ឆ្លងចរន្តអគ្គីសនី ឆាបឆេះជណ្តើរយន្តកាស៉ីណូផ្អើលក្រុងប៉ោយប៉ែតទាំងយប់!
ក្រុងប៉ោយប៉ែត: យ៉ាងហោចណាស់មនុស្ស ៦នាក់ បានរងរបួសស្រាលដោយសារឈ្លក់ផ្សែង ខណះ ឆ្លងចរន្ត អន្តីសនីបណ្តាល អោយអណ្តាតភ្លើងឆាបឆេះ ជណ្តើរយន្ត ពីជាន់ទី១៨នៃអាគារកាស៊ីណូមួយរបស់លោកឧកញ្ញាកុកអានខាងក្រោយអាគារកាសុីហ្គ្រេនទីង ស្ថិតនៅក្នុងភូមិក្បាលស្ពាន១សង្កាត់និងប៉ោយប៉ែតខេត្តបន្ទាយមានជ័យកាលពីនៅនៅវេលាម៉ោង៩និង៣០នាទីយប់ថ្ងៃទី៧ ខែមករាឆ្នាំ២០១៩ ។
តាមប្រភពពីកន្លែងកើតហេតុបានអោយដឹងថាដោយសារមានការយកចិត្តទុកដាក់ពីអាជ្ញាធរខេត្តបន្ទាយមានជ័យនិងខាងភាគីថៃបានប្រើប្រាស់រថយន្តពន្លត់អគ្គីភ័យជាច្រើនគ្រើឿងដើម្បីជួយគ្នាបាញ់ទឹករហូតដល់ម៉ោង១២យប់ទើបគ្រប់គ្រងសភាពការណ៍បានទាំងស្រុង។ក្នុងនោះដែរគេសង្កេតឃើញថា មានវត្តមានរបស់លោក សួនបវរ អភិបាលខេត្ត លោកង៉ោម៉េងជ្រួន អភិបាលរងខេត្ត ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថ លោកឧត្តមសេនីយ៍ទោ អាត់ ខែម ស្នងការខេត្ត លោកសានស៊ានហូ អភិបាលក្រុងប៉ោយប៉ែតព្រមទាំងកងកំលាំងក្រោមឱវាទដែលស្ថិតក្នុងមូលដ្ឋានបានចុះទៅជួយពន្លត់យ៉ាងយកចិត្តទុកដាក់ផងដែរ។
សមត្ថកិច្ច បញ្ជាក់ថា៖មូលហេតុដែលបង្ករអោយមានការឆាបឆេះនេះ គឺដោយសារឆ្លងចរន្តអគ្គិសនី ក្នុងជណ្ដើរយន្ត។ រីឯទំហំនៃការខូចខាតគឺនៅមិនទាន់ដឹងនៅឡើយនោះទេ។ ដោយឡែកអ្នករងរបួសប្រហែល៥ទៅ៦នាក់ (របួសស្រាល)នោះត្រូវបានគេបញ្ជូនទៅសង្គ្រោះនៅមន្ទីពេទ្យអស់ហើយ៕
![]()
![]()
![]()