មានរឿងអ្វីកើតឡើងនៅថ្ងៃស្អែកបើប្រជាពលរដ្ឋបិទផ្លូវប្រកាឆាំងការចុះអនុវត្តការវាស់វែងដីរបស់ពួកគាត់ឲ្យទៅលោកឧកញ៉ា សុីវ គង់ទ្រីវ និង លោកជំទាវ ហុង ហ៊ួន !
ខេត្តព្រះសីហនុ៖ មានរឿងអ្វីកើតឡើងនៅថ្ងៃស្អែក..!!នេះជាចំងល់មួយហើយអ្នកឆ្លើយបានមានតែបាតុករទេដែលដឹងខ្លួនឯងនោះយើងហ្នឹងរងចាំមើលទាំងអស់គ្នាខណះកំដៅនៃកំហឹងពលរដ្ឋឡើងកាន់តែខ្លាំងត្រៀតវ៉ាប្រឆាំងអ្នកមានលុយនិងមានអំណាចមហាសាលម្នាក់នៅខេត្តព្រះសីហនុ គឺលោក ជំទាវ ហុង ស៊ួន និងឧកញ៉ា សុីវ គង់ទ្រីវ (ប្ដី-ប្រពន្ធ)ដោយពួកគាត់ចោទប្រកាន់ថាចង់ដណ្តើមដីរបស់ពួកគាត់។
ប្រភពព័ត៌មានបានរាយការណ៍ថារហូតមកដល់ព្រឹកថ្ងៃទី ២៣ ខែមករា ឆ្នាំ ២០១៩នេះ ក្រុមប្រជាពលរដ្ឋ ជាច្រើននៅតែបន្តដាក់កង់ឡានបិទផ្លូវត្រៀមចាំការចុះអនុវត្តការវាស់វែងដីរបស់ពួកគាត់ឲ្យទៅលោកឧកញ៉ា សុីវ គង់ទ្រីវ និង លោកជំទាវ ហុង ហ៊ួន នៅចំណុច ភូមិគគីរ (ពយម៉ាចូវ) ឃុំអូរត្រេះ ស្រុកព្រៃនប់ ខេត្តព្រះសីហនុ។
ខណៈថ្ងៃទី ២៣នេះ គេមិនទាន់ឃើញមានកម្លាំងអាជ្ញាធរណាចុះទៅដល់ទីតាំងខាងលើនៅឡើយបើគិតត្រឹមម៉ោង ១០:២៥នាទីព្រឹកនេះ។
គួររំលឹកផងដែរថា កាលពីព្រឹកថ្ងៃទី ១៧ ខែមករា ឆ្នាំ ២០១៩ កន្លងទៅគណៈបញ្ជាការខេត្តព្រះសីហនុដឹកនាំដោយ លោក ផៃ ប៊ុនវណ្ណ: អភិបាលរងខេត្តបានចុះទៅវាស់វែងដីចំណុចខាងលើជូនលោកជំទាវ ហុង ស៊ួន ម្ដងរួចមកហើយតែមិនបានសម្រេច ដោយត្រូវបានប្រជាពលរដ្ឋចោទថា កំពុងចង់បណ្ដេញពួកគាត់និងវាស់វែងដីគម្របព្រៃឈើ អនុក្រឹត្យរបស់រដ្ឋ ដែលពលរដ្ឋកំពុងរស់នៅជាក់ស្ដែងជាច្រើនឆ្នាំមកនេះឲ្យទៅបុគ្គលអ្នកមានលុយនិងមានអំណាចមហាសាលម្នាក់នៅខេត្តព្រះសីហនុ គឺលោក ជំទាវ ហុង ស៊ួន និងឧកញ៉ា សុីវ គង់ទ្រីវ (ប្ដី-ប្រពន្ធ)។សូមរងចាំមើលទាំងអស់គ្នាថាថ្ងៃស្អែកមានអ្វីកើតឡើង៕
![]()
![]()
![]()