មន្ត្រីថ្នាក់លើធ្វើល្អថ្នមចិត្តរាស្ត្រដើម្បីសន្លឹកឆ្នោត បែជាមន្ត្រីថ្នាក់ក្រោមដាក់ប៉ុស្តិ៍ផាកពិន័យដើម្បីប្រមូលលុយចូលហៅប៉ៅធ្វើអោយរាស្ត្រក្តៅក្រហាយដូចហែកសន្លឹកឆ្នោត!

បន្ទាយមានជ័យ៖ លោក ឧត្តមសេនិយ៍ត្រី អ៊ុំសុផល មិនខ្វល់ រឿង សន្លឹកឆ្នោត គណបក្សប្រជាជនកម្ពុជា រហែកឬ(បាត់បង់)ដោយចង់បានតែប្រាក់បានអោយ កូនចៅដាក់ប៉ុស្តិ៍ត្រួតពិនិត្យចាប់ល្បឿននិងផាកពិន័យ កំឡុងពេលឃោសនារកសម្លេងឆ្នោតធ្វើអោយរាស្ត្រក្តៅក្រហាយខណៈដែលឯកឧត្ដមកែគឹមយ៉ានបាន អោយមន្ត្រីមូលដ្ឋានថ្នមចិត្តរាស្ត្រជួយតាំងពីលើកផ្ទះ ពីដំបូលស្បូវទៅជាដំបូលសង្ក័សីដើម្បីសន្លឹកឆ្នោតនោះបែជាមន្ត្រីថ្នាក់ក្រោមជាអ្នកបំផ្លាញទៅវិញ។ ប្រជាពលរដ្ឋនាខេត្តបន្ទាយមានជ័យបានរាយការណ៍ប្រាប់សារព័ត៌មានខ្មែរជាយដែនថា៖ចាប់តាំងពីរាជរដ្ឋាភិបាលកម្ពុជាបានប្រកាសអោយប្រើប្រាស់ច្បាប់ចរាចរណ៍ផ្លូវគោកថ្មីដែលតម្រូវអោយមន្ត្រីអនុវត្តន៍បានទទួលភាគលាភពីប្រាក់លើការផាកពិន័យច្រើនជាងចូល រដ្ឋនោះ គេឃើញ មានកំលាំង នគរបាលចរាចរណ៍ ដែលគ្របគ្រងដោយលោក ឧត្តមសេនិយ៍ត្រី    អ៊ុំសុផល ស្នងការរងទទួលផែនសណ្តាប់ធ្នាប់និងចរាចរណ៍នោះ ជួនដាក់កម្លាំងសហការជាមួយគណកម្មការ ចំរុះ មានមន្ទីសារធារណការខេត្ត។ជួនកាលគេឃើញកម្លាំងនគរបាលចរាចរណ៍ខេត្តនេះដាក់ដោយឡែកដោយ មានម៉ាស៉ិនចាប់ល្បឿនរថយន្តនៅលើកំណាត់ផ្លូវជាតិ លេខ៥ត្រង់ចំណុចស្រះដើមអំពិលស្ថិតនៅក្នុងភូមិ និងសង្កាត់ទឹកថ្លា ស្ទើរគ្មានថ្ងៃលួស។ ប្រភពដដែលបានបន្តអោយដឹងទៀតថា៖ការដាក់ប៉ុស្តិ៍ ត្រួតពិនិត្យល្បឿនគឺគ្រាន់តែជាខែលប៉ុណ្ណោះធាតុពិតគឺ ប៉ូលិសទាំងនោះ ចាំទារប្រាក់ពី រថយន្តតាក់ស៊ី រថយន្តដឹកទំនិញប៉ុណ្ណោះទោះជាលើសឬមិនលើសល្បឿនក៏ដោយក៏ត្រូវតែហុចលុយអោយសមត្ថកិច្ច ទាំងនោះទើបបាន។ ចំពោះការផាកពិន័យល្បឿនវិញក៏មិនធម្មតាដែរបានធ្វើប្រជាពលរដ្ឋក្តៅក្រហាយមិនតិចទេព្រោះបើភ្លេច ខ្លួនដកជើងមិនទាន់លើសល្បឿនតិចតួចពេលហៅទៅផាកម្តងៗអស់មិនតិចជាងបីទៅបួនម៉ឺនរៀលនោះទេ។ ទោះជាងយ៉ាងណា មជ្ឈដ្ឋាននានាបានលើកឡើងថា៖ ដល់រដូវឃោសនារកសម្លេងឆ្នោតទៅហើយបែជា លោក ឧត្តមសេនិយ៍ត្រី អ៊ុំសុផល មិនខ្វល់ រឿង សន្លឹកឆ្នោត គណបក្សប្រជាជនកម្ពុជា រហែកឬ(បាត់បង់)ដោយចង់បានតែប្រាក់បានអោយ កូនចៅដាក់ប៉ុស្តិ៍ត្រួតពិនិត្យចាប់ល្បឿននិងផាកពិន័យ កំឡុងពេលឃោសនារកសម្លេងឆ្នោតធ្វើអោយរាស្ត្រក្តៅក្រហាយខណៈដែលឯកឧត្ដមកែគឹមយ៉ានបាន អោយមន្ត្រីមូលដ្ឋានថ្នមចិត្តរាស្ត្រជួយតាំងពីលើកផ្ទះ ពីដំបូលស្បូវទៅជាដំបូលសង្ក័សីដើម្បីសន្លឹកឆ្នោតនោះបែជាមន្ត្រីថ្នាក់ក្រោមជាអ្នកបំផ្លាញបែបនេះទៅវិញគួរតែលោកសួនបវរអភិបាលខេត្តបន្ទាយមានជ័យពិនិត្យលើបញ្ហានេះផងទានមិនគួរទុកអោយលោកអ៊ុំសុផលបង្ករព្យុះភ្លៀងតាមទំនើងចិត្តបែបនេះឡើយ៕