គណៈមេធាវីកម្ពុជាកាលពីម្សិលមិញបានដាក់វិន័យមេធាវីចំនួន ៦ នាក់ពីបទរំលោភក្រមសីលធម៌វិជា្ជជីវៈ។
ភ្នំពេញ៖ ប្រធានគណៈមេធាវីលោក សួន វិសាល បានមានប្រសាសន៍ថា មេធាវីទាំង ៦ នាក់ត្រូវបានព្យួរពីការអនុវត្តច្បាប់ក្នុងរយៈពេលផ្សេងៗគ្នា។ ការផ្អាកត្រូវបានធ្វើឡើងក្នុងអំឡុងកិច្ចប្រជុំប្រចាំឆ្នាំរបស់គណៈមេធាវីនៅពេលដែលបញ្ហាវិជ្ជាជីវៈត្រូវបានពិភាក្សា។
លោកបានមានប្រសាសន៍ថា “គណៈ មេធាវីបានដាក់វិន័យមេធាវីចំនួន ៦ នាក់ពីបទរំលោភលើក្រមសីលធម៌វិជ្ជាជីវៈបន្ទាប់ពីបានចេញសេចក្តីព្រមាន”។ យើងគ្រាន់តែព្យួរពួកគាត់ក្នុងរយៈ ពេលខ្លីប៉ុណ្ណោះ ហើយមិនបានរំសាយពួកគេឡើយពីព្រោះកំហុសរបស់ពួក គេមិនធ្ងន់ធ្ងរទេ។
លោក វិសាល បានកត់សម្គាល់ថា មេធាវីទាំង ៦ នាក់ត្រូវបានដាក់វិន័យពីព្រោះពួកគេបានពន្យាពេលការពារអតិថិជនសូម្បីតែបន្ទាប់ពីទទួលយកការទូទាត់។
លោកបានមានប្រសាសន៍ថា មានមេធាវីដែលបានចុះឈ្មោះជាង ១,៧០០ នាក់នៅក្នុងព្រះរាជាណាចក្រ ប៉ុន្តែមានតែ ១,០០០ នាក់ប៉ុណ្ណោះដែលកំពុងអនុវត្តការងារខណៈដែលនៅសល់បានជ្រើសរើសធ្វើការជាមន្រ្តីរាជការឬចាប់យកការងារផ្សេងទៀត។ លោក វិសាល បានកត់សម្គាល់ថា “ដូច្នេះមិនមានមេធាវីគ្រប់គ្រាន់ដើម្បីចូលរួមក្នុងរឿងក្តីព្រហ្មទណ្ឌនឹងរដ្ឋប្បវេណីទេ”។
ស្តីពីការផ្តល់ជំនួយផ្នែកច្បាប់លោកបានមានប្រសាស ន៍ថា រដ្ឋាភិបាលបានផ្តល់ថវិកាមួយចំនួនដើម្បីបញ្ជូនមេធាវីជួយការពារប្រជាជនក្រីក្រហើយថវិកាកើនឡើងជារៀងរាល់ឆ្នាំ។
លោក វិសាល បានមានប្រសាសន៍ថា “នៅក្នុងឆ្នាំ ២០១៩ រដ្ឋាភិបាលបានផ្តល់ថវិកាចំនួន ១,២០០ លានរៀល (ប្រហែល ២៩៥,៥៨៧ ដុល្លារ) ហើយរដ្ឋាភិ បាលនឹងផ្តល់ថវិកាចំនួន ១,៦០០ លានរៀល (ប្រ ហែល ៣៩៤,១១៦ ដុល្លារ) ក្នុងឆ្នាំ ២០២០ សម្រាប់សេវាកម្មផ្នែកច្បាប់របស់ប្រជាជនក្រីក្រ។
លោកបន្តថា ទោះបីចំនួននេះខ្ពស់ក៍ដោយក៍វានៅតែមិនទាន់គ្រប់គ្រាន់ដែរ ព្រោះគណៈមេធាវីត្រូវបញ្ជូនមេធាវីដើម្បីទៅដោះស្រាយចន្លោះពី ៥,០០០ ទៅ ៦,០០០ ករណីពាក់ព័ន្ធនឹងប្រជាពលរដ្ឋក្រីក្រជារៀងរាល់ឆ្នាំ។
លោកមេធាវី សំ សុគង់ កាលពីម្សិលមិញបាននិយាយថា គណៈមេធាវីមានអំណាចដាក់វិន័យដល់អ្នកដែលរំលោភក្រមសីលធម៌វិជ្ជាជីវៈ។
ទោះយ៉ាងណាក៍ដោយលោកបានត្អូញត្អែរថា ថ្មីៗនេះគណៈមេធាវីបានធ្វើសេចក្តីសម្រេចមួយដែលតម្រូវអោយ មេធាវីពាក់អាវផាយបីពណ៌ផ្សេងគ្នាដើម្បីបញ្ជាក់អតីតភាពក្នុងពេលបំពេញមុខងារដែលខ្លូនរៀបចំ។
លោក សុគង់ បានកត់សម្គាល់ថា នៅពេលពួកគេនៅក្នុងតុលាការមេធាវីទាំងអស់ពាក់អាវផាយខ្មៅដូចគ្នា ទោះបីមានវ័យចំណាស់ឬក្មេងជាងក៍ដោយ។ លោកបាននិយាយថា “ខ្ញុំគិតថាសមាគមមិនគួរមានអាវផាយរបស់មេធាវីបីប្រភេទទេ ព្រោះវាជាទម្រង់នៃការរើសអើង”។ “តាមទស្សនៈរបស់ខ្ញុំ សមាគមគួរតែទទួលស្គាល់អាវផាយមួយប៉ុណ្ណោះ ពីព្រោះយើងទាំងអស់គ្នាធ្វើការងារតែមួយ”។
លោក សុគង់ ក៍មានការសោកស្តាយផងដែរចំពោះការដែលមេធាវីពិបាកផ្តល់ជំនួយផ្នែកច្បាប់ត្រឹមត្រូវដល់ជនក្រីក្រ ពីព្រោះពួកគេត្រូវបានផ្តល់ពេលដ៍ខ្លីដើម្បីត្រៀមសម្រាប់ករណីនៅពេលចៅក្រមបញ្ជូនសំណើយឺតទៅសមាគមដើម្បីផ្តល់សេវាកម្ម។ លោកបានកត់សម្គាល់ថា “ចៅក្រមគួរតែបញ្ជូនសំណើទៅសមាគមដើម្បីផ្តល់មេធាវីការពារក្តីជនក្រីក្រ ពីព្រោះយើងត្រូវការពេលវេលាដើម្បីសិក្សាករណីនេះអោយកាន់តែលម្អិត”៕
