ស្រវឹងស្រា ចុះមុជទឹកស្រះ បណ្តាលអោយរអិលជើងធ្លាក់ទៅទឹកជ្រៅ លង់ទឹកស្លាប់តែម្តង!
ខេត្តបាត់ដំបង:ស្ត្រីម្នាក់បានលង់ទឹកស្លាប់យ៉ាងអណោចអធ័ម្មខណះដែលនារីរងគ្រោះផឹកស្រាស្រវឹងរួចចុះមុជទឹកស្រះ បណ្តាលអោយរអិលជើងធ្លាក់ទៅទឹកជ្រៅ លង់ទឹកស្លាប់តែម្តង។
ហេតុការណ៍នេះ បានកើតឡើងនៅ វេលាម៉ោប្រហែល១៧៖៤០នាទីថ្ងៃអាទិត្យ ៧ រោច ខែស្រាពណ៌ ឆ្នាំចសំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី២ ខែកញ្ញា ឆ្នាំ២០១៨ស្ថិតនៅក្នុងក្រុមទី០៧ ភូមិភ្នំតូច ឃុំពេជ្រចិន្តា ស្រុកភ្នំព្រឹក ។
សមត្ថកិច្ចមូលដ្ឋានបានអោយដឹងថា៖ជនរងគ្រោះ ឈ្មោះ ស្រី ពេជ្រ ភេទស្រី អាយុ៣០ឆ្នាំ រស់នៅភូមិ-ឃុំកើតហេតុខាងលើមូលហេតុ ៖ ជនរងគ្រោះស្រវឹងស្រា ចុះមុជទឹកស្រះ បណ្តាលអោយរអិលជើងធ្លាក់ទៅទឹកជ្រៅ លង់ទឹកស្លាប់តែម្តង ។ក្រោយពីសមត្ថកិច្ចយើង និងលោកគ្រូពេទ្យ នៅមណ្ឌលសុខភាពពេជ្រចិន្តា បានពិនិត្យកន្លែងកើតហេតុ នឹងសាកសពជនរងគ្រោះរួច បានសន្និដ្ឋានថា ពិតជាលង់ទឹកស្លាប់ពិតប្រាកដមែន ពុំមានពាក់ពន្ធ័ និងបទល្មើសព្រហ្មទណ្ឌអ្វីឡើយ ។ រួចបានប្រគល់សាកសពជនរងគ្រោះអោយក្រុមគ្រួសារយកទៅធ្វើបុណ្យតាមប្រពៃណី ៕
![]()
![]()
![]()