ថ្ងៃទី០៧ ខែឧសភា ឆ្នាំ២០៥០
សារព័ត៌មាន ខ្មែរជាយដែន ( ជាសារព័ត៌មានឯករាជ្យ ទាន់ហេតុការណ៍ ចំពោះព្រឹត្តិការណ៍កើតឡើងនៅក្នុងប្រទេសកម្ពុជា )​ហ៊ាននិយាយការពិត ប្រសើរជាងនិយាយការពារ
លោក សម រង្ស៊ី ប្រកាស​សុខ​ចិត្ត​បូជា​ជីវិត និង សេរី​ភាព​របស់​ខ្លួន ​ដើម្បី​ចូល​មក​កម្ពុជា​នៅ​ថ្ងៃ​ទី០៩ ខែ​វិច្ឆិកា
Mi,30 Oktober 2019 (Time 02:57 )
ដោយ ៖ សុវណ្ណ (ចំនួនអ្នកអាន: 956នាក់)


ប្រធាន​ស្តីទី​អតីត​គណបក្ស​សង្រ្គោះ​ជាតិ លោក សម រង្ស៊ី បាន​អះអាង​ថា លោក​សុខ​ចិត្ត​លះ​បង់​សិទ្ធិ សេរី​ភាព​របស់​លោក ដើម្បី​ប្តូរ​យក​លទ្ធិ​ប្រជា​ធិប​តេយ្យ និង សេរី​ភាព​ជូន​ដល់​ប្រជា​ពល​រដ្ឋ​ខ្មែរ​តាម​រយៈ​ការ​ចូល​មក​ប្រទេស​កម្ពុជា​វិញ​នៅ​ថ្ងៃទី០៩ វិច្ឆិកា ខាង​មុខ​។ លោក​ប្រកាស​ដូច្នេះ​នៅ​ក្នុង​វីដេអូ​ឃ្លីប​មួយ​ដែល​បង្ហោះ​លើ​ហ្វេស​ប៊ុក​នៅ​យប់​ថ្ងៃ​មិញ​នេះ​។ មិន​តែ​ប៉ុណ្ណោះ លោក សម រង្ស៊ី ថែម​ទាំង​ប្រកាស​ស្ម័គ្រ​ចិត្ត​បូជា​ជីវិត​ខ្លួន​ឯង​ថែម​ទៀត ដើម្បី​បុព្វ​ហេតុ​ទាំង​អស់​នេះ​។ 

គឺ​នៅ​ក្នុង​វីដេអូ​ឃ្លីប​អំពាវ​នាវ​ថ្មី​មួយ​ទៀត​ដែល​ចេញ​ផ្សាយ​នៅ​យប់​ថ្ងៃទី២៩ ខែតុលា លោក សម រង្ស៊ី បាន​ប្រកាស​ថា លោក​បាន​ត្រៀម​ខ្លួន​រួច​រាល់​អស់​ហើយ​ក្នុង​ការ​បូជា​សេរីភាព​របស់​លោក និង ស្ម័គ្រ​ចិត្ត​បូជា​ដល់​អាយុ​ជីវិត​ថែម​ទៀត ដើម្បី​ស្តារ​លទ្ធិ​ប្រជា​ធិប​តេយ្យ​នៅ​ក្នុង​ប្រទេស​កម្ពុជា​ឡើង​វិញ និង ផ្តល់​សេរី​ភាព​ជូន​ប្រជា​ពល​រដ្ឋ​កម្ពុជា​។ ជាមួយ​គ្នា​នេះ លោក​អតីត​ប្រធាន​អតីត​គណ​បក្ស​សង្រ្គោះ​ជាតិ​ក៏​បាន​អំពាវ​នាវ​ទៅ​កាន់​សហគមន៍​អន្តរ​ជាតិ​ឱ្យ​ធានា​ដល់​សន្តិ​ភាព និង សេរី​ភាព​ជូន​ដល់​ប្រជា​ពល​រដ្ឋ​ខ្មែរ​ផង​ដែរ​។

 

ប៉ុន្តែ​លោក សុខ ឥសាន អ្នក​នាំ​ពាក្យ​គណ​បក្ស​ប្រជា​ជន​កម្ពុជា​បាន​អះ​អាង​ថា នៅ​កម្ពុជា ពល​រដ្ឋ​មាន​សិទ្ធិ សេរី​ភាព​យ៉ាង​ទូលំ​ទូលាយ​។ មិន​តែ​ប៉ុណ្ណោះ លោក​បាន​ចំអក​ដាក់​លោក សម រង្ស៊ី ថា​ជោគ​វាសនា​នៃ​សេរី​ភាព​របស់​លោក សម រង្ស៊ី នឹង​ក្លាយ​ជា​សេរីភាព​នៅ​ក្នុង​ពន្ធនាគារ​នា​ថ្ងៃទី០៩ វិច្ឆិកា​ខាង​មុខ​នេះ​។ លើស​ពី​នេះ​ទៅ​ទៀត លោកសុខ ឥសាន ថែម​ទាំង​អះ​អាង​ថា លោក សម រង្ស៊ី សុខ​ចិត្ត​ឱ្យ​ប្រជា​ពល​រដ្ឋ​កម្ពុជា​រង​ទុក្ខ​វេទនា​ ដើម្បី​ដណ្តើម​យក​អំណាច​មក​ឱ្យ​ខ្លួន​តាម​រយៈ​ផែន​ការ​ចូល​កម្ពុជា​វិញ​នៅ​ថ្ងៃទី០៩ ខែ​វិច្ឆិកា​។

 

ក៏​ប៉ុន្តែ​សម្រាប់​លោក សម រង្ស៊ី​វិញ លោក​អះ​អាង​ថា ការ​ចូល​មក​កាន់​ប្រទេស​កម្ពុជា​នៅ​ថ្ងៃទី០៩ វិច្ឆិកា​នេះ គឺ​ជា​ជម្រើស​ចុង​ក្រោយ​។ ចុង​ក្រោយ ព្រោះ​លោក​អះ​អាង​ថា សហការី​របស់​លោក​ខ្លះ​ត្រូវ​បាន​គេ​សម្លាប់ ចាប់​ដាក់​ពន្ធ​នាគារ និង និរទេស​ខ្លួន​ទៅ​បរទេស​។ ដូច្នេះ​ហើយ លោក​គ្មាន​ជម្រើស​ណា​ផ្សេង​ទៀត​ទេ គឺ​ត្រូវ​ចូល​មក​ប្រទេស​កម្ពុជា​វិញ​ដោយ​សន្តិ​វិធី និង អហិង្សា ដើម្បី​ស្រោច​ស្រង់​លទ្ធិ​ប្រជា​ធិប​តេយ្យ​ឡើង​វិញ​។

 

សូម​បញ្ជាក់​ថា ដំបូង​ឡើយ លោក សម រង្ស៊ី និង​ថ្នាក់​ដឹក​នាំ​អតីត​បក្ស​ប្រឆាំង​ផ្សេង​ទៀត​គ្រោង​ដឹក​នាំ​ពលករ​ខ្មែរ​ចូល​មក​ប្រទេស​កម្ពុជា​វិញ​ដោយ​ឆ្លង​កាត់​ព្រំ​ដែន​ថៃ​។ ប៉ុន្តែ គម្រោង​នេះ​ហាក់​មិន​ច្បាស់​លាស់​ទៅ​វិញ បន្ទាប់​ពី​លោក​ស្រី មួរ សុខហួរ ដែល​ជា​អនុ​ប្រធាន​អតីត​បក្ស​សង្រ្គោះ​ជាតិ​ត្រូវ​បាន​អាជ្ញាធរ​ថៃ​ហាម​មិន​ឱ្យ​ចូល​ទឹក​ដី​របស់​គេ​។ ចំណែក លោក សម រង្ស៊ី​វិញ ក៏​មិន​បញ្ជាក់​លម្អិត​ពី​ផែន​ការ​ចូល​ស្រុក​វិញ​នេះ​ផង​ដែរ​។ នៅ​ក្នុង​បទ​សម្ភាសន៍​ជាមួយ​វិទ្យុ​បារាំង​អន្តរ​ជាតិ​កាល​ពី​យប់​ថ្ងៃ​អង្គារ លោក សម រង្ស៊ី បាន​គូស​បញ្ជាក់​ថា នឹង​បង្ហាញ​ពី​ផែន​ការ​ចូល​ស្រុក​លម្អិត​នៅ​ថ្ងៃទី០៦ វិច្ឆិកា ពោល គឺ​៣ថ្ងៃ មុន​ថ្ងៃ​កំណត់​ចូល​មក​ប្រទេស​កម្ពុជា​វិញ​របស់​លោក​៕

ព័ត៌មានគួរចាប់អារម្មណ៍

ពលរដ្ឋ​​៣​ភូមិ​​ នៅ​ស្រុក​សណ្ដាន់​ ​​រង​គ្រោះ​​ដោយ​សារ​​​ក្រុមហ៊ុន​ ស៊ី​អ ស៊ី​ខេ ឈូក​ឆាយ​រំលោភ​យក​ដី​​ពួក​គាត់ ​សុំ​ឲ្យ​​សម្ដេច​តេ​ជោ​​ជួយ​អន្តរាគមន៍ (ខ្មែរជាយដែន)

ព័ត៌មានគួរចាប់អារម្មណ៍

ឆ្នោត​ សៀម​និង​យួន ​ត្រូវ​គេ​បើក​​លេង​​ម៉ាសេរី​ ​នៅ​ទី​ក្រុង​ទេសចរណ៍​​​សៀមរាប ​​ (ខ្មែរជាយដែន)

ព័ត៌មានគួរចាប់អារម្មណ៍

រថយន្ត​ធុន​ធំ​ ​ដឹក​ប្រេង​គេចពន្ធ ​ពី​ថៃ​ ចូល​កម្ពុជា​​ តាម​ច្រក​ជប់​គគីរ ​​ម៉ាសេរី​​​ (ខ្មែរជាយដែន)

វីដែអូ

ចំនួនអ្នកទស្សនា

ថ្ងៃនេះ :
68 នាក់
ម្សិលមិញ :
390 នាក់
សប្តាហ៍នេះ :
1971 នាក់
ខែនេះ :
24546 នាក់
3 ខែនេះ :
61688 នាក់
សរុប :
2353330 នាក់