ឈ្មួញឈើរឈ្មោះ រិទ្ធយកដុល្លាទៅបាំងភ្នែកមេព្រៃដើម្បី ដឹកជញ្ជូនឈើពីខេត្តព្រះវិហារ និងខេត្តឧត្ដរមានជ័យ មកចែកចាយតាមដេប៉ូក្នុងខេត្តបន្ទាយមានជ័យតសមទំនើងចិត្ត!
បន្ទាយមានជ័យ៖ បែកធ្លាយលោកជាផល្លីមេខណ្ឌរដ្ឋបាលព្រៃឈើខេត្តបន្ទាយមានជ័យ និងសមត្ថកិច្ចពាក់ព័ន្ធត្រូវបានដុល្លាបាំងភ្នែកជិតមើលមិនឃើញទើបបណ្តាលអោយមេឈ្មួញឈ្មោះ រិទ្ធ ដឹកជញ្ជូនឈើពីខេត្តព្រះវិហារ និងខេត្តឧត្ដរមានជ័យ មកចែកចាយតាមដេប៉ូក្នុងខេត្តបន្ទាយមានជ័យតាមទំនើងចិត្ត។
ប្រភពពីប្រជាពលរដ្ឋក្នុងក្រុងសិរីសោភ័ណ ខេត្តបន្ទាយមានជ័យបានរាយការណ៌ឲ្យដឹងថា៖មេឈ្មួញល្បីដែរគេស្គាល់ឈ្មោះលោក រិទ្ធ នៅតែបន្តសកម្មភាពដឹកជញ្ជូនឈើពីខេត្តព្រះវិហារ និងខេត្តឧត្ដរមានជ័យ យកមកចែកចាយតាមដេប៉ូជាច្រើនកន្លែងក្នុងក្រុងសិរីសោភ័ណ និងស្រុកមង្គលបុរី យ៉ាងគគ្រឹកគគ្រេង។
ប្រភពបន្តអោយដឹងទៀតថា៖ ការដែលឈ្មួញឈ្មោះ រិទ្ធ អាចធ្វើអ្វីៗតាមអំពើចិត្តគឺមានការឃុបឃិតបើកដៃពីសំណាក់មេរដ្ឋបាលព្រៃឈើខេត្តបន្ទាយមានជ័យ និងសមត្ថកិច្ចពាក់ព័ន្ធមួយចំនួនផងដែរ។ ប្រសិនបើគ្មានការឃុបឃិតជាប្រព័ន្ធទេនោះ គឺឈ្មួញឈ្មោះ រិទ្ធ មិនអាចដឹកឈើតាមរថយន្តធំៗចំណុះរាប់សិបតោនពីខេត្តព្រះវិហារ និងខេត្តឧត្ដរមានជ័យ មកចែកចាយតាមដេប៉ូក្នុងក្រុងសិរីសោភ័ណ និងស្រុកមង្គលបុរី យ៉ាងពេញបន្ទុកដូចសព្វថ្ងៃនេះឡើយ។
បើតាមប្រភពពីមន្ត្រីមន្ទីរកសិកម្មខេត្តបន្ទាយមានជ័យ បានបង្ហើបឲ្យដឹងថា បើនៅក្នុងច្បាប់អនុញ្ញាតឲ្យឈ្មួញឈ្មោះ រិទ្ធ ដឹកឈើត្រឹម២០ម៉ែត្រគូបគឺឈ្មួញរូបនេះដឹកឈើយ៉ាងតិច៥០ម៉ែត្រគូប ហើយពេលដែលឈ្មួញឈ្មោះ រិទ្ធ ដឹកជញ្ជូនឈើប្រណីត ឈើប្រភេទលេខ១ ឈើប្រភេទលេខ២ ពីខេត្តព្រះវិហារ ខេត្តឧត្ដរមានជ័យ ចូលមកខេត្តបន្ទាយមានជ័យ គឺគ្មានមន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធណាហ៊ានចាត់វិធានការត្រួតពិនិត្យនោះទេ។ នៅក្នុងក្រុងសិរីសោភ័ណ មានដេប៉ូលក់ឈើប្រមាណ៤ទៅ៥កន្លែងចាំទទួលទិញឈើពីឈ្មួញឈ្មោះ រិទ្ធ ហើយនៅក្នុងស្រុកមង្គលបុរី មានដេប៉ូលក់ឈើប្រមាណ៣កន្លែងដែលចាំទទួលទិញឈើពីឈ្មួញឈ្មោះ រិទ្ធ។ ទន្ទឹមនឹងនេះឈ្មួញឈ្មោះ រិទ្ធ ក៏បែងចែកផលប្រយោជន៍មួយចំនួនទៅឲ្យមន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធក្នុងខេត្តបន្ទាយមានជ័យ ផងដែរដើម្បីឲ្យមុខរបររបស់ខ្លួនដំណើរការទៅដោយរលូន។
គួបញ្ជាក់ថា៖សមត្ថកិច្ចពាក់ព័ន្ធនៅក្នុងខេត្តបន្ទាយមានជ័យ បានឲ្យដឹងថា មួយរយៈកន្លងទៅនេះឈ្មួញឈ្មោះ រិទ្ធ បានធ្វើសកម្មភាពដឹកជញ្ជូនឈើតាមរថយន្តធំៗចំណុះ៤០ទៅ៥០ម៉ែត្រគូបពីខេត្តព្រះវិហារ និងខេត្តឧត្ដរមានជ័យ ចូលមកក្នុងខេត្តបន្ទាយមានជ័យ ប្រកបដោយសុវត្ថិភាពគ្មានការរំខានពីមន្ត្រីជំនាញឡើយ។ ប្រភពបានឲ្យដឹងទៀតថា ឈ្មួញឈ្មោះ រិទ្ធ តែងតែដឹកឈើលើសពីច្បាប់អនុញ្ញាតហើយមេរដ្ឋបាលព្រៃឈើខេត្តបន្ទាយមានជ័យ គឺជាអ្នកទទួលផលប្រយោជន៍យ៉ាងសុខស្រួលក្នុងពេលដែលឈ្មួញឈ្មោះ រិទ្ធ ដឹកឈើមកចែកចាយតាមដេប៉ូក្នុងក្រុងសិរីសោភ័ណ និងស្រុកមង្គលបុរី។ ឈ្មួញឈ្មោះ រិទ្ធ ដឹកជញ្ជូនឈើចេញពីខេត្តឧត្ដរមានជ័យ និងខេត្តព្រះវិហារ មកដល់ខេត្តបន្ទាយមានជ័យ នៅពេលយប់ហើយឈើទាំងនោះត្រូវបានគេចែកចាយតាមដេប៉ូជាច្រើនកន្លែងដោយម្ចាស់ដេប៉ូលក់ឈើទាំងនោះក៏មានទំនាក់ទំនងជិតស្និទ្ធជាមួយមេរដ្ឋបាលព្រៃឈើខេត្តបន្ទាយមានជ័យផងដែរនៅពេលនេះមេឈ្មួញឈើសប្បាយចិត្ដោយសារតែអាជ្ញាធរបើកដៃឲ្យខ្លួនធ្វើអ្វីៗតាមទំនើងចិត្តតែម្តង៕
![]()
![]()
![]()