សម្តេចនាយករដ្ឋមន្រ្តី ហ៊ុន សែន គំរាមដក លោក ជាម ច័ន្ទសុភ័ណ្ឌ បើផ្សារជាជំនួយដោយវៀតណាម មិនមានដំណើរការល្អ
សម្តេចនាយករដ្ឋមន្រ្តី ហ៊ុន សែន គំរាមដក លោក ជាម ច័ន្ទសុភ័ណ្ឌ បើផ្សារជាជំនួយដោយវៀតណាម មិនមានដំណើរការល្អ ថ្លែងកាលពីម្សិលមិញក្នុងពិធីសម្ពោធ ផ្សារដា ដែលជាផ្សារគំរូមួយដែលបានកសាងនៅតាមបណ្តោយព្រំដែនកម្ពុជា – វៀតណាម សម្តេច ហ៊ុន សែន បានប្រាប់អភិបាលខេត្ត ជាម ច័ន្ទសុភ័ណ្ឌ ថាលោកត្រូវតែធានាថាដំណើរការផ្សារទទួលបានជោគជ័យ។
លោកអភិបាលត្រូវបានប្រាប់ថា លោកនឹងត្រូវដកចេញពីតំណែងរបស់លោក ប្រសិនបើលោកមិនបានបំពេញតាមការរំពឹងរបស់លោកនាយករដ្ឋមន្រ្តី។
សម្តេច ហ៊ុន សែន បានមានប្រសាសន៍ថា “មន្ត្រីគយ និងអន្តោប្រវេសន៍មិនត្រូវរំខានដល់សកម្មភាពរបស់ប្រជាជនដែលកំពុងបើកអាជីវកម្មនៅឯផ្សារនោះទេ”។ ប្រសិនបើពួកគេត្រូវបានរំខាន អ្នកលក់ក្នុងផ្សារនឹងប្ដូរទីតាំងអាជីវកម្មរបស់ពួកគេនៅកន្លែងផ្សេង ហើយវាច្បាស់ជាមានបញ្ហា។
“នេះក៏អាចជាឱកាសសម្រាប់ជនខិលខូចមួយចំនួនប្រព្រឹត្តិសកម្មភាពជួញដូរគ្រឿងញៀន និងសកម្មភាពឧក្រិដ្ឋផ្សេងទៀតនៅតាមច្រករបៀង។ នេះជាមូលហេតុដែលអ្នកត្រូវតែខិតខំធ្វើការឱ្យបានខ្លាំងក្លាលើបញ្ហានេះ”។
សម្តេច ហ៊ុន សែន បានសង្កត់ធ្ងន់ពីសារសំខាន់នៃផ្សារដា ដែលជាផ្សារព្រំដែនដំបូងគេសម្រាប់ ពលរដ្ឋជាច្រើននឹងមកដោះដូរទំនិញ។ នេះជាទីផ្សារគំរូ។ ប្រសិនបើវាមិនដំណើរការ ផែនការសម្រាប់កសាងផ្សារផ្សេងទៀតនឹងមិនធ្វើទៅបានទេ។ លោកអភិបាលត្រូវតែច្បាស់អំពីរឿងនេះ”។
សម្តេច ហ៊ុន សែន បានប្រាប់អភិបាលថា “ប្រសិនបើលោកបរាជ័យ លោកនឹងបាត់បង់តួនាទីរបស់លោក” ។
សម្តេច ហ៊ុន សែន បានកត់សម្គាល់ថា ផ្សារដា មានទីតាំងនៅតំបន់អតីតសមរភូមិ ដែលលោកធ្លាប់បានប្រយុទ្ធច្រើនជាង ២០ លើកនៅទីនេះ។
លោក ច័ន្ទសុភ័ណ្ឌ កាលពីម្សិលមិញបាននិយាយថា លោកបានដឹងអំពីសារៈសំខាន់នៃផ្សារនេះ ដោយបន្ថែមថារដ្ឋបាលខេត្តកំពុងធ្វើការជាមួយក្រសួងពាណិជ្ជកម្ម ដើម្បីធានាថាគម្រោងនេះផ្តល់ផលប្រយោជន៍ដល់ប្រទេសទាំងពីរ។
លោកបានមានប្រសាសន៍ថា “មន្រ្តីកម្ពុជា និងវៀតណាមនឹងជួបគ្នាមុន និងក្រោយការសម្ពោធទីផ្សារ ដើម្បីធានាថាផ្សារនេះនឹងមានដំណើរការល្អ”។
លោក ច័ន្ទសោភ័ណ្ឌ បានកត់សម្គាល់ថា ពាណិជ្ជកម្មរវាងខេត្តត្បូងឃ្មុំ និងវៀតណាមបានឈានដល់ ១,២ ពាន់លានដុល្លារក្នុងឆ្នាំ ២០១៩ បើប្រៀបធៀបទៅនឹងឆ្នាំមុន ៩៧០ លានដុល្លារ។
លោក ច័ន្ទសោភ័ណ្ឌ ត្រូវបានតែងតាំងជាអភិបាលខេត្តត្បូងឃ្មុំនៅខែវិច្ឆិកា ឆ្នាំ២០១៨ ជំនួសលោក លី ឡេង ដែលបានផ្លាស់ប្តូរទៅកាន់មុខតំណែងថ្មីនៅឯព្រឹទ្ធសភាវិញ។ មុនពេលតែងតាំងលោក ច័ន្ទសុភ័ណ្ឌ ជាអភិបាលរងខេត្តបាត់ដំបង។
លោក សន ជ័យ នាយកប្រតិបត្តិនៃបណ្តាញសម្ព័ន្ធភាព ដើម្បីគណនេយ្យភាពសង្គម បាននិយាយកាលពីម្សិលមិញថា រដ្ឋាភិបាលគួរតែមានយុទ្ធសាស្ត្រពាណិជ្ជកម្មច្បាស់លាស់សម្រាប់ផ្សារ ហើយត្រូវធានាថាអាជ្ញាធរខេត្តបានអនុវត្តវា។
ប្រសិនបើមានផែនការ នោះមន្ត្រីនឹងអនុវត្តតាម។ ប្រសិនបើពួកគេខកខានមិនបានអនុវត្តដូច្នេះពួកគេគួរតែទទួលទណ្ឌកម្ម”។ ខ្ញុំសង្ឃឹមថាមន្ត្រីនៅព្រំដែនទាំងពីរ នឹងធ្វើការរួមគ្នាដើម្បីបង្កើតយុទ្ធសាស្ត្រច្បាស់លាស់” ។
ផ្សារនេះគ្របដណ្តប់លើផ្ទៃដីជិត ២ ហិកតាហើយវាមានចម្ងាយប្រមាណ ៣០០ ម៉ែត្រពីព្រំដែនកម្ពុជា – វៀតណាម។ ការស្ថាបនាបានចាប់ផ្តើមកាលពីឆ្នាំ ២០១៨ ដោយចំណាយថវិកាជិត ២ លានដុល្លារដែលត្រូវបានផ្តល់មូលនិធិដោយរដ្ឋាភិបាលវៀតណាម។
ឧបនាយករដ្ឋមន្ត្រីវៀតណាមលោក Trinh Dinh Dung បាននិយាយថា ផ្សារនេះបង្ហាញពីកិច្ចខិតខំប្រឹងប្រែងរបស់ប្រទេសទាំងពីរដើម្បីជំរុញកិច្ចសហប្រតិបត្តិការសេដ្ឋកិច្ច។
លោកមានប្រសាសន៍ថា “ខ្ញុំជឿជាក់យ៉ាងមុតមាំថា ផ្សារនេះនឹងចូលរួមកាត់បន្ថយភាពក្រីក្រ និងលើកកម្ពស់ជីវភាពរស់នៅរបស់ប្រជាពលរដ្ឋរបស់យើង” ។ ខ្ញុំសូមស្នើក្រសួងស្ថាប័នពាក់ព័ន្ធនៃប្រទេសទាំងពីរបន្តធ្វើការរួមគ្នាដើម្បីដឹងពីសក្តានុពលទីផ្សារទាំងមូល”៕
![]()
![]()
![]()