ជញ្ជីងថ្លឹងរថយន្តកូនដំរី ប្រព្រឹត្តអំពើពុករលួយមិនខ្លាចវិធានការក្តៅរបស់លោកស៊ុនចាន់ថុល!
បន្ទាយមានជ័យ៖ ស្ថានីយន៍ថ្លឹងរថយន្តកូនដំរី កំពុងល្បីខ្លាំងថាកំពុងតែបានប្រព្តឹត្ត អំពើរពុករលួយ យកលុយពីរថយន្តដឹកលើសទម្ងន់ដែលជាកក្តាធ្វើអោយ ផ្លូវថ្នល់ខូចហើយដែលជាបន្ទុកដ៏ធ្ងន់ធ្ងរ របស់រាជរដ្ឋាភិបាល ក្នុងការជួសជុលនិងស្តារឡើងវិញដោយចំណាយថវិការជាតិយ៉ាងច្រើនសន្ធឹកសន្ធាប់ក្នុងមួយឆ្នាំៗតែបែជាមន្ត្រីទាំងនោះសំងំកើបលុយច្រកហោប៉ៅយ៉ាងត្រជាក់ចិត្តមិនខ្វលើពីវិធានការក្តៅរបស់លោកទេសរដ្ឋមន្ត្រី ស៊ុនចាន់ថុល ដែលកំពុងតែកែទម្រង់ មន្ត្រីរបស់ខ្លួនដែលខូចៗដើម្បីបញ្ចប់ការបំផ្លាញផ្លូវថ្នល់ដោយអំពើរពុករលួយ។
គួរបញ្ជាក់ថាកាលពីពេលថ្មីៗនេះឯកឧត្តម ទេសរដ្ឋមន្រ្តី ស៊ុនចាន់ថុលបានប្រើ កណ្តាប់ដៃដែកបង្ក្រាប មន្ត្រីខិលខូចដែលតែងតែប្រព្រឹត្ត អំពើរពុករលួយដោយមិនគិតពីផលលំបាក ដែលបង្ករឡើងដោយសារតែរថយន្ត
ដឹកលើសទម្ងន់ ឆ្លងកាត់ផ្លូវជាតិបណ្តាលអោយខូចនិងខាតថវិការជាតិក្នុងការជួសជុលឡើងវិញមិនចេះចប់នេះលោកក៏បានដកប្រធាន ស្ថានីយថ្លឹងរថយន្ត ចេញពីតំណែងចំនួន៣ កន្លែងភ្លាមៗក្រោយពីរកឃើញភាពមិនប្រក្រតី និងព្រមានដកប្រធានស្ថានីយថ្លឹងរថយន្តបន្តបន្ទាប់ទេបើនូវតែបន្តប្រព្រឹត្តអំពើរពុករលួយមិនកែខ្លួននោះ។
លោក ទេសរដ្ឋមន្រ្តី ស៊ុនចាន់ថុល បានបញ្ជាក់ថា៖ យើងមានព័ត៌មានថា៖កន្លែងជញ្ជីងមួយចំនួនរថយន្តមិនចូលថ្លឹងផងអោយទៅបាត់!អោយតែបង់លុយអោយតែបានលុយអោយចំពោះនេះលោកមានភ័ស្តុតាងអោយហើយ ព្រោះមានទាំងរូបថតនិងសំឡេងទៀតដែលគេថតបានបញ្ជូនមកនោះអញ្ចឹងលោកត្រូវតែចាត់វិធានការក្តៅហើយព្រោះមិនអាចបណ្តោយអោយខូចមុខមាត់ប្រទេសជាតិឬរាជរដ្ឋាភិបាលយើងទេ។ឆ្លៀតឱកាសនេះលោកក៏សូមផ្តាំផ្ញើរដល់មន្ត្រីនៅតាមស្ថានិយជញ្ជីងថ្លឹងរថយន្តទាំងអស់ត្រូវធ្វើការអោយបានហ្មត់ចត់ ត្រឹមត្រូវ ឡានត្រូវថ្លឹងអោយបានពិតប្រាកដ ទម្ងន់លើសត្រូវតែផាកពិន័យមិនអាចអោយគេឆ្លងកាត់ដោយមិនថ្លឹងឬថ្លឹងហើយយកលុយគេហើយអោយគេទៅទៀត! អត់បានទេសុំបញ្ចប់ហើយវប្បធម៌បែបនេះ។
តែទោះបីជាមានបទបញ្ជារបែបនេះក៏គេសង្កេតឃើញថា៖ជញ្ជីងថ្លឹងរថយន្តនៅចំណុច កូនដំរី សង្កាត់និមិត្ត ក្រុងប៉ោយប៉ែតខេត្តបន្ទាយមានជ័យ។ មិនយកត្រចៀកស្តាប់និងអនុវត្តន៍តាមឡើង ដោយនៅព្រឹកថ្ងៃទី២ខែកុម្ភះឆ្នាំ២០១៩នេះគេនៅតែឃើញរថយន្តដឹកកសិផលដូចជាស្រូវដំឡូង ពោត រហូតដល់រយន្ត ឥដ្ឋ ខ្សាច់ ថ្មបន្តឈប់ចូលទៅបង់លុយនិងមិនចូលថ្លឹងឡើយ។ មូលហេតុដែលក្រុមមន្ត្រីនៃស្ថានិយថ្លឹងរថយន្តចំណុចកូនដំរីនេះមិននៅតែផ្គើនមិនញញ៉ើតទៅហ្នឹងវិធានការក្តៅរបស់លោក ទេសរដ្ឋមន្ត្រី ស៊ុនចាន់ថុល បែបនេះគឺមកពីអំណាចលុយមានឥទ្ធិពលជាបញ្ជារលោកស៊ុនចាន់ថុលតែម្តង។
ប្រភពព័ត៌មានបានអោយដឹងថា៖ក្នុងមួយថ្ងៃៗក្រុមកាងារជញ្ជីងថ្លឹងរថយន្តនៅចំណុចដូចបានរៀបរាប់ខាងលើនេះទទួលបានលុយកកាក់ក្រៅផ្លូវការដែលគេតែងនិយាយថាថ្លៃបាយទឹកនោះគឺរាប់លានរៀលក្នុង១ថ្ងៃៗ រថយន្តផ្លូវ៥ ដែលគេកំណត់៣៣តោនដោយថ្លឹងសរុបទាំងទម្ងន់សំបករថយន្ត តែម្ចាស់រថយន្តតែងតែដឹកលើស១ទៅ២តោនដោយទុកលុយកាក់ខ្លះបង់លុកកាក់ថ្លៃបាយទឹកជូនអស់លោកមន្ត្រីនៃស្ថានិយថ្លឹងរថយន្ត៥០០០០រៀល។
ជាទម្លាប់របស់ក្រុមអ្នកបើកបររថយន្តដឹកលើសទម្ងន់។ពួកគាត់សម្បាយចិត្តណាស់ដោយសារតែមន្ត្រីជញ្ជីងថ្លឹងទាំងនោះតែងតែអនុគ្រោះដល់ការដឹកជញ្ជូនបើត្រូវលើសទម្ងន់ត្រូវ៥តោនអត់បញ្ហាកុំអោយតែហួសហេតុពេកទើបគេផាកពិន័យ។
ជុំវិញបញ្ហានេះ លោក គឹមសុវណ្ណ ប្រធានមន្ទីសាធារណការនិងដឹកជញ្ជូនខេត្តបន្ទាយមានជ័យបានឆ្លើយ បដិសេធថាលោកមិនបានដឹងរឿងមន្ត្រីជញ្ជីងថ្លឹងរថយន្តកូនដំរី ដែលយកលុយពីរថយន្តដឹកលើសទម្ងន់អីនោះទេព្រោះអ្នកគ្រប់គ្រងគឺខាងក្រសួងឯណោះទេ ហើយក្រែងគេយកហ្នឹងថ្លៃផាកពិន័យចូលរដ្ឋទេដឹង!គួរតែសួរខាងក្រសួងទៅ។តែយ៉ាងណាក៏ដោយលោកស៊ុនចាន់ថុលបានប្រកាសរួចហើយថាលោកហ្នឹងប្រើវិធានការក្តៅចំពោះមន្ត្រីជញ្ជីងថ្លឹងរថយន្តណាដែលប្រព្រឹត្ត អំពើរពុករលួយយកតែលុយហើយមិនអោយរថយន្តចូលជញ្ជីងថ្លឹងលោកដកប្រធានស្ថានីយចោលភ្លាមតែម្តង។ហើយជុំវិញបញ្ហានេះមហាជនកំពុងតែរងចាំមើលចំណាត់ការលោកទេសរដ្ឋមន្ត្រីស៊ុនចាន់ថុលអាចបង្ក្រាបមន្ត្រីពុករលួយនៅស្ថានីយថ្លឹងរថយន្តកូនដំរីបឆនដែរឬទេ?៕
