ផ្ទេរតំណែងប្រធានសាខាគយនិងរដ្ឋាករខេត្តបន្ទាយមានជ័យនិងស្នាកការគយរដ្ឋាករប៉ោយប៉ែត!
បន្ទាយមានជ័យ៖ផ្ទេរភារកិច្ចប្រធានសាខាគយនិងរដ្ឋាករខេត្តត្បូងឃ្មុំ លោក នូ ស៊ីថា មកបំពេញភារកិច្ចជាប្រធានសាខាគយនិងរដ្ឋាករខេត្តបន្ទាយមានជ័យ ជំនួសប្រធានសាខាគយខេត្តបន្ទាយមានជ័យលោក ឆែ សុធា ត្រូវបានចូលនិវត្តន៍។
មិនតែប៉ុណ្ណោះក៏បានប្រកាសផ្លាស់ប្តូរភារកិច្ច ប្រធានការិយាល័យគយនិងរដ្ឋាករច្រកអន្តរជាតិប៉ោយប៉ែត លោក ហ៊ុយ សុជាតិ ទៅបំពេញភារកិច្ច ជាប្រធានការិយាល័យរដ្ឋបាល និងគ្រប់គ្រង នៃសាខាគយនិងរដ្ឋាករខេត្តមណ្ឌលគីរី វិញនិងប្រកាសផ្ទេរភារកិច្ចប្រធានការិយាល័យគយនិងរដ្ឋាករផែស្ងួតអ៊ុយញ៉ុង ភ្នំពេញ លោក ងួន កុសល មកបំពេញភារកិច្ច ប្រធានការិយាល័យគយនិងរដ្ឋាករច្រកអន្តរជាតិប៉ោយប៉ែត។ដែលពិធិនេះប្រារព្ធធ្វើឡើងកាលពីរសៀល ថៃ្ងទី២១ ខែមករា ឆ្នាំ២០១៩នៅក្នុងសាលប្រជុំនៃសាលាខេត្តបន្ទាយមានជ័យក្រោម អធិបតីយភាពឯកឧត្តមផា អេង វេន អគ្គនាយករង នៃអគ្គនាយកគយ និងរដ្ឋាករកម្ពុជា តំណាងលោកបណ្ឌិតគុណ ញឹម ប្រតិភូរាជរដ្ឋាបាលទទួលបន្ទុកជាអគ្គនាយកគយ និងរដ្ឋាករកម្ពុជា ឯកឧត្តម អ៊ុង អឿន ប្រធានក្រុមប្រឹក្សាខេត្ត ឯកឧត្តមសួន បវរ អភិបាលខេត្ត និងមន្ត្រីរាជការជុំវិញខេត្តជាច្រេីនរូប។
តាមសេចក្តីសម្រេចប្រកាសលោក នូ ស៊ីថា ប្រធានសាខាគយ និងរដ្ឋាករខេត្តបន្ទាយមានជ័យ ជំនួសលោកឆែ សុធា ចូលនិវត្តន៍ និងប្រកាសលោកនួន កុសលប្រធានការិយាល័យគយ និងរដ្ឋាករប៉ោយប៉ែតជំនួសលោកហ៊ុយ សុជាតិទៅបំរេីការខេត្តមណ្ឌលគិរី ទទួលបន្ទុកការិយាល័យរដ្ឋបាលគយ និងរដ្ឋាករខេត្តវិញ ។
ទោះជាយ៉ាងណា ក្រោយពីទទួលតំណែងជាប្រធានសាខាគយនិងរដ្ឋាករថ្មីលោក នូ ស៊ីថា បានប្តេជ្ញាថានិងខិតខំធ្វើកិច្ចការបង្ការនិងបង្ក្រាបរាល់បទល្មើសនានាដើម្បីរកថវិកាចូលរដ្ឋអោយបានច្រើនមន្ថែមទៀត។
ជាចុងក្រោយគណះអធិបតី ក៏បានធ្វើការផ្តាំផ្ញើរអោយអ្នកដែលទទួលតំណែងថ្មី ត្រូវចេះសាមគ្គីភាពផ្ទៃក្នុងនិងប្រឹងប្រែងទប់ស្កាត់បទល្មើសគេចពន្ធដើម្បីបង្កើនថវិការចូលរដ្ឋអោយបានច្រើនផងដែរ៕
![]()
![]()
![]()