កម្លាំងអធិការដ្ឋាន នគរបាលក្រុងច្បារមន បង្ក្រាបមុខសញ្ញាជួញដូរដោយខុសច្បាប់នូវសារធាតុញៀនបាន ម្នាក់!
កំពង់ស្ពឺ ៖ មុខសញ្ញាសង្ស័យ ពាក់ព័ន្ធករណីជួញដូរ សារធាតុញៀនខុសច្បាប់ ម្នាក់(ប្រុស)ត្រូវបាននគរបាលស្រាវជ្រាវបង្រ្កាបបានដកហូតបានវត្ថុតាងថ្នាំញៀនមួយចំនួនបញ្ជូនខ្លួនទៅកាន់តុលាការ។
កម្លាំងអធិការដ្ឋាន នគរបាលក្រុងច្បារមន ធ្វើការបង្ក្រាបមុខសញ្ញាជួញដូរដោយខុសច្បាប់នូវសារធាតុញៀនបាន ម្នាក់ បន្ទាប់ពីទទួលបានព័ត៌មានពីកំលាំងមូលដ្ឋានពលរដ្ឋល្អ លោកវរសេនីយ៍ឯក អ៊ូច ហៀង អធិការនគរបាលក្រុងច្បារមន បានបញ្ជាឲ្យផ្នែកប្រឆាំងគ្រឿងញៀនចុះស្រាវជ្រាវបន្ទាន់ កាលពីវេលាម៉ោង ១៥ និង ៥០នាទី នាថ្ងៃទី ២៣-០៩-២០១៨ និងឃាត់មុខសញ្ញាជួញដូរគ្រឿងញៀនម្នាក់ឈ្មោះ សោម សុខា ហៅ ង៉ែត ភេទប្រុស អាយុ ២១ ឆ្នាំនៅភូមិព្រៃក្ដី សង្កាត់ស្វាយក្រវ៉ាន់ ខេត្តកំពង់ស្ពឺ « ឃាត់ នៅចំណុចភូមិសង្កាត់ខាងលើ » ដកហូតបានគ្រឿងញៀនចំនួន ២ កញ្ចប់ និង ម៉ូតូ ០១គ្រឿង។
បច្ចុប្បន្នមុខសញ្ញាជនសង្ស័យ ត្រូវបានកសាងសំណុំរឿងបញ្ជូនទៅកាន់ការិ.ជំនាញខេត្ត ចាត់ការតាមនិតិវិធី៕
