រថយន្តធុនធ្ងន់បុកគ្នាជាមួយកាមរី ស្លាប់គយម្នាក់និងPMម្នាក់
បន្ទាយមានជ័យ៖មន្ត្រីគយម្នាក់និងអាវុធហត្ថម្នាក់បានស្លាប់យ៉ាងអណោច អធ័ម្ម ក្នុងឧប្បត្តិហេតុ គ្រោះថ្នាក់ចរាចរណ៍ រវាង រថយន្តដឹកទំនិញធុនធ្ងន់និងកាមរីបាឡែនក្នុងទិសដៅផ្ទុយគ្នា។ ហេតុការណ៍នេះបានកើតឡើងនៅវេលាម៉ោង១១និង២០នាទី ថ្ងៃទី២២ ខែឧសភា ឆ្នាំ២០១៨ នៅលើផ្លូវជាតិលេខ៤ ចន្លោះគីឡូម៉ែត្រ ១៧៣-១៧៤ ស្ថិតនៅក្នុងភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ។ សមត្ថកិច្ចបានឲ្យដឹងថា រថយន្តទាំងពីរ ១គ្រឿងម៉ាកកាមរីបាឡែន ពណ៌ទឹកប្រាក់ ពាក់ស្លាកលេខភ្នំពេញ2T-2534 បើកបរដោយឈ្មោះ ឆេង សុខនី ភេទប្រុស អាយុ៣៧ឆ្នាំ ជាមេបញ្ជាការរងកងរាជអាវុធហត្ថស្រុកព្រៃនប់ និងមានអ្នករួមដំណើរម្នាក់ឈ្មោះ ញ៉ោម នៅ ភេទប្រុស អាយុ ៣៨ឆ្នាំ ជាមន្ត្រីគយនៅកែវផុស ។ សមត្ថកិច្ចបន្តថា រថយន្ត កាមរីបាឡែនបើកទិសដៅពីខេត្តព្រះសីហនុ ឆ្ពោះមករាជធានីភ្នំពេញ ។ លុះធ្វើដំណើរមកដល់ចំណុច កើតហេតុខាងលើក៏បានបុកនឹងរថយន្តធុនធំ១គ្រឿង ពណ៌បៃតង ពាក់ស្លាកលេខភ្នំពេញ3D-2056 សណ្តោងរ៉ឺម៉ក ដែលមានទិស ដៅផ្ទុយគ្នា ។ ឈ្មោះ ញ៉ោម នៅស្លាប់នៅនឹងកន្លែងកើតហេតុ និងឈ្មោះ ឆេង សុខនី រងរបួសធ្ងន់ ប៉ុន្តែក្រោយមកបានស្លាប់ពេលបញ្ជូនទៅមន្ទីរពេទ្យ ។ ចំណែកអ្នកបើកបររថយន្តធុនធំ បានរត់គេចខ្លួនបាត់ ។
![]()
![]()
![]()