បែកធ្លាយរឿងអាស្រូវគយចល័តរបស់គយ ក្រសួងដែលបង្ក្រាបហាងលក់គ្រឿងបន្លាស់ រថយន្តនៅក្រុងសិរីសោភ័ណព្រោះមិនបានបង់ខែក្រៅផ្លូវការជូនលោកអាតអឿតនិងលោកឈុនសុធាវណ្ណារី!
បន្ទាយមានជ័យ៖មានរឿងគួរអស់សំណើចមួយបានផ្ទុះឡើងដោយសារសមត្ថកិច្ចមួយក្រុមបានចុះបង្ក្រាបហាងលក់គ្រឿងបន្លាស់រថយន្តនៅកណ្តាលក្រុងសិរីសោភ័ណដែលគេសង្ស័យថាមិនទាន់បានបង់ខែក្រៅផ្លូវការជូនលោកអាតអឿននិងលោកឈុនសុធាវណ្ណារី។
នៅព្រឹកថ្ងៃទី៣ខែសីហាឆ្នាំ២០១៨នេះដោយអនុវត្តតាបទបញ្ជារដែលមានការចង្គុលបញ្ហាញពីអគ្គនាយកដ្ឋានគយនិងរដ្ឋាករកម្ពុជាសមត្ថកិច្ចគយចល័តរបស់ក្រសួងដឹកនាំដោយលោកឈួនសោភាមេតំបន់៥បានធ្វើការឆែកឆេរហាងលក់គ្រឿងបន្លាស់រថយន្តយីហោអ៉ឹងលាងប៉ូច(ពត)ដែលមានទីតាំងនៅផ្លូវក្រោយបេនឡានផ្សារសិរីសោភ័ណស្ថិតនៅក្នុងភូមិ៣សង្កាត់ព្រះពន្លាដោយមានការសម្របសម្រួលពី លោកមាសច័ន្ទពិសិដ្ឋព្រះរាជអាជ្ញាអមសាលាដំបូងខេត្ត បន្ទាយមានជ័យផងដែរ។
ក្នុងករណីបង្ក្រាបទីតាំងខាងលើនេះដោយសង្ស័យថាមានគ្រឿងបន្លាស់រថយន្តល្មើសច្បាប់អត់មានពន្ធហើយក្នុងប្រតិបត្តការនេះសមត្ថកិច្ចរកឃើញទំទិញជាច្រើនមុខ។
លោក «ឈួន សោភា» បានប្រាប់អោយដឹងថាដោយអនុវត្តតាបទបញ្ជារដែលមានការចង្គុលបញ្ហាញពីអគ្គនាយកដ្ឋានគយនិងរដ្ឋាករកម្ពុជាទើបលោកដឹកនាំកម្លាំងចុះធ្វើការឆែកឆេរហាងលក់គ្រឿងបន្លាស់រថយន្តយីហោអ៉ឹងលាងប៉ូច(ពត)ព្រោះមានការស៉ើបអង្កេតអស់ រយះពេលជាយូរមកហើយដឹងការទីតាំងខាងលើនេះបានលួចយកទំនិញគេចពន្ធមកលក់។លោកបញ្ជាក់ថានៅពេលធ្វើការឆែកឆេរយើងក៏បានរកឃើញគ្រឿងបន្លាស់រថយន្ត
ដែលជាទំនិញដែលគ្មានឯកសារច្បាស់លាស់សរុបមានជាច្រើនតោនក្នុងនោះដែរសមត្ថកិច្ចក៏បានធ្វើកំណត់ហេតុដើម្បីរៀបចំឯកសារអោយ ម្ចាស់ទំនិញចូលខ្លួនទៅបំពេញ កាតព្វកិច្ចពន្ធចូលរដ្ឋ។
លោកឈួនសោភាមេគយចល័តតំបន់៥បានបន្តទៀតថា៖នៅក្នុងខេត្តបន្ទាយមានជ័យនេះមានហាងឬឃ្លាំងមួយចំនួនទៀតដែលមានដែលមានបង្កប់ទំនិញល្មើសច្បាប់និងអត់ពន្ធលោកនឹងបន្តស្រាវជ្រាវបង្កា្របជាបន្តទៀតដូចភ្លៀងរលឹមដើម្បីបង្កើនថវិការពន្ធចូលជាតិអោយបានច្រើនថែមទៀត។
ទោះជាយ៉ាងណាសារព័ត៌មានខ្មែរជាយដែនទទួលបានព័ត៌មានពីមជ្ឈដ្ឋាននានាដូចជាម្ចាស់ឃ្លាំងនិងក្រុមអ្នកដឹកទំនិញបានអោយដឹងថា៖ក្រុមគយដែលបានចុះបង្ក្រាបហាងលក់គ្រឿងបន្លាស់រថយន្តនៅកណ្តាលក្រុងសិរីសោភ័ណនោះគេសង្ស័យថាមិនទាន់បានបង់ខែក្រៅផ្លូវការជូនលោកអាតអឿននិងលោកឈុនសុធាវណ្ណារី។ទើបគេបង្ក្រាបតែបែជាមកនិយាយថាខិតខំរកប្រាក់ចំណូលថវិការជាតិទៅវិញពិតជាគួរអោយអស់សំណើចណាស់។ប្រភពខាងលើបានបន្តអោយដឹងទៀតថា៖ទំនិញមិនមែនចេះហោះពីដីថៃចូលមកដីខ្មែរនោះទេគឺគេដឹកជញ្ជូនតាមរថយន្តទោះបីជាឆ្លងចូលតាមច្រករបៀងច្រកតំបន់និងច្រកទ្វារអន្តរជាតិក៏ដោយក៏គេចមិនផុតពីក្រសែភ្នែករបស់គយចល័ត
ទាំងខេត្តនិងក្រសួងដែលបណ្តាក់គ្នាដូចខ្យងនៅតាមដងផ្លូវដែលប្រវែងតែជាង៤០គីឡូម៉ែត្រសោះសរុបទៅមិនតិចជាង៤កន្លែងទេមិនថាតែអ្នកអូសរទេះចេញពីផ្សាយថៃក៏ត្រូវបានបង់ប្រាក់ក្រៅផ្លូវការជូនអស់លោកសមត្ថកិច្ចនេះដែរ។
ប្រភពបន្តទៀតថាលោកឈុនសុធាវណ្ណរីបានដាក់ខែក្រៅផ្លូវការក្នុងរថយន្តមួយ១ខែ១៥០
ដុល្លាចំណែកលោកអាតអឿនក៏បានដាក់ខែតាមឃ្លាំងទំនិញនៅក្នុងខេត្តបន្ទាយមានជ័យនេះមិនតិចទេក្នុងមួយកន្លែងៗ១ខែ៥០០ទៅ៦០០ដុល្លា។ចំណែកម្ចាស់ហាងលក់គ្រឿងបន្លាស់រថយន្តដែលត្រូវបានគេ
បង្ក្រាបខាងលើទំនង ជាមិនទាន់បានបង់ខែក្រៅផ្លូវការជូនលោកអាតអឿតនិងលោកឈុនសុធាវណ្ណារីហើយមើលទៅបានជាត្រូវបានកេបង្ក្រាបបែបនេះគឺមិនខុសពីការកៀងត្រីបញ្ចូលសូងនោះទេប្រយោជន៍ដើម្បីអោយម្ចាស់បង់ខែក្រៅផ្លូវការដូចឃ្លាំងទំនិញនានានៅក្នុងខេត្តនេះដែ៕
