មេឈ្មួញឈើគ្រញូនជើងខ្លាំងដុះស្លែខាងដឹកជញ្ជូនដឹកឈើគ្រញូងប្រចាំស្រុកអន្លង់វែង ឈ្មោះ អាំង មករា
ខេត្តឧត្តរមានជ័យះ សមត្ថកិច្ទជំនាញក្នុងមូលដ្ឋាន ស្រុកអន្លង់វែង បើកដៃឲ្យមេឈ្មួញជើងខ្លាំងឈ្មោះ អាំង មករា និងពួកឈ្មួញជាច្រើនទៀតដាក់កម្លាំងឡើង ចូលទៅលួចកាប់ឈើគ្រញូងនៅក្នុងទឹកដីប្រទេសថៃ
សមត្ថកិច្ចជំនាញនៅស្រុកអន្លង់វែង ខេត្តឧត្តរមានជ័យ បានឃុបឃិតគ្នាជាប្រព័ន្ធបើកដៃឲ្យមេឈ្មួញឈើគ្រញួងជើងខ្លាំងឈ្មោះ អាំង មករា ជាមេឈ្មួញដុះស្លែជើងខ្លាំងជាច្រើនទៀតទាំងនៅក្នុងស្រុកអន្លង់វែង និងស្រុកត្រពាំងប្រាសាទ ប្រមូលគៀងរប្រជាពលរដ្ឋឲ្យលួចឆ្លងដែនចូលទៅលួចកាប់ឈើគ្រញួងនៅក្នុងទឹកដីប្រទេសថៃ យកលក់ឲ្យពួកខ្លួនដើម្បីដឹកបន្ដយកទៅលក់នៅប្រទេសវៀតណាម ដោយមិនខ្លាចកោចញញើត នូវអនុសាសន៍របស់សម្ដេចអគ្គហាសេនាបតីតេជោ ហ៊ុន សែន ឡើយ។
ជាក់ស្ដែងជារៀងរាល់យប់រាល់ថ្ងៃ គេតែងតែសង្កេតឃើញមេឈ្មួញឈ្មោះ មករា និងពួកឈ្មួញជាច្រើនទៀត បានដាក់កម្លាំងឆ្លងដែនចូលទៅលួចកាប់ឈើគ្រញួងនៅក្នុងទឹកដីប្រទេសថៃដោយធ្វើដំណើរ ឆ្លងចូលតាមច្រក ដូចជា ច្រកក្បាលអូរស្វាយ ច្រកថ្មប្រេះ ច្រកឈើទាលជ្រុំ ច្រកចំបក់កោង និងអូរខ្សាច់ ស្ថិតនៅភូមិអូរស្វាយ ឃុំអូរស្វាយ ស្រុកត្តពាំង ប្រាសាទ តែមិនដែលឃើញអាជ្ញាធរមូលដ្ឋាន សមត្ថកិច្ចជំនាញឈរជើងតាមព្រំដែនធ្វើការចាប់បង្ក្រាបសោះ។
សូមបញ្ជាក់ផងដែរថា ជាច្រើនឆ្នាំកន្លងមកនេះមានប្រជាពលរដ្ឋជាច្រើននាក់ បានទទួលរងនូវគ្រោះថ្នាក់ដោយសារតែការលួចឆ្លងដែន ចូលទៅក្នុងទឹកដីថៃលួចកាប់និងស្ពាយឈើគ្រញួងខ្លះត្រូវទាហានថៃចាប់ដាក់គុក អ្នកខ្លះទៀតត្រូវបានបាត់ខ្លួនរកមិនឃើញ និងអ្នកខ្លះទៀតត្រូវបានទាហានថៃបាញ់សម្លាប់ ស្លាប់បាត់បង់ជីវិតយ៉ាងអាណាចអាធម្មជាទីបំផុត ចោលសាច់ញាតិក្រុមគ្រួសារ ឱពុកម្ដាយ បងប្អូន ប្រព័ន្ធកូនតើករណីទាំងអស់នេះ កើតឡើងមកពីដោយសាតែអ្វី?៕
![]()
![]()
![]()