ចៅហ្វាយខេត្តស្រះកែវចាប់ដៃចៅហ្វាយក្រុងប៉ោយប៉ែតលើស្ពានមិត្តភាព កម្ពុជា-ថៃដើម្បីសំអាតបរិស្ថាន!

បន្ទាយមានជ័យ៖  រក្សាទុកសំរាមក្បែផ្ទះដូចទុកជម្ងឺនៅក្បែរខ្លួន អាជ្ញាធរមានសមត្ថកិច្ចពាក់ព័ន្ធ ប្រចាំក្រុងប៉ោយប៉ែតនិងអាជ្ញាធរខាងភាគីថៃ ចាប់ដៃគ្នា សំអាតលើស្ពានមិត្តភាព( កម្ពុជា.ថៃ )ស្ថិតភូមិក្បាលស្ពាន១ សង្កាត់ និងក្រុងប៉ោយប៉ែត ខេត្តបន្ទាយមានជ័យ។  ដើម្បីសម្អាតអនាម័យ និងបរិស្ថាន ក្រោមប្រធាន បទៈ (ដើម្បីផ្ទះយើងស្អាត) ។
ដែលពិធិនេះបានប្ររព្ធធ្វើឡើងកាលពី ព្រឹកថ្ងៃទី២០ ខែកុម្ភៈ ឆ្នាំ២០១៨ភាគីកម្ពុជាដឹកនាំដោយលោក សាន ស៊ានហូ អភិបាលនៃគណៈអភិបាលក្រុងប៉ោយប៉ែតចំណែកភាគីថៃដឹកនាំដោយលោក វិឆិត ឆាតផៃសិទ្ធ អភិបាលខេត្តស្រះកែវ ។ ដោយមានការចូលរួមពីសមត្ថកិច្ចពាក់ព័ន្ធ គ្រប់លំដាប់ជាន់ថ្នាក់ និងលោកគ្រូ អ្នកគ្រូ សិក្សានុសិស្ស នៅក្រុងប៉ោយប៉ែតនិងស្រុកអរ័ញ្ញ ចូលរួម ប្រារព្ធពិធីខាងលើនេះ យ៉ាងច្រើនកុះក ដើម្បី
រួមរួមគ្នាក្នុងការសម្អាតអនាម័យ និងបរិស្ថាន រួមគ្នា ព្រោះនេះជាមុខជាមាត់ប្រទេសជាតិរវាងកម្ពុជា-ថៃ។
លោក សាន ស៊ានហូ អភិបាលនៃគណៈអភិបាលក្រុងប៉ោយប៉ែត បានមានប្រសាសន៍ក្នុងពិធីទិវាសម្អាតអនាម័យ និងបរិស្ថាន ក្រោមប្រធានបទ (ដើម្បីផ្ទះយើងស្អាត) ថា៖ អនាម័យ សំរាម គឺនៅតែជាដើមចម ដែលប៉ះពាល់ដល់ ជំវិញបរិស្ថាន និងការរស់នៅរបស់បងប្អូនប្រជាពលរដ្ឋ សូមចូលរួមជួយថែរក្សា សម្អាត និងវិចខ្ចប់ទុកដាក់ សំរាម ដាក់ក្នុងធុងសំរាមអោយបានត្រឹមត្រូវ មុនចេញពីផ្ទះ ទៅលក់ដូរនៅផ្សារ រូងក្លឿរ ប្រទេសថៃ លោកអភិបាលបានបន្តទៀតថា៖ សូមសំណូមពរ ដល់បងប្អូនប្រជាពលរដ្ឋ សូមចូលរួមសម្អាត សំរាម ទាំងអស់ ដើម្បីទីក្រុងស្អាត អនាម័យ បរិស្ថាន ស្អាត ហើយបងប្អូនប្រជាពលរដ្ឋ ក៏ទទួលបាននូវសុវត្ថិភាពល្អ វាអាចជួយកាត់បន្ថយ ការចំលងមេរោគ និងកាត់បន្ថយចំលងជំងឺឈឺស្កាត់មួយកំរិតផងដែរ៕