បន្ទាយមានជ័យ៖ ល្បីថាលោកង៉ែតព្រឿងបើកដៃអោយកូនចៅ បើកច្រករបៀងបង្ហូរចូល ទំនិញគេចពន្ធសព្វសាពើរ លុះអ្នកកាសែតទៅឃ្លាំមើលឃើញ មានជំនួញសត្វព្រៃសង្ស័យកើតមានរាល់ថ្ងៃនៅច្រករបៀងសេះងាប់មែន។

យោងតាម ប្រភពព័ត៌មានពីក្រុមអ្នកប្រម៉ាញ់តាមព្រំដែនបានប្រាប់អោយដឹងថា៖ច្រករបៀងមួយជិតប៉ុស្តិយោធាសង្ស័យជាកន្លែងលើកដាក់សត្វព្រៃមុនឬក្រោយនាំឆ្លងដែនហើយរថយន្តកាមរី2គ្រឿងដែលចតនៅទីនោះគ្រាន់តែឃើញអ្នកយកព័ត៌មានចូលដល់បើកគេចភ្លាមៗពីកន្លែងកើតហេតុ។ទីតាំងសង្ស័យខាងលើស្ថិតនៅច្រករបៀងសេះងាប់ក្នុងភូមិក្តិបថ្មឃុំគោករមៀតស្រុកថ្មពួកដែលនៅទីនោះគ្រប់គ្រងដោយក្រុមយោធាអភិវឌ្ឍន៌ភូមិភាគ5។រថយន្តកាមរី2គ្រឿងគេឃើញចតនៅកន្លែងកើតហេតុប៉ុន្តែពេលឃើញអ្នកព័ត៌មានចូលទៅដល់ក្រុមមនុស្ស4នាក់នៅទីនោះបានបើករថយន្តគេចចេញពីទីនោះអស់។យ៉ាងណាក៌ដោយនៅកន្លែងកើតហេតុគេឃើញបន្សល់វត្ថុតាងគួឲ្យសង្ស័យជាច្រើនដូចជាការ៉ុងដែលមានអុចភ្លើងប្រហោងតូចៗកន្ត្រកជ័រនិងស្បៃសម្រាប់ច្រកសត្វព្រៃជាច្រើន។ក្រៅពីនេះសត្វអន្សងមួយក្បាលប្រហែលជាង10គីឡូក្រាមងាប់គេលើកបោះចោលក្នុងស្មៅហើយអណ្តើករស់4ក្បាលគេច្រកទុកក្នុងស្បៃនិង01ក្បាលងាប់នៅក្នុងការ៉ុង។ប្រភពថាច្រករបៀងខាងលើកន្លងមានចេញទំនិញខុសច្បាប់ផ្សេងៗនិងមាន់ទារស់ទៅមកដីថៃផងដែរ។ករណីខាងលើលោកវរសេនីយ៌ឯកង៉ែតព្រឿងមេបញ្ជាការយោធាអភិវឌ្ឍន៌ភូមិភាគ5មិនអាចទាក់ទងសុំការអត្ថាធិប្បាយបំភ្លឺបានទេព្រោះមិនស្គាល់លេខទូរស័ព្ទដោយឡែកមេប៉ុស្តិយោធាចំណុចកើតហេតុក៌មិនអាចទាក់ទងបំភ្លឺបានដូចគ្នា៕ដោយធីតា