ជនជាតិថៃបើករថយន្តបុកម៉ូតូ ក្មេងប្រុស២នាក់ស្លាប់ភ្លាមៗ នៅផ្លូវជាតិលេខ០៦ ក្នុងស្រុកកំពង់ស្វាយ !
ខេត្តកំពង់ធំ៖ ក្មេងប្រុសអាយុ៩ឆ្នាំ បើកបរម៉ូតូ ឌុបក្មេងប្រុសអាយុ៧ឆ្នាំនៅលើផ្លូវជាតិលេខ០៦បត់ឆ្វេងខ្ជីខ្ជារខ្វះការប្រុងប្រយ័ត្ន ត្រូវបានរថយន្ត ដែលបើកបរដោយជនជាតិថៃ ក្នុងល្បឿនលឿនមកពីទិសស្របគ្នាបានបុកពីក្រោយបណ្តាលឲ្យអ្នកបើបរម៉ូតូនិងអ្នករួមដំណើរស្លាប់ទាំង២នៅកន្លែងកើតហេតុយ៉ាងអណោចអធ័ម្ម។
ហេតុការណ៍នេះបានកើតឡើងកាលពីវេលាម៉ោង៦និង២៦នាទីព្រឹក ថ្ងៃទី១២ ខែកញ្ញា ឆ្នាំ២០១៨ នេះនៅលើកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១៨៨-១៨៩ នៅភូមិបាគង ឃុំត្បែង ស្រុកកំពង់ស្វាយ ខេត្តកំពង់ធំ។ ករណីគ្រោះថ្នាក់ចរាចរណ៍ រថយន្ត បុកម៉ូតូបើកបរបត់ឆ្វេង ក្នុងទិសដៅស្របគ្នា ពីកើតទៅលិច បណ្តាលឲ្យស្លាប់ក្មេងប្រុស២នាក់នៅនឹងកន្លែងកើតហេតុ ។
ម្ចាស់រថយន្ដ ឈ្មោះ ផន ថេប ភេទប្រុស អាយុ៤២ឆ្នាំ នៅភូមិបាងកក សង្កាត់បាងកក ក្រុងថេប ប្រទេសថៃ បានបើក រថយន្តម៉ាក ISUZU ពណ៌ស ស្លាកលេខ ភ្នំពេញ 2AV.7563 បើកបរផ្លូវត្រង់ទិសដៅពីកើតទៅលិច អ្នករួមដំណើរជាមួយចំនួន២នាក់ ឈ្មោះ ឆាន ណាកាន ភេទស្រី អាយុ២៨ឆ្នាំ នៅភូមិ សង្កាត់ ជាមួយអ្នកបើកបររថយន្ត និងឈ្មោះ ម៉ុន ឈន ភេទប្រុស អាយុ៣៥ឆ្នាំ នៅភូមិធ្នុង ឃុំដានរុន ស្រុកសូទ្រនិគម ខេត្តសៀមរាប ។
ចំណែកក្មេងបើកម៉ូតូ ឈ្មោះ ចាន់ យុត្តិការ ភេទប្រុស អាយុ០៩ឆ្នាំ នៅភូមិត្រាំខ្លា ឃុំត្បែង ស្រុកកំពង់ស្វាយ ខេត្តកំពង់ធំ ស្លាប់នៅកន្លែងកើតហេតុ មិនពាក់មួកសុវត្ថិភាព បានបើកបរម៉ូតូម៉ាកហុងដា C125 ពណ៌ខ្មៅ ស្លាកលេខ តាកែវ 1C.3009 បើកបរទិសដៅពីកើតទៅលិច ហើយបត់ឆ្វេង អ្នករួមដំណើរឈ្មោះ ធួក ឌុល ភេទប្រុស អាយុ៧ឆ្នាំ នៅភូមិ ឃុំជាអ្នកបើកបរម៉ូតូ ស្លាប់នៅកន្លែងកើតហេតុ មិនពាក់មួកសុវត្ថិភាព ។ មូលហេតុ បង្កឡើងដោយអ្នកបើកបរម៉ូតូបើកបត់ឆ្វេងខ្ជីខ្ជារខ្វះការប្រុងប្រយ័ត្ន រួមផ្សំនឹងអ្នកបើកបររថយន្តមានល្បឿនលឿនបង្កឲ្យគ្រោះថ្នាក់ចរាចរណ៍កើតឡើង៕
![]()
![]()
![]()