ទាហានព្រំដែន៥០៣បេីកច្រករបៀងខុសច្បាប់ទុកបទបញ្ជាររបស់សម្ដេចក្រឡាហោម ស ខេងជាការកូតទ្រអោយសត្វគោស្តាប់!
បន្ទាយមានជ័យ៖តើអភិបាលខេត្តបន្ទាយមានជ័យ បានជ្រាបទេថា៖ ទាហានព្រំដែន៥០៣កំពុងតែផ្គើនបទបញ្ជារ របស់សម្ដេចក្រឡាហោម ស ខេងដែលអោយបិទច្រករបៀងទាំងអស់នោះ ដោយបន្តការបើកបង្ហូរចូលនូវរថយន្តគេចពន្ធគ្រប់ប្រភេទធ្វើអោយបាត់បង់ថវិការជាតិនិងបណ្តោអោយកូនចៅឈ្មោះកុយសុផល(ហៅប៉ូ)ទៅឃុបឃិតគ្នាបេីកច្រករបៀងខុសច្បាប់ជាមួយលោកសាយសឿនប្អូនឈ្មោះសាយទួចជាក្រុមឈ្មួញរកសុីនាំ ជ្រូក មាន់ ទារ និងអាហារខូចគុណភាពមកបំពុលសុខភាពពលរដ្ឋខ្មែរ។
ជាក់ស្តែងនៅយប់ថ្ងៃទី១៩ខែមករាឆ្នាំ២០១៩ អ្នកយកព័ត៌ជាច្រើនរូបបានចុះយកព័តមាននៅច្រកតំបន់ប្រាំជាច្រករបៀងស្ថិតនៅក្នុងភូមិព្រៃចាន់ឃុំអូរបីជាន់ស្រុអូរជ្រៅដែលមានទាហានព្រំដែនឈ្មោះកុយសុផល(ហៅប៉ូ)បានឃុបឃិតគ្នាបេីកច្រករបៀងខុសច្បាប់លោកសាយសឿនប្អូនឈ្មោះសាយទួចជាក្រុមឈ្មួញរកសុីនាំ ជ្រូក មាន់ ទារ ក្របីនិងក្រុមឈ្មួញផ្សេងៗទៀតនាំទំនិញរថយន្តចង្កូតស្តាំ ពិសេសទំនិញគេចពន្ធគ្រប់ប្រភេទ ដែលភាគច្រើនខូចគុណភាពចេញពីប្រទេសថៃមកកម្ពុជាតាមច្រករបៀងខុសច្បាប់។
ច្រករបៀងដោយការគ្រប់ក្រោងដោយលោកឧត្តមសេនីយ៍ត្រី ឃួន ជឿន មេបញ្ជារការយោធា ល្បាតព្រំដែនគោកលេខ៥០៣ និងជាមេបញ្ជារការរង ពលថ្មើជើងលេខ៥១ នៅតែបន្តបើកដៃឲ្យក្រុមឈ្មួញ នាំរថយន្តចង្កូតស្តាំ, ម៉ូតូ , ជ្រូក មាន់ទារក្របី , ពិសេសទំនិញគេចពន្ធគ្រប់ប្រភេទ ដែលភាគច្រើនខូចគុណភាពឆ្លងដែនពីប្រទេសថៃចូលមកកម្ពុជា យ៉ាងគគ្រឹកគគ្រេងដូចគេហែកឋិន ជារៀងរាល់ថ្ងៃ យប់នោះគេនៅចាំបានថា: កន្លងមក សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានដាក់បទបញ្ជារឲ្យឯកឧត្តម សួន បវរ អភិបាលខេត្តបន្ទាយមានជ័យ ឲ្យបិទទាំងស្រុងនូវបណ្ដាច្រករបៀង ក្នុងភូមិសាស្រ្ត ខេត្តបន្ទាយមានជ័យ ។
ក្នុងនោះសម្ដេចបានលើកឡើងថា យើងមានច្រកអន្តរជាតិច្រើនហើយ ចឹងទេឲ្យឈ្មួញដែលរកស៊ី នាំចូលទំនិញគ្រប់ប្រភេទ ពីប្រទេសថៃ ចូលមកកម្ពុជា ឲ្យពួកគេនាំចូលតាមផ្លូវត្រង់វិញ ម៉្យាងដើម្បីបង្កើនចំណូលរដ្ឋ នឹងម៉្យាងទៀត យើងអាចទប់ស្កាត់បាន នៅរាល់ទំនិញខូចគុណភាពគ្រប់ប្រភេទ ព្រោះថា ទំនិញខូចគុណភាពទាំងនេះ ធ្វើឲ្យប៉ះពាល់ដល់សុខមាលភាព របស់ប្រជាពលរដ្ឋយើង នឹងទប់ស្កាត់ការជួញដូរមនុស្ស ។
ជាក់ស្ដែងក្រោយពីមានបទបញ្ជារ របស់សម្ដេចក្រឡាហោម ស ខេង គេសង្កេតឃើញ ច្រករបៀងមួយចំនួនត្រូវបានបិទទាំងស្រុង ឯច្រករបៀងមួយចំនួនទៀត នៅតែបន្តបើកលួចលាក់ គឺមានតែច្រករបៀង ដែលឈរជើងដោយយោធា វរសេនាតូចលេខ៥០៣ របស់លោកឧត្តមសេនីយ៍ត្រី ឃួន ជឿនទេ ដែលថ្លើមធំពាសមេឃ ហ៊ានប្រឆាំងបទបញ្ជារនេះ នៅតែបន្តបើកដៃឲ្យក្រុមឈ្មួញ នាំចូលទំនិញគេចពន្ធគ្រប់ប្រភេទ តាមទំនើងចិត្តបែបនេះច្បាស់ជាមានមន្ត្រីធំណាម្នាក់ធ្វើជាខ្នងបង្អែកហើយ។
ទោះជាយ៉ាងណាមជ្ឈដ្ឋាននានាបានលើកឡើងថា៖ក្នុងការដែលយោធាព្រំដែន៥០៣បើកច្រករបៀងបង្ហូទំនិញយ៉ាងគគ្រឹកគ្រេងបែបនេះគេមិនដឹងថា៖លោកសួនបវរ បានជ្រាបអំពីបញ្ហាដែលឬយ៉ាងណានេះទេ តែគេសង្ឃឹមថា លោកចៅហ្វាយខេត្តហ្នឹងមិនអនុញ្ញាតិអោយបទបញ្ជាររបស់សម្តេច ក្រឡាហោម ស ខេងក្លាយជាការកូតទ្រអោយសត្វគោស្តាប់នោះឡើយ។
