ករណីទំនាស់ដីធ្លីរាំរ៉ៃ បានធ្វើឲ្យប្រជាពលរដ្ឋ អ្នកហ៊ានធ្វើការតវ៉ា ការពារដី ត្រូវជាប់ចោទ បទល្មើស ព្រហ្មទណ្ឌ

បន្ទាយមានជ័យៈ ករណីទំនាស់ដីធ្លីជិត ៣០០ករណី ដែលមិនទាន់ដោះស្រាយចប់ នៅឡើយ កំពុងតែ ត្រាំទុក ជាប់គាំងនៅសាលាខេត្តបន្ទាយមានជ័យ ដែលមានប្រជាពលរដ្ឋរាប់សិបនាក់ កំពុងតែរងគ្រោះជាប់បណ្តឹងព្រហ្មទណ្ឌ ហើយប្រជាពលរដ្ឋខ្លះបានជាប់ឃុំឃាំង ហើយខ្លះត្រូវបានដោះលែង នៅ ក្រៅឃុំបណ្តោះអាសន្ន ដាក់ស្ថិតនៅក្រោមការត្រួតពិនិត្យ តាមផ្លូវតុលាការ ។

សារព័ត៌មានខ្មែរ ជាយដែនបានជួបសំភាសន៍ ជាមួយ លោក ស៊ុំ ចន្ទគា ប្រធានសមាគមអាដហុក ខេត្តបន្ទាយមានជ័យ លោក បានមានប្រសាសន៍ថាៈ ករណីទំនាស់ដីធ្លីពិតជាកើតមានច្រើនមែន ដោយប្រភេទសំនាស់ៈ ១ ទំនាស់រវាងប្រជាពលរដ្ឋ . ២. ទំនាស់រវាងអ្នកមានអំណាច មានលុយកាក់ និងទំនាស់ជាមួយក្រុមហ៊ុន ។ រាល់ទំនាស់នេះមិនមានអ្វីដែលពិបាកដោះស្រាយទេ ឲ្យមន្ត្រីជំនាញ មានឆន្ទៈក្នុងការដោះស្រាយ ។ កន្លងមកអាជ្ញាធរស្រុក /ក្រុង ដែលបញ្ហាទំនាស់ដីធ្លី ត្រូវបានភាគីទំ នាស់ប្តឹងចូលមក ច្រើនតែឱបទុកកន្លែងខ្លួន ដែលមិនត្រូវជំនាញដោះស្រាយ ។ តាមពិតទៅស្រុក/ក្រុង បានទទួលបណ្តឹងលើករណីទំនាស់ដីធ្លី ត្រូវធ្វើការបែងជូនបន្ត ទៅលើយន្តការពីរ ១ ត្រូវបញ្ជូនទៅ គណៈកម្មការសុរិយោដី បើដីនោះពុំមានប័ណ្ណកម្មសិទ្ធិ ឬ ២ បញ្ជូនទៅការិយាល័យយុត្តិធម៌ ដើម្បីធ្វើ ការសម្របសម្រួល ដោះស្រាយក្រៅប្រព័ន្ធតុលាការ បើសិនជាទំនាស់នោះតូចតាច ហើយជារឿងរដ្ឋប្ប វេណី ដូចជាទំនាស់ព្រំដី បន្តិចបន្តួច ជាដើម ។ ចំណែកយន្តការគណៈកម្មការសុរិយោដី មាន ៣ ថ្នាក់ មាន ថ្នាក់ស្រុក/ក្រុង ដែលមានលោកអភិបាលរងស្រុក/ក្រុង ១នាក់ ជាប្រធានគណៈកម្មការរដ្ឋាល ដើម្បីធ្វើការសំរុះសម្រួល ដល់ភាគីនៃគូក្តីទំនាស់នេះ ។ គណៈកម្មការនេះមិនមានសិទ្ធិសំរេចទេ ហើយមិនមែនជាអាជ្ញាកណ្តាល មេធាវី ចៅក្រម ឬ ព្រះរាជអាជ្ញាដែរ គ្រាន់តែជាអ្នកជួយដល់ភាគី ឲ្យមាន ដំណោះស្រាយ ។ យន្តការទី២ គណៈកម្មការសុរិយោដីថ្នាក់ខេត្ត មានលោកអភិបាលខេត្ត ១ រូប ជា ប្រធានគណៈកម្មការរដ្ឋបាល ជាអ្នកធ្វើការសម្របសម្រួល បើមិនត្រូវគ្នា គណៈកម្មការនេះមានសិទ្ធិ សំរេចឲ្យភាគីណាមួយឈ្នះ ដោយយោងទៅតាមការពិនិត្យពិចារណា លើឯកសារភស្តុតាង សាក្សី នៅលើដីជាក់ស្តែង ហើយយន្តការទី៣ បើភាគីណាមួយមិនពេញចិត្តនិងសេចក្តីសម្រេចរបស់គណៈ កម្មការរដ្ឋបាលថ្នាក់ខេត្ត ភាគីនោះបន្តទៅគណៈកម្មការសុរិយោដីថ្នាក់ជាតិ ។ គណៈកម្មការសុរិយោដី ថ្នាក់ជាតិ មានសិទ្ធិសំរេច ដូចនៅថ្នាក់ខេត្តដែរ បើភាគីណាមិនពេញចិត្ត ប្តឹងទៅតុលាការ ដែលមាន ៣ ថ្នាក់ដែរ មាន សាលាដំបូងខេត្ត/រាជធានី សាលាឧទ្ធរណ៍ និង តុលាការកំពូល ។

លោក បានបន្ថែមទៀតថាៈ កន្លងមកយើងឃើញយន្តការដោះស្រាយ មិនបានចូលក្នុងយន្តការគណៈ កម្មការសុរិយោដី ទេ ឃើញតែបណ្តឹងរបស់ប្រជាពលរដ្ឋចូលលោកអភិបាលស្រុក លោកអភិបាល ខេត្ត  ហើយបណ្តឹងនោះបានត្រឹមសម្របសម្រួល ដែលមន្ត្រីទាំងនោះមិនមានជំនាញទេ ដូចនេះបាន សល់រឿងច្រើន នៅសាលាខេត្តបន្ទាយមានជ័យ ។ ចំណែកនៅឯដីទំនាស់នោះវិញ ក៏ចាប់ផ្តើមកើត រឿងផ្សេងៗ ដូចជាៈ ហិង្សាដោយចេតនា. បំផ្លិចបំផ្លាញទ្រព្យសម្បត្តិ ....។ តើនេះជាកំហុសអ្នកណា?។

នៅក្នុងខេត្តបន្ទាយមានជ័យ គ្រាន់តែទិន្នន័យ ទំនាស់ដីធ្លី តែកន្លែងប៉ុណ្ណោះ  មានបណ្តឹងព្រហ្មទណ្ឌ  រហូតដល់ ៥៤ ករណីទៅហើយ  ចំណែកកន្លែងផ្សេងៗ សារព័ត៌មានយើងមិនទាន់ទទួលបាននៅ ឡើយទេ ៕