ផ្ទុះរឿងកក្រើករឿងម៉ូតូក្តៅដែលជាដាវឬម៉ូតូម៉ូតូចោរថៃលួចយកលក់អោយឈ្មួញខ្មែរដែលគេលួចនាំចេញតាមច្រករបៀងឬច្រកតំបន់នានាចូលមកប្រទេសកម្ពុជាពេលនេះវ័ណ្ឌកដូចសម្លរកំពឹស

បន្ទាយមានជ័យ៖នុះថាមែនៗ រឿងម៉ូតូដាវឬម៉ូតូក្តៅដែលជាម៉ូតូចោរថៃលួចយកមកលក់អោយឈ្មួញខ្មែរដែលគេលួចនាំចេញតាមច្រករបៀងឬច្រកតំបន់នានាចូលមកប្រទេសកម្ពុជា យើងនេះ  ជិះបានតែក្នុងស្រុកខ្មែរតែប៉ុណ្ណោះ តិចច្រឡំជិះចូលទៅលេងក្នុងទឹកដីថៃច្បាស់ជា អាសន្នធំហើយ គឺប្រឈមទៅហ្នឹង ជាប់គុកឬក៏សមត្ថកិ់ច្ចចាប់យកម៉ូតូទទេៗជិះមិនខាន ។អីចឹងមានលុយទិញម៉ូតូតោងត្រូវប្រុងប្រយ័ត្ន អោយមែនទែនកុំអាងតែមានស្លាកលេខនឹងឃើញមានកាតគ្រីប្រហែសច្រឡំប៉ះចំ ម៉ូតូដាវឬម៉ូតូក្តៅរបស់ថៃច្បាស់ជាទឹកភ្នែកជូតក្បាលជង្គង់មិនខានឡើយ។

ហើយថ្មីៗផ្ទុះរឿងកក្រើក  ដោយសារអ្នកទិញជិះចូលទៅលេងក្នុងទឹកដីថៃ ត្រូវបាន សមត្ថកិច្ចថៃចាប់ ហើយពេលនេះកំពុងតែវ័ណ្ឌ ក ដូសម្លរ កំពឹសគឺក្រោយពីជនរងគ្រោះបានមកដាក់ពាក្យបណ្តឹង នៅ អធិការដ្ឋាននគរបាលក្រុងប៉ោយប៉ែត ដោះស្រាយមិនចេញសមត្ថកិច្ចបញ្ជូនរឿងនេះទៅស្នងការខេត្តបន្ទាយមានជ័យបន្ត ។ពេលនោះលោកឧត្តមសេនីយ៍ត្រី សិទ្ធិ  ឡោះស្នងការរងទទួលផែនព្រហ្មទណ្ឌកោះហៅទៅសួរនាំម៉្តងទៀតនៅថ្ងៃចន្ទ័ទី២៨ខែមករាឆ្នាំ២០១៩ដើម្បីអោយលោកផនថាវរៈដែលជាអ្នកលក់ម៉ូតូនោះចូលខ្លួនទៅឆ្លើយបំភ្លឺ។

តែបើតាមការអះអះអាងរបស់ឈ្មោះលោកផនថាវរៈដែលជាអ្នកលក់ម៉ូតូនោះបានប្រាប់ថា៖ម៉ូតូមួយគ្រឿងម៉ាកPCX គឺគាត់បានទិញពីឈ្មោះ ហែម ប៊ុនធឿន  ដែលមានអស័យដ្ឋាននៅភូមិក្បាលស្ពាន១សង្កាត់ក្រុងប៉ោយប៉ែតខេត្តបន្ទាយមានជ័យ  ដោយមានឯកសារអត្តសញ្ញាណបណ្ណ័និងលិខិតបញ្ជាក់ត្រឹមត្រូវព្រមទាំងមានពន្ធផ្លាកលេខត្រឹមត្រូវនិងមានលេខទូរសព្ទ័012536868 ហើយឈ្មោះថាវរៈបានលក់បន្តរទៅទៀត   ចំពោះអ្នកទិញបន្តរយកទៅជិះចូលទៅថៃតាមច្រករបៀងគឺច្រកអូនាងហើយត្រូវសមត្ថកិច្ចថៃចាប់(ម៉ូតូម៉ាកPCX)ព្រោះថាការចេញចូលគ្មានលិខិតស្នាមហើយផ្លូវវាងថៃគេពិតជាមិនអនុញ្ញាតទេគឺគេចាប់ហើយ ។
ក្នុងនោះហែម ប៊ុនធឿនដែលជាអ្នកលក់ម៉ូតូអោយឈ្មោះផនថាវរៈក៏បានអះអាងថារូបគាត់បានទិញពម៉ូតូខាងលើនេះពីអ្នកស្រី គន្ធសោភា ដែលជាអជីករលក់ម៉ូតូនៅភូមិជាមួយគ្នាដោយបានកាត់ឈ្មោះត្រឹមត្រូវ។
ក្នុងពេលដែលមានរឿងបែបនេះអ្នកស្រី គន្ធសោភា បានឆ្លើយបំភ្លឺថា៖  អ្នកស្រីបានប្រាប់ហើយថាម៉ូតូដែលគាត់លក់អោយនោះជាម៉ូតូដាវ ដែលគេនាំចូលពីថៃ ហើយអ្នកបានយកទៅរត់ការបង់ពន្ធស្របច្បាប់ក្នុងស្រុកអស់ហើយៗ អ្នកស្រីក៏បានបញ្ជាក់បន្ថែមហើយថា៖ម៉ូតូនេះជិះបានតែក្នុងស្រុកទេមិនអាចជិះចូលក្នុងទឹកដីថៃបានទេ។តែប្រហែលអ្នកលក់បន្តក្រោយនោះមិនបានប្រាប់ដល់ជនរងគ្រោះទើបមានបញ្ហាបែបនេះអ្នកស្រីសុំមិនទទួលខុសត្រូវឡើយ ទោះជាយ៉ាងណាមហាជនរងចាំមើលថាតើលោកស្នងការមានចំណាត់ការយ៉ាងណាចំពោះបញ្ហានេះ៕