កម្លាំងកងរាជអាវុធហត្ថ និងប៉ូលីសអាំងទ័រប៉ូលនៃប្រទេសថៃ សហការអនុវត្តដីកា ចាប់ខ្លួនជនជាតិថៃ ដែលប្លន់សម្លាប់មនុស្សរត់ចូលមក ប្រទេសកម្ពុជា
ខេត្តកំពង់ស្ពឺ៖ ឧក្រិដ្ឋជន ជាជនជាតិថៃចំនួន២ នាក់ដែលបានធ្វើសកម្មភាពប្លន់សម្លាប់លេីស្រ្តីម្នាក់ ជាជនជាតិថៃដូចគ្នាប្លន់យកទ្រព្យសម្បត្តិ ។រួចលួចឆ្លងដែនមកលាក់ខ្លួនក្នុងទឹកដីខ្មែរមិនដល់មួយសប្តាហ៍ផងត្រូវប៉ូលីសអាំង
ទ័រប៉ូលនៃប្រទេសថៃ សហការជាមួយកម្លាំងកងរាជអាវុធហត្ថកម្ពុជាអនុវត្តន៍ដីកាឃាត់ខ្លួន។
-រសៀលថ្ងៃសុក្រ ៥ រោច ខែស្រាពណ៌ ឆ្នាំចសំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី៣១ ខែសីហា ឆ្នាំ២០១៨ កម្លាំងជំនាញកងរាជអាវុធហត្ថលើផ្ទៃប្រទេស សហការជាមួយកងរាជអាវុធហត្ថខេត្តកំពង់ស្ពឺ និងប៉ូលីសអាំងទ័រប៉ូលនៃប្រទេសថៃ បានចុះទៅចំណុចភូមិបឹងប្រស្រែ ឃុំព្រៃញាតិ ស្រុកគងពិសី ខេត្តកំពង់ស្ពឺ អនុវត្តដីកាតុលាការនៃព្រះរាជាណាចក្រថៃ ចាប់ជនសង្ស័យជនជាតិថៃបានចំនួន ០២នាក់ (ប្រុស) :ពីបទឃាតកម្ម ប្លន់សម្លាប់លេីស្រ្តីមួយនាក់ ជាជនជាតិថៃដូចគ្នាប្លន់យកទ្រព្យសម្បត្តិ ។
កាលពីថ្ងៃទី២៦ ខែកក្កដា ឆ្នាំ២០១៨ នៅក្នុងប្រទេសថៃ រួចគេចមកលាក់ខ្លួនជួលផ្ទះស្នាក់នៅក្នុងភូមិ ឃុំខាងលេី កម្លាំងអាវុធហត្ថដកហូតបាន ÷ ម៉ូតូចំនួន ០២គ្រឿង និងទ្រព្យសម្បត្តិ។
ទោះជាយ៉ាងណា មជ្ឈដ្ឋាននានាបានលើកឡើងថា ការសហការគ្នារវាងសមត្ថកិច្ច កម្ពុជា~ថៃក្នុងការបង្ក្រាបឧក្រិដ្ឋជនឆ្លងដែននេះមិនមែនជាលើកទី១ទេគឺបានជោគជ័យជាច្រើនករណីមកហើយ កន្លងមកក៏មានជនជាតិខ្មែរយើងដែលបានទៅស៉ីឈ្នួលគេ រួចបានរំលោភសម្លាប់កូនក្រមុំជាជនជាតិថៃរួចបានរត់មកសំងំលាក់ខ្លួននៅស្រុកកំណើតឯស្រុកថ្មគោលខេត្តបាត់ដំបងនោះមិនបានមួយដង្ហើមចង្រិតផងសមត្ថកិច្ចថៃមកសហការចាប់ខ្លួនភ្លាម ហើយអ្វីដែលគួរអោយសសើរនោះគឺ ជាជនជាតិថៃ គេធ្វើម៉ត់ចត់សូម្បីតែសត្វដំរីមួយក្បាលដើរវង្វេងហ្វូងចូលមកក្នុងប្រទេសកម្ពុជាក៏គេប្រឹងប្រែងសហការណ៍ជាមួយសមត្ថកិច្ចខ្មែរមកចាប់យកទៅវិញដែរ៕
![]()
![]()
![]()