ឃាត់ខ្លួនជនសង្ស័យម្នាក់រឹបអូសបានថ្នាំញៀន ទម្ងន់៥២,៤៦ ក្រាម!
បាត់ដំបង៖ សមត្ថកិច្ចនគរបាលខេត្តបាត់ដំបង បានធ្វើការឃាត់ខ្លួនជនសង្ស័យជាមុសញ្ញាជួញដូរថ្នាំយ៉ាងសកម្មម្នាក់រឹបអូស វត្ថុតាង ម៉ាទឹកកក ១៥ថង់ ទម្ងន់៥២,៤៦ ក្រាម បញ្ជូនទៅកាន់តុលាការ។
ដោយមានការចង្អុលបង្ហាញពីឯកឧត្តមឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង ក៏ដូចជាលោកឧត្តមសេនីយ៍ត្រី ជេត វណ្ណនី ស្នងការរងនគរបាលទទួលបន្ទុកផែនព្រហ្មទណ្ឌ ជាក់ស្ដែងនៅថ្ងៃពុធ ១០រោច ខែពិសាខ ឆ្នាំ ច សំរិទ្ធស័ក ព.ស ២៥៦២ ត្រូវនិងថ្ងៃទី០៩ ខែឧសភា ឆ្នាំ២០១៨ វេលាម៉ោង ១៥:១៥នាទី នៅចំណុចភូមិ ពោធិ៏ ឃុំព្រៃខ្ពស់ស្រុកបវេល លោកវរសេនីយ៍ទោ សុខសារិនបានដឹកនាំកំលាំងអធិការដ្ឋាននគរបាលស្រុកបវេលបានចុះប្រត្តិបត្តិការឃាត់ខ្លួនជនសង្ស័យម្នាក់ ឈ្មោះ រត្ន័ ម៉ារ៉ាដូហៅ ប៉ូឡូ ភេទ ប្រុស អាយុ ៣៥ឆ្នាំ រស់នៅ ភូមិ សាលាដែង ឃុំឫស្សី ក្រោក ស្រុក មង្គល់បូរីខេត្ត បន្ទាយមានជ័យ។
-វត្ថុតាងរួមមាន៖
-ម៉ាទឹកកក ១៥ថង់ ទម្ងន់៥២,៤៦ ក្រាម
-ម៉ូតូម៉ាកហុងដាឌ្រីម ចំនួន ០១គ្រឿង ពណ៏ ខ្មៅ ពាក់ស្លាកលេខ 1N 2717 បន្ទាយមានជ័យ
-រថយន្ត ម៉ាកកាមរីស្តាំ ០១គ្រឿង ពណ៏ ស្លាបក្អែក ពាក់ស្លាកលេខ សៀមរាម 2A 5496
បច្ចុប្បន្នករណីនេះកំពុងរៀបចំសំណុំរឿងបញ្ចូនទៅ
ជំនាញខេត្ត ចាត់ការតាមនិតិវិធីច្បាប់៕
![]()
![]()
![]()