កម្លាំងមូលដ្ឋានកងរាជអាវុធហត្ថក្រុងច្បារមនបង្ក្រាបករណីលាក់ទុក និងចែកចាយគ្រឿងញៀន ឃាត់ខ្លួនស្ត្រីជាជនសង្ស័យរួមទាំងវត្ថុតាងមួយចំនួន!
កំពង់ស្ពឺ៖កម្លាំងកងរាជអាវុធហត្ថមូលដ្ឋានក្រុងច្បារមនដឹកនាំលោកវរសេនីយ៍ត្រីធីឆៃមេបញ្ជាការមូលដ្ឋានក្រុងច្បារមនថ្ងៃទី១៤ ខែកក្កដា ឆ្នាំ២០១៨ ដោយមានការអនុញ្ញត្តពីលោកឧត្តមសេនីយ៏ត្រី ជូ សារុន មេបញ្ជាការកងរាជអាវុធហត្ថខេត្ត ព្រមទាំងមានការសម្របសម្រួលពីលោក កែវ សុធា ព្រះរាជអាជ្ញាអមសាលាដំបូងខេត្តកំពង់ស្ពឺ ក្នុងនោះកម្លាំងមូលដ្ឋានកងរាជអាវុធហត្ថក្រុងច្បារមន បានចុះឆែកឆេរផ្ទះចំនួន០២កន្លែង ៖
ទី១ -ម្ចាស់ផ្ទះឈ្មោះ សុខ លីដា ភេទស្រី អាយុ៥៣ឆ្នាំ នៅភូមិសំណង់ សង្កាត់រកាធំ ក្រុងច្បារមនខេត្តកំពង់ស្ពឺក្នុងនោះដកហូតសម្ភារមាន៖ថ្នាំម៉ាទឹកកកចំនួន០៩តូច,ម៉ូតូ០១គ្រឿង,ម៉ាកYAMAHA ពណ៏ក្រហម គ្មានផ្លាកលេខ,ទូរសព្ទ័ដៃ០១ គ្រឿងម៉ាកសាមសុង,លុយខ្មែរចំនួន៥មុឺនរៀល,លុយដុល្លាចំនួន ៥ដុល្លា,ថង់ច្រកថ្នាំចំនួន ១៩ ថង់ ។
ដោយសារតែមានតម្រុយកម្លាំងបានបន្តទៅឆែកឆេរផ្ទះទី២ នៅភូមិក្រាំងពលទេព សង្កាត់រកាធំ ក្រុងច្បារមនខេត្តកំពង់ស្ពឺខណៈនោះម្ចាស់ផ្ទះបានរត់បាត់ កម្លាំងបន្តឆែកឆេរ រកឃើញវត្ថុតាងរួមមាន៖ ច្សៅក្រាមពណ៏ស (ថ្នាំម៉ាទឹកកក) ចំនួន១៦ កញ្ចប់ ក្នុងនោះធំ០២ កញ្ចប់ ,ជញ្ជើងថ្លឹងថ្នាំ ០១គ្រឿង ។ ទោះជាយ៉ាងណាបច្ចុប្បន្នបានបញ្ជូនជនសង្ស័យនិងវត្ថុតាងមកកាន់ទីបញ្ជាការកងរាជអាវុធហត្ថខេត្តដើម្បីបន្តនិតិវិធីច្បាប់ផងដែរ ។
![]()
![]()
![]()