចេះ ដើម្បីឆ្លើយតបនឹងសេចក្តីតម្រូវការរបស់តំបន់នឹងសិស្សនិស្សិតក្នុងខេត្តក្រចេះ ព្រមទាំងបណ្តាខេត្តភាគឦសានទាំងមូល។
សកលវិទ្យាល័យក្រចេះ គឺជាគ្រឹះស្ថានឧត្តមសិក្សារដ្ឋដ៏ធំលេីកដំបូងបង្អស់ នៅក្នុងទឹកដីភាគឦសាននៃប្រទេស។
សកលវិទ្យាល័យមួយនេះ មាន 5មហាវិទ្យាល័យ និង3វិទ្យាស្ថាន ដែលផ្តោតសំខាន់ទៅលើផ្នែកកសិកម្ម នឹងបើកបង្រៀននៅឆ្នាំសិក្សាថ្មីនេះ។
សកលវិទ្យាល័យក្រចេះ កសាងសង់អស់ទឹកប្រាក់សរុប 12លានដុល្លារអាមេរិកក្នុងនោះ 10លានដុល្លារជាទឹកប្រាក់ ដែលជាប្រាក់ ជំនួយឥតសំណងរបស់ប្រទេសចិន ហើយ 2លានដុល្លារទៀត គឺជាប្រាក់ឧបត្ថម្ភរបស់អង្គការមូលនិធិឧត្តមសិក្សារក្រចេះ ដែលមានលោក គាត ឈុន អតីតរដ្ឋមន្ត្រីក្រសួងសេដ្ឋកិច្ច ជាប្រធាន។
សកលវិទ្យាល័យក្រចេះ ត្រូវបានកសាងឡើងតាមរចនាបទស្ថាបត្យកម្មខ្មែរ មិនតែប៉ុណ្ណោះ សកលវិទ្យាល័យក្រចេះ មាន៣ វិទ្យាស្ថាន គឺ
1/វិទ្យាស្ថានមច្ឆវិទ្យា
2/បចេ្ចកវិទ្យាទំនាក់ទំនងព័ត៌មានវិទ្យា
3/វិទ្យាស្ថានភាសា ដែលមានបង្រៀនភាសាអង់គ្លេស និងចិន។
គូរបញ្ជាក់ផងដែរថាការបង្កើតសកលវិទ្យាល័យដ៏ធំរបស់រដ្ឋថ្មី នៅក្នុងទឹកដីនៃខេត្តភាគឦសានមួយនេះ គឺដោយសារតែតម្រូវការជាអាទិភាពជាក់ស្តែង របស់ជាតិ ដែលផ្អែកទៅលើផ្នែកកសិកម្ម និងផ្នែកសេដ្ឋកិច្ច។ ពោល គឺកសិ-ឧស្សាហកម្ម។ ជាងនេះទៅទៀត គឺដើម្បីឆ្លើយតបនឹងសេចក្តីតម្រូវការរបស់តំបន់នឹងសិស្សនិស្សិតក្នុងខេត្តក្រចេះ ព្រមទាំងបណ្តាខេត្តភាគឦសានទាំងមូល៕
![]()
![]()
![]()