តើជាថ្ងៃអង្សារបស់លោក ណុង វណ្ណៈ ហៅ ណុង ណាក់ ដែលល្បីប្រចាំនៅតំបន់ ក្តុលមែនទេបន្ទាប់ពីបង្កររបួសស្នាមលើពលរដ្ឋ!
កំពង់ឆ្នាំង៖ មហាជនទន្ទឹមរងចាំមើលតើសមត្ថកិច្ចជំនាញអាចបំបែកសំណុំរឿងរបស់លោក ណុង ណាក់ បានដែរឬទេខណះដែលជននេះបង្ករព្យុះភ្លៀងតាមទំនើងចិត្តរហូតហ៊ានបង្កររបួសស្នាមលើប្រជាពលរដ្ឋថែមទៀត។
លោក ណុង វណ្ណៈ ហៅ ណុង ណាក់ ដែលល្បីប្រចាំនៅតំបន់ ក្តុល មិនដែលមានសមត្ថកិច្ចណាហ៊ានបំបែកសំណុំរឿង តែ មកដល់ពេលនេះប្រហែលជាត្រូវអស់លក្ខណ៍ហើយមើលទៅបន្ទាប់ពីលោក ណុង ណាក់ និងបក្សពួករបស់គេបាន បាញ់គំរាមប្រជាជនស្លូតត្រង់ថែមទាំងវាយដំទៅលើប្រជាពលរដ្ឋស្លូតត្រង់2នាក់បណ្ដាលឲ្យបាក់ដៃរងរបួសជាទម្ងន់នៅថ្ងៃទី 20 ខែកុម្ភៈឆ្នាំ2019។ ក្រោយពេលកើតហេតុសមត្ថកិច្ចនៃស្នងការនគរបាលខេត្តកំពង់ឆ្នាំងដឹកនាំដោយលោក ប៉ុល វុទ្ធីស្នងការរងនគរបាលខេត្តកំពង់ឆ្នាំង ចុះទៅដល់កន្លែងកើតហេតុបានឃាត់ខ្លួនប្អូនប្រុសបង្កើតលោក ណុង ណាក់ឈ្មោះ ណុង វណ្ណាត ហៅអាក្រឹម មកធ្វេីការសាកសួរ។ចំណែកលោក ណុង ណាក់ គេចខ្លួនបាត់។
មហាជនទន្ទឹមរងចាំមើលតើសមត្ថកិច្ចជំនាញអាចបំបែកសំណុំរឿងរបស់លោក ណុង ណាក់ បានដែរឬទេបន្ទាប់ពីពេលកន្លងទៅឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងបានលើកឡើងក្នុងសន្និបាតមួយថាតើលោក ណុង ណាក់ គឺជាអ្វី ...?ហេតុអី្វក៏មិនអាចអ្នកណាបង្រ្កាបបានទុកឲ្យបុគ្គលនេះធ្វើព្យុះធ្វើភ្លៀងដោយសេរីបែបនេះ។
