ពលរដ្ឋចាត់ទុកក្រុមនគរបាលចរាចរណ៍ឆ្មក់ចាំកាក់រថយន្តដើម្បីទារលុយគឺជាចោរស្របច្បាប់!
បន្ទាយមានជ័យ៖នគរបាលចរាចរណ៍ខេត្ត បន្ទាយមានជ័យ ត្រូវបានពលរដ្ឋជាពិសេស ក្រុមអ្នករត់តាក់ស៊ី ប្រសិទ្ធិនាមថាជា ចោរស្របច្បាប់ ខណះដែលសមត្ថកិច្ចមួយក្រុមនេះតែងតែលឹបលរឆក់កណ្តៀតដាក់ប៉ុស្តិ៍ត្រួតពិនិត្យ ដើម្បីទារលុយពីអ្នកធ្វើដំណើរដោយមិនបានអនុវត្តន៍ច្បាប់អោយបានម៉ឹងម៉ាត់សំដៅកាត់បន្ថយគ្រោះថ្នាក់ចរាចរណ៍ឡើយគឺកាក់តែឡានដើម្បីទារប្រាក់ដាក់ហោប៉ៅប៉ុណ្ណោះ។
មានសេចក្តីរាយការណ៍ ពលរដ្ឋ អ្នករត់តាក់ស៊ីដឹកទំនិញឆ្លងកាត់ខេត្តបន្ទាយមានជ័យត្អូញត្អែថា៖រាល់ថ្ងៃនេះពួកគាត់ធុញទ្រាន់ទៅហ្នឹងទង្វើរ របស់លោកចោរស្របច្បាប់ពោលគឺ នគរបាលចរាចរណ៍ខេត្តបន្ទាយមានជ័យនេះណាស់ ដែលតែងធ្វើសកម្មភាពលឹបលរឆក់កណ្តៀតដាក់ប៉ុស្តិ៍ត្រួតពិនិត្យ ដើម្បីទារលុយពីអ្នកធ្វើដំណើរតាមគ្រប់រូបភាពទាំងអស់ជាពិសេស គឺនៅចំណុចតាមភ្លើងស្តុប នៅតាម គោលដៅ ផ្លូវទៅខេត្ត បាត់ដំបង ខេត្តសៀមរាប និងទៅក្រុងប៉ោយប៉ែត។
ប្រភព ព័ត៌មាន បានបញ្ជាក់ថា៖មន្ត្រីដែលសកម្មក្នុងការដាក់ប៉ុស្តិ៍ពិនិត្យទារលុយពី រថយន្តតាក់ស៊ី និង រថយន្តដឹកទំនិញតូចធំ នៅជុំវិញចំណុចសំខាន់ៗ នោះត្រូវបានគេស្គាល់ឈ្មោះ ថាឈ្មោះ លោក មុំ រតនា គេហៅតា(អ៊េច)
គឺគាត់តែងតែដឹកនាំកម្លាំងដាក់ឆ្មក់តាមផ្លូវទៅបាត់ដំបងនិងគោលដៅគល់ស្ពានទឹកថ្លាខាងលិច ស្ថិតនៅសង្កាត់ទឹកថ្លា ក្រុងសិរីសោភ័ណខេត្តបន្ទាយមានជ័យ។
ប្រភពដដែលបានបន្តអោយដឹងទៀតថា៖ ក្រុមសមត្ថកិច្ច ទាំងនោះបានប្រើប្រាស់យុទ្ធសាស្ត្រថ្មីក្នុងការយកលុយពីរថយន្តតូចធំដោយអោយម្នាក់ឈកាក់រថយន្ត ដែលមកពីកើតនិងម្នាក់ឈកាក់ដែលមកពីលិចហើយឈោងដៃទទួលប្រាក់ ពីតៃកុងរថយន្តតាក់ស៊ី ដែលដឹកសំពីងសំពោង ក្នុងរថយន្តមួយគ្រឿង ៥០០០៛ ចំណែករថយន្តដឹកទំនិញធុនតូចមួយគ្រឿង១០០០០៛ ចំណែក រថយន្ត ដឹកទំនិញធុនធំក្នុងមួយគ្រឿង ២០០០០ទៅ៣០០០០៛ ដោយមិនបានចេញលិខិតផាកពិន័យឫ វិក្កយបត្រអ្វីឡើយ។ដែលនេះជាការយកលុយឆៅៗដាក់ហោប៉ៅខ្លួនឯងផ្ទាល់តែម្តង។ហើយទង្វើទាំងនេះគឺមិនបានកាត់បន្ថយគ្រោះថ្នាក់ចរាចរណ៍អ្វីឡើយ។
ដោយមើលឃើញភាព អនាធិបតេយ្យនៃកម្លាំងនគរបាលចរាចរណ៍ ចេញកាក់រថយន្តទារលុយប្រសេកប្រសាច ស្ទើរគ្រប់ច្រកល្ហកបែបនេះមហាជនបានចោទប្រកាន់ថាមកពីលោកស្នងការខេត្តបន្ទាយមានជ័យខ្សោយខាងផ្នែកគ្រប់គ្រងទើបបណ្តោយកូនចៅមានសកម្មភាព លួចឆក់កណ្តៀតដូចចោរ
បែបនេះ៕
