នាយកសាលាម្នាក់នៅខេត្តកំពង់ធំបង្ហោះសារប្រមាថព្រះចេស្តាព្រះមហាក្សត្រ លើបណ្តាញសង្គម Facebookត្រូវសមត្ថកិច្ចឃាត់ខ្លួន!
កំពង់ធំ៖ នាយកសាលាបឋមសិក្សា ព្រៃតាហ៊ូ ម្នាក់ នៅខេត្តកំពង់ធំត្រូវបានកម្លាំងនគរបាលក្រុងស្ទឹងសែនខេត្តកំពង់ធំបានឃាត់ខ្លួនក្រោយបង្ហោះសារប្រមាថព្រះចេស្តាព្រះមហាក្សត្រ លើបណ្តាញសង្គម Facebook។
យោងតាមសេចក្តីរាយការពីកាសែតក្នុងស្រុកដែលបានចេញផ្សាញព្រោងព្រាតថា៖ថ្ងៃទី១២ខែឧសភាឆ្នាំ២០១៨នេះនាយកសាលាបឋមសិក្សាព្រៃតាហ៊ូម្នាក់ក្រោយបុរសរូបនេះបានបង្ហោះខ្លឹមសារប្រមាថព្រះចេស្តាព្រះមហាក្សត្រ នៅលើបណ្តាញសង្គម Facebookលោកវរសេនីយ៍ឯក ញ៉ែម ឈុនលី អធិការនគរបាលក្រុងស្ទឹងសែនបានប្រាប់បណ្តាញ
ព័ត៌មានFreshNewsថា៖ការឃាត់ខ្លួនលោកនាយកសាលានេះគឺក្រោមបញ្ជារបស់ស្នងការនគរបាលខេត្តកំពង់ធំខ្ញុំបានដឹកនាំកម្លាំងសហការជាមួយ ផែនជំនាញសន្តិសុខ ចុះទៅឃាត់ខ្លួនឈ្មោះ ឃាង ណាវីអាយុ៥០ឆ្នាំមុខងារជានាយកសាលាបឋមសិក្សាព្រៃតាហ៊ូសង្កាត់ព្រៃតាហ៊ូក្រុងស្ទឹងសែនដោយសារប្រមាថព្រះមហាក្សត្រ នៅលើបណ្តាញសង្គម Facebook»។
លោកវរសេនីយ៍ត្រីបានបន្តថាជននេះបានប្រមាថព្រះមហាក្សត្រ នៅលើបណ្តាញសង្គម FaceBook ដែលបានប្រើគណនីឈ្មោះ «គ្រូប្រពន្ធស» ហើយពេលនេះសមត្ថកិច្ចកំពុងដំណើរការ តាមនីតិវិធី។
បើយោងតាមក្រមព្រហ្មទណ្ឌនៃព្រះរាជាណាចក្រកម្ពុជាដែលទើបនឹងត្រូវបានវិសោធនកម្មថ្មីៗនេះបានបន្ថែមមាត្រាកំណត់ទោសប្រមាថអង្គព្រះមហាក្សត្រត្រង់ជំពូកទី១មាតិកាទី១នៃគន្ថីទី៤មាត្រាស្ទូន៤៣៧ថ្មី ដោយបានចែងថា«ការប្រមាថចំពោះអង្គព្រះមហាក្សត្រត្រូវផ្តន្ទាទោសដាក់ពន្ធនាគារពី០១ឆ្នាំទៅ០៥ឆ្នាំនិងពិន័យជាទឹកប្រាក់ពី២លានរៀលទៅ១០លានរៀល»។
ចំពោះនីតីបុគ្គលក៏អាចត្រូវបានផ្តនា្ទទោស ពិន័យជាប្រាក់ ១០លានរៀល ទៅ៥០លានរៀល ព្រមទាំងទោសបន្ថែមមួយឬច្រើនក្នុងករណីដែលតុលាការរកឃើញថាមានពិរុទ្ធភាពពាក់ព័ន្ធនឹងការប្រមាថចំពោះអង្គព្រះមហាក្សត្រ៕
