កំលាំងនគរបាលក្រុងច្បារមនធ្វើការបង្រ្កាបបាន មុខសញ្ញាជួញដូរគ្រឿងញៀនខុសច្បាប់ ២នាក់ និងដកហូតវត្ថុតាងរួមជាមួយថ្នាំញៀនមួយចំនួន!
កំពង់ស្ពឺ ៖ មុខសញ្ញាជួញដូរគ្រឿងញៀនខុសច្បាប់ដ៏សកម្មចំនួន២នាក់ ត្រូវបានកំលាំងនគរបាលក្រុងច្បារមនធ្វើការបង្រ្កាបបាន ដកហូតវត្ថុតាងរួមជាមួយថ្នាំញៀនមួយចំនួនបញ្ឌូនទៅកាន់តុលាការ។
នៅវេលាម៉ោង ១០ និង ៣០នាទីនាថ្ងៃទី១១.០៩.២០១៨ កំលាំងនគរបាលក្រុងច្បារមន ដឹកនាំដោយ លោកវរសេនីយ៍ឯក អ៊ូច ហៀង អធិការនគរបាលក្រុងច្បារមន ធ្វើការបង្រ្កាបទីតាំងផ្ទះមួយកន្លែង ជាមុខសញ្ញាប្រើប្រាស់គ្រឿងញៀន ស្ថិតនៅចំណុចផ្លូវភូមិផ្សារសាមគ្គី សង្កាត់កណ្តោលដុំ ក្រុងច្បារមន។ ជាក់ស្ដែងឃាត់បានមុខសញ្ញាឈ្មោះ សៅ សុខកែម ប្រុស អាយុ ២៧ឆ្នាំ ទីលំនៅភូមិកាហែង ឃុំកាហែង ស្រុកសំរោងទង រកឃើញនិងដកហូតម្សៅក្រាមពណ៌ស សង្ស័យជាគ្រឿងញៀន ១ កញ្ចប់ ទូរស័ព្ទ ០១គ្រឿង ម៉ូតូ C100 ០១គ្រឿង មុខសញ្ញាបានឆ្លើយសារភាពថាខ្លួនបានទិញពីផ្ទះ មួយកន្លែងនៅភូមិ ផ្សារសាមគ្គី ស.កណ្តោលដុំ ក.ច្បារមន បានសុំយោបល់ពីលោកឧត្តមសេនីយ៍ទោ សម សាមួន ស្នងការនគរ បាលខេត្ត និងបានការសម្របសម្រួលពីលោក កែវ សុធា ព្រះរាជអាជ្ញាខេត្ត បានដំណើរការឆែកឆេរផ្ទះនិងបានឃាត់ខ្លួនជនសង្ស័យ ១ នាក់ ឈ្មោះនួន ណារិន ភេទស្រី អាយុ ៣៦ឆ្នាំ ជាម្ចាស់ផ្ទះ ភូមិផ្សារសាមគ្គី សង្កាត់កណ្តោលដុំ ក្រុងច្បារមន មុខរបរ មិនពិតប្រាកដ។ រកឃើញនិងដកហូតវត្ថុតាងបានរួមមាន ៖
១.ជញ្ជីងថ្លឹងគ្រឿងញៀន ០១ គ្រឿង
២.ថង់សម្រាប់ច្រកគ្រឿងញៀន ៥ដុំ មិនរាប់ចំនួន
៣ . ទូរស័ព្ទដៃ ម៉ាកចំរុះ ០៤ គ្រឿង
៤. ឧបករណ៍សម្រាប់ប្រើប្រាស់មួយចំនួន។
ក្នុងប្រតិបត្តិការបង្ក្រាប វត្ថុតាងរួមមាន ថ្នាំមួយកញ្ចប់ ទូរស័ព្ទ ០៥គ្រឿង ម៉ូតូ ១គ្រឿង និងឧបករណ៍ប្រើប្រាស់ មួយចំនួន
បច្ចុប្បន្នជនសង្ស័យរួមនិងវត្ថុតាង នគរបាលក្រុងបានកសាងសំណុំរឿងបញ្ជូន ទៅការិយាល័យជំនាញខេត្ដ ដើម្បីចាត់ការតាមនិតិវិធីផងដែរ៕
![]()
![]()
![]()