សៀមរាប ៖ ក្រុមចោរ  សកម្មខាងកាច់កម៉ូតូនិងអ្នក ទទួលផលចោរកម្មចំនួន៣នាក់អស់ល័ក្ខខណៈឆ្លងដែនពីខេត្តផ្សេងមកធ្វើ សកម្មភាព ក្នុងទឹកដីសៀមរាបជាប់អន្ទាក់ សមត្ថកិច្ច។ 

 

លោកវីរសេនីយ៍ត្រីស៊ានថ្លានាយរងការិ.ព្រណ្មទណ្ឌកំរិតស្រាល នៃស្នងការដ្ឋាននគរបាល ខេត្តសៀមរាប បានអោយដឹងថា ដោយមានការសហការជាមួយ ប៉ូលីសការិ ព្រណ្មទណ្ឌកំរិតធ្ងន់ ខេត្តឧត្តរមានជ័យ នៅថ្ងៃ២២ឧសភា២០១៨នេះសមត្ថកិច្ចបានឈានទៅធ្វើការឃាត់ខ្លួនមនុស្ស ០២ នាក់ ប្តីប្រពន្ធ ក្នុងករណីទទួលផលចោរកម្មខណះជនសង្ស័យដែលសកម្មខាងកាច់សោម៉ូតូបានរហូតប្រមាណ ជាង ១០ គ្រឿងនៅខេត្តឧត្តរមានជ័យនោះឆ្លើយសារភាពថាបានយកមកលក់អោយខ្លួន(ប្តីប្រពន្ធ)។ គួរបញ្ជក់ផងដែរថាដំបូងឡើយ ប៉ូលីស ខេត្ត ឧត្តរមានជ័យ កាលពីថ្ងៃ១៩ ឧសភា ២០១៨ បានតាមចាប់ជនសង្ស័យម្នាក់ភ្លាមៗ ដែលបានធ្វើសកម្មភាពកាច់សោ កម៉ូតូ ប្រភេទ dream C125 សេរី ២០១៤ ពណ៌ ខ្មៅ នៅចំនុច ភូមិ  ព្រៃ ស្អាក ស្រុកត្រពាំងប្រាសាទ ខេត្ត ឧត្តរមានជ័យ ជាមួយ វត្ថុតាងដកហូតបានម៉ូតូ ១ គ្រឿងប្រគល់អោយម្ចាស់វិញផងដែរ។ ជនសង្ស័យដ៏សកម្ម ពូកែខាងលួចកាច់សោ ម៉ូតូបានជាច្រើនគ្រឿង ហើយអស់លក្ស័នេះ មានឈ្មោះ តែន ធន់ ភេទ ប្រុស អាយុ ៣៨ ឆ្នាំ មានទីលំនៅ ឃុំតាសៀម ស្រុកស្វាយ លើ ខេត្ត សៀមរាប និងអ្នកទទួលផលចោរកម្ម  ២ នាក់ ទី១៖មានឈ្មោះ ជា កុសល អាយុ ៤៥ ឆ្នាំ (ប្តី) ទី២៖ ឈ្មោះ អិត យ៉ូន ភេទ ស្រី អាយុ ៤០ឆ្នាំ (ប្រពន្ធ)មានទីលំនៅ ស្រុកប្រាសាទបល្ល័ង្គ ខេត្ត កំពង់ធំ (ឃាត់ខ្លួននៅចំនុច អង្គរឃ្យុងយូ)សៀមរាប ។ចំណែកជនរងគ្រោះ មានឈ្មោះ ណុប ស្រីតូច  ភេទស្រីអាយុ២៦ឆ្នាំត្រូវបានសមត្ថកិច្ចប្រគល់ម៉ូតូអោយវិញផងដែរ។