បន្ទាយមានជ័យ៖ប្រជាពលរដ្ឋរិះគន់ធ្ងន់ៗទៅលើនគរបាល​​​​ ចរាចរណ៍​​ខេត្តបន្ទាយមានជ័យ​​ ថាកំពុង​​ តែធ្វើត្រីងៀតឆ្លៀតពង​​​​ ដោយដាក់កម្លាំងតាមភ្លើងស្តុបដើម្បីជំរិតទារប្រាក់ ពី​​​រថយន្ត​​តាក់ស៊ីរថយន្តដឹកទំនិញ រថយន្ត​​ដឹកដី ជាដើមដើម្បីយកប្រាក់ដាក់ហោប៉ៅចែកគ្នាចាយដោយមិនបានអនុវត្តន៍ច្បាប់។​​​​​កាលពីថ្ងៃទី១៤ខែកុម្ភះឆ្នាំ២០១៩ នេះប្រជាពលរដ្ឋ​​ បានរាយការណ៍ប្រាប់អ្នកយកព័ត៌មាន​​ខ្មែរជាយដែនថា៖ពួកគាត់ពិតជាមានការធុញទ្រាន់មែនទែនដោយសារតែសមត្ថកិច្ច​​​​នគរបាលចរាណ៍ខេត្តបន្ទាយមានជ័យឆ្មក់ឆក់កណ្តៀតដូចចោរដោយពួនស្ទាក់ចាំជំរិតទារប្រាក់ពី​​​ រថយន្ត​​តាក់ ស៉ីរថយន្តដឹកទំនិញ ដឹកកសិផលនិងឡានដឹកដីជាដើម។

 

ប្រភពបានបន្តអោយដឹងទៀតថាៈកន្លែងដែលនគរបាលចរាចរណ៍សកម្មជាងគេនោះគឺ ត្រង់ចំណុច​​ភ្លើងស្តុបទឹកថ្លា​​​​ ដែលស្ថិតក្នុង​ភូមិ​ទឹកថ្លា​​​ សង្កាត់ទឹកថ្លា ក្រុង សិរីសោភ័ណតែម្តង។ហើយជារៀងរាល់ថ្ងៃគេឃើញកម្លាំងនគរបាលចរាចរណ៍៣ទៅ៤នាក់ដែលដឹកនាំដោយលោកខឹមវិសុទ្ធនិងលោកមំុរតនាហៅលោកXO​​ដែលផ្លាស់ប្តូវេនគ្នាមកដាក់នៅចំណុចនោះដើម្បីប្រមូលផលប្រយោជន៍ដោយប្រព្រឹត្តអំពើរពុករលួយ។ប្រភពបានបន្តអោយដឹងទៀតថាដោយគេបានកំណត់មុខសញ្ញារថយន្តតាក់ស៉ី រថយន្តដឹកទំនិញ រថយន្តដឹកកសិផល​​​ រថយន្តអង្កាមជាដើមដោយគេទាប្រាក់ចាប់ពី៥០០០រៀលរហូតដល់២០០០០រៀលតែម្តងទោះបីជាខុសច្បាប់ឬមិនខុសច្បាប់ក៏ដោយគឺយកតែប្រាក់ដាក់ហោប៉ៅដោយគ្មានបានចេញលិខិតស្នាមអ្វីទាំងអស់។ដោយទង្វើបែបនេះហើយបានជាត្រូវប្រជាពលរដ្ឋរិះគន់ធ្ងន់ៗទៅលើនគរបាល​​​​ ចរាចរណ៍​​ខេត្តបន្ទាយមានជ័យ​​ ថាជាចោរស្របច្បាប់ដែលកំពុង​​ តែធ្វើត្រីងៀតឆ្លៀតពង​​​​ ដោយដាក់កម្លាំងតាមភ្លើងស្តុបដើម្បីជំរិតទារប្រាក់ ពី​​​រថយន្ត​​តាក់ស៊ីរថយន្តដឹកទំនិញរថយន្ត​​ដឹកដីជាដើមដើម្បីយកប្រាក់ដាក់ហោប៉ៅចែកគ្នាចាយដោយមិនបានអនុវត្តន៍ច្បាប់នោះ។ទោះជាមហាជនកំពុងរងចាំមើលលោក​​អាត់ខែម ស្នងការខេត្ត​ បន្ទាយមានជ័យមានចំណាត់ការយ៉ាងណាចំពោះកូនចៅរបស់ខ្លួនដែលកំពុងប្រព្តឹត្តទង្វើបែបនេះព្រោះសម្តេចតេជោហ៊ុនសែនបានកំពុងនឹងប្រើកណ្តាប់ដៃដែកកំណែទម្រង់មន្ត្រីរាជការដោយសម្រេចវះកាត់សាច់ស្អុយចោល៕