នាយ ស្មាញ តារាកំប្លែងជើងចាស់ ត្រូវរថយន្តកិនស្លាប់មុននេះ
តារាកំប្លែងជើងចាស់នាយ ស្មាញ ត្រូវបានរថយន្តធន់ធំដឹកដី កិនស្លាប់នៅត្រង់ចំណុចផ្លូវ៦០ម៉ែត្រ ស្តុបរថយន្តម៉ាកសឺដេស កែងផ្លូវ ៣០ម៉ែត្រ កាលពីវេលាម៉ោងជាង ៥ ល្ងាចថ្ងៃទី ២៨ ខែធ្នូ ឆ្នាំ២០១៩ នេះ ខណៈភរិយារបស់លោកបានរងរបួសធ្ងន់យកទៅសង្គ្រោះបន្ទាន់នៅមន្ទីរពេទ្យ។
សាក្សីនៅកន្លែងកើតហេតុបានឱ្យដឹងថា ជនរងគ្រោះបានគាបជាប់ ខាងក្រោមរថយន្តតែម្តង ខណៈអ្នកបើកបរត្រូវបាននាំខ្លួនទៅប៉ុស្តិ៍នគរបាលចាក់អង្រែក្រោម។ ជនរងគ្រោះបានជិះម៉ូតូទ្រីមសង់ 1B-6970 ខណៈរថយន្តបង្កពាក់ស្លាកលេខ 3E-7789 ធន់ធំដឹកដី ។ អ្នកបើកបរមានឈ្មោះ ទិត ទី រស់នៅក្នុងស្រុកស្រីសន្ធរ ខេត្តកំពង់ចាម។
