រថយន្តហាឡិនឌ័រតហ្គាសខុសបច្ចេកទេសឆេះរួចមកបន្សល់នៅដែកអេតចាយទុកអោយម្ចាស់សម្រាប់លក់!
បន្ទាយមានជ័យ៖សង្ស័យមកពីការតប្រព័ន្ធបច្ចេកទេសហ្គាសខុសទើបបណ្តាលអោយឆេះរថយន្ត ហាយឡិនឌ័រមួយយគ្រឿងកំពុងតែបើកបរស្រាប់តែឆេះផ្អើលអ្នកស្រុកទាំងព្រឹកដោយបន្សល់នៅដែកអេតចាយទុកអោយម្ចាស់សម្រាប់លក់។
ហេតុការណ៍នេះបានកើតឡើងកាលពីវេលាម៉ោង០៩.៤០នាទី ព្រឹកថ្ងៃទី១៧ ខែមិថុនា ឆ្នាំ២០១៨
នៅទីតាំង បញ្ចូលហ្គាស រថយន្តតាមដងផ្លូវ ជាតិលេខ៥ នៅចំណុចភូមិថ្មី ឃុំសំរោង ស្រុកអូរជ្រៅ ខេត្តបន្ទាយមានជ័យ ។
សាក្សីនៅកន្លែងកើតហេតុបានប្រាប់ថានៅមុនកើតហេតុគេឃើញរថយន្តម៉ាក HILANDER ដែលមានពាក់ស្លាកលេខ2AK-6805 ពណ៌ខ្មៅ បានចូលមកចាក់ហ្គាសនៅទីតាំងខាងលើស្រាប់តែមានឆេះតែម្តង។
ករណីខាងលើនេះ ត្រូវបានរថយន្តអគ្គីភ័យ ស្នងការនគបាលខេត្តបន្ទាយមានជ័យ មកជួយពន្លត់ ហើយក្នុងករណីនេះដែរគ្មានគ្រោះថ្នាក់ដល់ម្ចាស់រថយន្ត នឹង អ្នកដំណើនោះទេ។
បើយោងតាមសមត្ថកិច្ច នៅកន្លែងកើតហេតុ បានប្រាប់ឱ្យដឹងថា៖ម្ចាស់រថយន្តឈ្មោះ បឿយ បៀ ភេទប្រុស អាយុ៣០ឆ្នាំ ប្រពន្ធឈ្មោះចាន់ ដារី អាយុ៣០ឆ្នាំរស់នៅភូមិអូរអំបិលសង្កាត់អូរអំបិលក្រុងសិរីសោភ័ណ ខេត្តបន្ទាយមានជ័យ។
សមត្ថកិច្ចបញ្ជាក់ថា៖មូលហេតុដែលបណ្តលឱ្យរថយន្តឆេះនេះគឺឆេះពីខាងក្រោយរថយន្តពេលកំពុងបើកបរមកពីការតប្រព័ន្ធបច្ចេកទេសហ្គាសខុសទើបបណ្ដាលអោយឆេះបែបនេះតែអ្វីដែលគួរអោយសោកស្តាយនោះគឺដោយសារតែតដាក់ហ្គាសខុសលក្ខណៈបច្ចេកទេសនេះបានបណ្តាាលអោយរថយន្តថ្លៃម៉ឺនៗ
ដុលា្លក្លាយដែកអេតចាយត្រឹមមួយពព្រិចភ្នែក៕
![]()
![]()
![]()