នាយករដ្ឋមន្ត្រីកម្ពុជា ប្តេជ្ញាបញ្ចប់ការធ្វើនយោបាយលើបញ្ហាព្រំដែន
ប្រមុខរដ្ឋាភិបាលកម្ពុជា និងសមភាគីវៀតណាមបានមានវត្តមានធ្វើសាក្សីក្នុងពិធីចុះហត្ថលេខាជាផ្លូវការលើសន្ធិសញ្ញាបំពេញបន្ថែមលើសន្ធិសញ្ញាកំណត់ ព្រំ ដែនរដ្ឋឆ្នាំ១៩៨៥ និងសន្ធិសញ្ញាបំពេញបន្ថែមឆ្នាំ២០០៥ ដែលត្រូវបានប្រព្រឹត្តទៅនៅទីក្រុងហាណូយប្រទេសវៀតណាមនាថ្ងៃទី៥ខែតុលានេះ។ ទោះមិនទាន់បានបញ្ចប់សព្វគ្រប់នូវកិច្ចការកំណត់ខណ្ឌ សីមាព្រំដែនរវាងប្រទេសជិតខាងទាំងពី សម្តេច ហ៊ុន សែន បានប្រកាសថា លោកនឹងប្រឹងប្រែងបញ្ចប់បញ្ហាព្រំដែន ដើម្បីមនុស្សជំនាន់ក្រោយ។
ប្រមុខរដ្ឋាភិបាលកម្ពុជា សម្តេច ហ៊ុន សែន បានបង្ហាញអារម្មណ៍រីករាយចំពោះលទ្ធផលការងារលើកិច្ចការព្រំដែនកម្ពជាវៀតណាម នៅចំពោះសមភាគីវៀតណាម និងមន្ត្រីជាន់ខ្ពស់រដ្ឋាភិបាលទាំងពីរដែលមានវត្តមាននៅក្នុងពិធីចុះហត្ថលេខាសន្ធិសញ្ញាបំ ពេញបន្ថែម នៅទីក្រុងហាណូយ។
ចាប់តាំងពីការអនុម័តលើសន្ធិសញ្ញាបំពេញបន្ថែមស្តីពីព្រំដែនកម្ពុជាវៀតណាមក្នុងឆ្នាំ២០០៥ ហើយបង្គោលព្រំដែនគោកទីមួយត្រូវបានសម្ពោធក្នុងខែកញ្ញាឆ្នាំ២០០៦ ក្រុមការងារចម្រុះព្រំដែនកម្ពុជា-វៀតណាម បានសម្រេចការងារកំណត់ខណ្ឌសីមា និងបោះ បង្គោលបាន៨៤ភាគរយហើយរហូតដល់ពេលនេះ ក្នុងចំណោមប្រវែងព្រំដែនគោកសរុប១២៧០គីឡូ ម៉ែត្រ។
សម្រាប់សម្តេច ហ៊ុន សែន ការឈានដល់ការចុះ ហត្ថលេខាលើឯកសារប្រវត្តិសាស្ត្រទាក់ទងនឹងការខណ្ឌសីមាព្រំដែនរវាងប្រទេសទាំងពីរ បើទោះជានៅសេសសល់១៦ភាគរយទៀតក៏ដោយ ក៏បានបង្ហាញយ៉ាងច្បាស់ថា ដំណោះស្រាយព្រំដែនរវាងប្រទេស ជិតខាងទាំងពីរបានបោះជំហ៊ានទៅមុខដោយមោទនៈ និងប្រកបដោយភាតរភាព។
ពីលើវេទិកាដ៏ធំ និងនៅចំពីមុខទង់ជាតិនៃប្រទេសកម្ពុជា និងវៀតណាម សម្តេច ហ៊ុន សែន បានថ្លែងបញ្ជាក់យ៉ាងមុតមាំយ៉ាងដូច្នេះថា៖«ជាការពិត ប្រសិន បើយើងមិនប្រឹងប្រែងបញ្ចប់បញ្ហាព្រំដែននេះទេ ប្រ ទេសយើងទាំងពីរនឹងនៅតែកើតមានទំនាស់ព្រំដែនមិនដាច់ស្រេចរាប់ជំនាន់តទៅមុខទៀត ងាយក្លាយ ជាកម្មវត្ថុប្រជែងនយោបាយទៀតផង ហើយភាពសុខ សាន្ត និងការអភិវឌ្ឍនៅតាមព្រំដែននឹងមិនអាចកើត មានឡើយ។»។
ចំពោះបញ្ហាដែលនៅសេសសល់ ដូចជា តំបន់ដែលមិនទាន់បានខណ្ឌសីមា និងបោះបង្គោលព្រំដែន និងតំបន់ដែលមិនទាន់ឯកភាពគ្នាលើខ្សែព្រំដែន សម្តេច ហ៊ុន សែន ប្រកាសថា រដ្ឋាភិបាលកម្ពុជានឹងប្រកាន់ជំហរដាច់ខាតក្នុងការកសាងព្រំដែនកម្ពុជាវៀតណាម ដោយឈរលើមូលដ្ឋានច្បាប់ជាតិ និងច្បាប់អន្តរជាតិ និងការអនុវត្តជាអន្តរជាតិស្តីពីការទទួលស្កាល់គោល ការណ៍ខ្សែព្រំដែនមិនកែប្រែដែលអាណានិគមបានបន្សល់ទុកឱ្យ ដើម្បីធ្វើជាមូលដ្ឋានរឹងមាំដោះស្រាយបញ្ចប់បញ្ហាព្រំដែនរវាងប្រទេសទាំងពីរ។
ពីកម្មវិធីដែលត្រូវបានផ្សាយផ្ទាល់តាមរយៈទូរទស្សន៍ជាតិកម្ពុជាពីទីក្រុងហាណូយ និង ទំព័រហ្វេសប៊ុករបស់នាយករដ្ឋមន្ត្រីផងនោះ សម្តេច ហ៊ុន សែន ក៏ឆ្លៀតឱ កាសប្រកាសពីឆន្ទៈរបស់កម្ពុជាក្នុងការងារព្រំដែននេះយ៉ាងដូច្នេះ៖«រាជរដ្ឋាភិបាលកម្ពុជានឹងប្រែក្លាយខ្សែព្រំដែនកម្ពុជា-វៀតណាម ក៏ដូចជាព្រំដែនកម្ពុជាជា មួយឡាវ និងថៃ ឱ្យទៅជាព្រំដែនអន្តរជាតិពិតប្រាកដដើម្បីបញ្ចប់នូវបាតុភាពព្រំដែន រួមគ្នាប្រែក្លាយតំបន់ព្រំដែនឱ្យទៅជាតំបន់គ្មានការភ័យខ្លាច ទៅជាតំបន់ដេលមានជីវភាពធូរធា និងជាតំបន់មានការអភិវឌ្ឍសុខដុមណីយកម្មរុងរឿងតរៀងទៅ ។
![]()
![]()
![]()