ក្មេងប្រុសស្រីបីនាក់ចុះលេងទឹកក្នុងរន្ធដៅដី បណ្តាលអោយលង់ស្លាប់
ព្រៃវែង:គួរឲ្យសង្វេគ ក្មេងប្រុសស្រីបីនាក់ចុះលេងទឹកក្នុងរន្ធដៅដី បណ្តាលអោយលង់ស្លាប់យ៉ាង អណោចអធម្មដែលករណីគ្រោះថ្នាក់សង្គមនេះកើតទ្បើនៅថ្ងៃសៅរ៍ ១៣ រោច ខែបុស្ស ឆ្នាំចសំរឹទ្ធិស័ក ពុទ្ធសករាជ ២៥៦២
ត្រូវនឹងថ្ងៃទី២ ខែកុម្ភៈ ឆ្នាំ២០១៩វេលា ម៉ោង១៦:៣០នាទី នៅចំណុចរណ្តៅដីស្ថិតនៅខាងកើតចម្ងាយប្រហែល២០០ម៉ែត្រភូមិកណ្តាច់ ឃំុចុងអំពិល ស្រុកកញ្រ្ចៀច ខេត្តព្រៃវែង។
ជនរងគ្រោះមានគ្នា ០៣នាក់បានលង់ទឹកស្លាប់ទី១មានឈ្មោះ ដេត ជូលី ស្រី អាយុ១២ឆ្នាំ ទី២ឈ្មោះ ពៅ បញ្ញា ភេទប្រុស អាយុ៣ឆ្នាំ និងទី៣ឈ្មោះ វ៉ាត ទី ភេទស្រី អាយុ៣ឆ្នាំ(ស្លាប់ទាំង៣នាក់) នៅកន្លែងកើតហេតុ។ តាមការបំភ្លឺរបស់ជីតាជនរងគ្រោះបានឲ្យដឹងថាចៅរបស់គាត់បាននាំគ្នាចុះលេងទឹកក្នុងរណ្តៅដីហើយលង់ស្លាប់ទាំង៣នាក់ពិតមែន បើផ្អែកតាមការពិនិត្យរបស់សមត្ថកិច្ចបានឃើញថាជនរងគ្រោះទាំងបីនាក់ ពិតជាស្លាប់ដោយសារលង់ទឹក ពិតមែន បច្ចុប្បន្នសាកសព បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
