រន្ទះប្រល័យជីវិតអ្នកភូមិ៦នាក់ខណៈកំពុងសែងផ្ទះ
កោះកុង៖រន្ធត់ណាស់មនុស្ស៦នាក់និងឆ្កែ៣ក្បាលត្រូវបានរន្ទះផ្តាច់ជីវិតខណៈដែលពួកគេកំពុងជួយសែងផ្ទះអ្នកភូមិជាមួយដែលសាងសង់ថ្មីស្របពេលមេឃភ្លៀងផ្គរស្រាប់តែរន្ទះបាញ់តែម្តង។
ហេតុការណ៍ការណ៍នេះបានកើតឡើងនៅ នៅវេលាម៉ោង៣ រសៀលថ្ងៃទី ១៧ ខែឧសភា ឆ្នាំ២០១៨នៅចំណុចអូរទាពងស្ថិតក្នុងភូមិប្រឡាយឃុំប្រឡាយ ស្រុកថ្មបាំង ខេត្តកោះកុង។
សមត្ថកិច្ចប្រាប់ថា៖ករណីគ្រោះថ្នាក់ធម្មជាតិរន្ទះបាញ់មនុស្សស្លាប់ចំនួន៦នាក់ ស្រី២ នាក់ រួមមាន៖
ទី១- ឈ្មោះ សេម សាវឿន ភេទស្រី អាយុ ៣១ ឆ្នាំ។ ទី២- ឈ្មោះ សេម សឿន ភេទស្រី អាយុ ១៦ ឆ្នាំ។
ទី៣ឈ្មោះទិលសារុណភេទប្រុសអាយុ៣៧ឆ្នាំ(ត្រូវជាប្តីរបស់សេម សាវឿន) ។
ទី៤-ឈ្មោះ ផាន់ វ៉ាធី (កុមារា) អាយុ ៤ ឆ្នាំ អ្នកទាំងបួនរស់នៅភូមិ ច្រកឬស្សី ឃុំ ជំនាប់ ស្រុកថ្មបាំង ខេត្តកោះកុង។ទី៥-ឈ្មោះ ភិន ភឿន ភេទប្រុស អាយុ២៦ឆ្នាំ មានទីលំនៅ ភូមិ ប្រឡាយ ឃុំ ប្រឡាយ ស្រុក ថ្មបាំង ខេត្តកោះកុង និងទី៦-ឈ្មោះ ធឿន ចាន់ថា ភេទ ស្រី អាយុ ១៤ ឆ្នាំមានទីលំនៅភូមិ ច្រកឬស្សី ឃុំ ជំនាប់ស្រុក ថ្មបាំងខេត្តកោះកុង។
បើតាមសមត្ថកិច្ចថាហេតុការណ៍រន្ទះបាញ់នេះបានកើតឡើងស្ថិតនៅចំណុចអូរទាពងខណៈដែលកំពុងសាងសង់ផ្ទះថ្មី ។
ហើយក្រៅពីមនុស្សស្លាប់គឺមានសម្ភារៈដែលខូចខាតរួមមាន ៖ ទូរស័ព្ទចំនួន ២ គ្រឿង ស្ពិកខ័រ (ធុងបាស) មួយគ្រឿងរួមនងសត្វឆ្កែចំនួន៣ក្បាលក៍ត្រូវងាប់ផងដែរ។
ប៉ូលិសថា អ្នកដែលស្លាប់ទាំង ៦ នាក់នោះមាន ២នាក់ ជាប្តីប្រពន្ធ និង៤ នាក់ទៀត គ្រួសារផ្សេងៗគ្នា ។
សមត្ថកិច្ចថាជនរងគ្រោះទាំងអស់គ្នានេះគឺនៅមុនពេលកើតហរតុ បានទៅជួយលេីកផ្ទះអ្នកភូមិទាំងអស់គ្នា ហើយក្រោយមកក៍មានភ្លៀងផ្គររន្ទះបាញ់មកចំពួកគាត់តែម្តង។
ទោះជាយ៉ាងណាមជ្ឈដ្ឋាននានាលើកឡើងថា៖រន្ទះឆ្នាំនេះពិងជាកាចសាហាវណាស់កើងមានស្ទើតែគ្រប់ខេត្តទៅហើយដែលពេលថ្មីៗនេះនៅខេត្តឧត្តមានជ័យ.បន្ទាយមានជ័យនិងព្រះវិហារក៏មានរន្ទះបាញ់បណ្តាលអោយគ្រោះថ្នាក់ដល់ជីវិតមនុស្សសត្វផងដែរ៕
![]()
![]()
![]()